Денес се изврши масовно дезинфицирање на јавните површини го градот, кое започна во 7 часот изутрина.

Координатор на акцијата беше ЈП „Комуналец“, а во акцијата се вклучија и ЈКП „Водовод“, КЈП „Нискоградба“, ЈП „Паркинзи“, Територијалната противпожарна служба, екипи на ЕСМ-РЕК Битола, ЈП „Стрежево“, приватните компании „Зимак“, „Стентон градба“, ЗИК „Пелагонија“ како и волонтери од руралните средини.

-Во акцијата беа ангажирани 5 цистерни, 22 трактори, 1 метларка, 50 рачни пумпи и останати возила за логистика. Според претходно подготвениот оперативен план, градот беше поделен на 27 реони, во кои делуваа цистерните и тракторите. Посебен акцент е ставен на Широк сокак и дворот од Градската болница, каде работеше метларката пропратена со рачно прскање. Рачните грбни пумпи се користеа за урбаната опрема – клупи, детски и спортски реквизити, корпи за отпадоци и патеките до влезовите на зградите за колективно домување, информираат од Општина Битола.

Тракторите кои дојдоа од руралните средини, по завршувањето на акцијата во градот, продолжија со дезинфекција во руралните средини од каде доаѓаат.

Се предвидува акцијата да продолжи (повтори) во текот на наредните денови.

И денеска нема новодијагностицирани од КОВИД-19 во Битола, останува бројката од 8 позитивни на коронавирусот. Во болницата во Битола се хоспитализирани вкупно 5 пациенти, еден пациент повремено на кислородна поддршка, а другите стабилни. На домашно лекување преку оваа болница се следат 7 пациенти кои се во добра општа состојба, информира министерот Венко Филипче.

Во изминатите 24 часа се регистрирани 49 нови случаи на Ковид-19. По градови:

- Скопје 13
- Куманово 14
- Штип 6
- Прилеп 8
- Велес 6
- Гостивар 1
- Кочани 1.

.

Реконструкцијата  на фасадата на  Управната зграда на ЈП „Пазари“ е во тек и веќе се наѕира новиот изглед на   објектот  изграден пред 70 години.