Во последните 24 часа се направени 2236 тестирања, а регистрирани се 628 нови случаи на ковид-19 во:

- Скопје 353
- Куманово 33
- Штип 13
- Прилеп 36
- Тетово 33
- Струга 11
- Велес 34
- Битола 28
- Охрид 17
- Кавадарци 7
- Гостивар 7
- Струмица 20
- Крива Паланка 6
- Радовиш 2
- Пробиштип 3
- Демир Хисар 1
- Македонски Брод 2
- Берово 2
- Виница 1
- Делчево 4
- Свети Николе 6
- Кичево 6
- Ресен 1
- Неготино 2

С О О П Ш Т Е Н И Е

Здружението на пензионери Битола ке врши запишување и уплата на свински полутки за сите заинтересирани пензионери- членови на Здружението на пензионери од Општина Битола, Новаци и Могила.

Запишувањето на свинските полутки ке се врши во периодот од 10.11.2020 до 30.11.2020 год.

Со оглед на состојбата со корона вирусот,запишувањето на свинските полутки ке се врши во Клубот на пензионерите на ул. ,,Булевар 1-ви мај бр. 268 Битола во време од 11 до 13 часот. и при тоа мора да се почитуваат сите мерки на претпазливост пропишани од здраствените органи на Република Северна Македонија.

При запишувањето на свинските полутки, секој пензионер треба да носи лична карта и талонче од пензијата од последните три месеци со пензионерски број.

Плакањето на свинските полутки ке се врши на три последователни рати, со тоа што првата рата мора да се плати веднаш со запишувањето на полутките.

Големината на полутките ке изнесува од 25 до 35 кгр.

Се повикуваат сите заинтересирани фирми кои вршат продажба на свинско месо да поднесат писмени понуди до ЗП Битола најдоцна до 05.11.2020год во затворен плик со назнака ,,понуда,, на адреса ,,Булевар 1-ви мај,, бр.268 Битола.

Секој понудувач треба да достави писмен доказ дека поседува продавница за месо, а при испораката на свинските полутки да се придржува кон сите мерки и протоколи пропишани од здраствените органи предвидени за испорака на ваков вид на производи.

При изборот на најповолна понуда Комисијата ке ја зема во предвид цената и квалитетот на месото.

„Заврши првата фаза на евалуација од целокупната постапка за доделување на високоефикасни инвертер клима уреди. Средствата обезбедени за реализација на овој јавен повик се воедно и една од најголемите инвестиции досега во насока на подобрување на квалитетот на живот. Без лажна загриженост, без приказни за Божји сили, ова е навистина сериозен исчекор во борбата против аерозагадувањето. Да не го забораваме фактот дека ова е првпат државата во рамките на планот за чист воздух да даде 2,5 милиони евра за кои се заслужни и АД ЕСМ кои ги обезбедија средствата, Владата на РСМ која овозможи механизам за трансфер на тие средства, па се до одлучноста на Општина Битола да ја спроведе целата постапка“, рече Татјана Крнчева, советник од СДСМ во Советот на Општина Битола.

Ракометниот клуб Еурофарм Пелистер денес во Данска ја започнува новата авантура во европскиот ракомет. За жал, во време на корона, тешко дека ќе имаме можност да го бодриме од трибините и кога ќе игра тука во Спортската сала Боро Чурлевски.Без разлика на околностите, сигурен сум дека битолчани ќе го бодрат својот клуб каде и да игра, кога и да игра, изјави на денешната прес конференција Претседател на СДММ Битола, Петар Николовски.

„А, до пред само една година, врвен европски ракомет битолчани гледаа само на телевизија. Локалната самоуправа предводена од СДСМ покажа дека со искрен и сериозен пристап кон спортот, Битола може да се радува и на Лига на шампиони.

Општина Битола ја објави прелиминарната листа на апликанти кои ги исполнуваат критериумите согласно јавниот повик за субвенционирање на домаќинствата во општина Битола за набавка и монтажа на високоефикасни инвертер клима уреди.  Апликантите кои ги има на оваа листа треба да обезбедат и физички да ја достават документацијата до Општина согласно јавниот повик и правилникот, односно да достават:

- Барањето за субвенционирање на домаќинства 
- Копија од лична карта
- Комплетен имотен лист
- Решение за данок на имот (доколку е потребно, односно доставено при електронското аплицирање)
- Изјава за промена на адреса (доколку е потребно, односно доставена при електронското аплицирање)
- Изјава за носител на домаќинство (доколку е потребно, односно доставена при електронското аплицирање)
- Сметка (доколку е потребно, односно доставена при електронското аплицирање)
- Фактура (оригинал)
- Фискална сметка (оригинал)
- Копија од трансакциска сметка
- Испечатена фотографија од печката
- Изјава за користење на инвертер заверена на нотар (се симнува од овој линк)
- Друго (доколку е потребно, односно доставено при електронското аплицирање)

Денес во Битола има 8 новозаболени од КОВИД-19, активни се 187 случаи, оздравени се тројца. На Инфективното одделени во Клиничка болница Битола хоспитслизирани се 60 пациенти. Еве го денешниот здравствен Билтен што го објавиМинистерството за здравство

Пишува: Александар Литовски

Во изминатиот период, после отстранувањето на дел од градежното скеле на објектот на Офицерскиот дом, битолчани можеа да посведочат на новиот изглед на овој, навистина импозантен објект.

Меѓутоа реакциите по однос на бојата на фасадата беа различни. Многумина ја паметат белата боја на овој објект, и според тоа сметаа дека оваа боја, била и оригиналната боја на објектот.

Како институција задолжена за вршење на конзерваторскиот надзор и следење на работите на Офицерски, би сакале да Ве информираме за начинот и причината за избор на актуелната боја на фасадата на објектот.

Во долгиот период на опстојување на овој објект, фасадата во повеќе наврати го менувала својот колорит. Така на пр. во последните дваесетина години таа беше бела. Постарите битолчани можеби се сеќаваат на изгледот на Офицерски во седумдесетите години на минатиот век, кога неговата фасада била темно розова, додека пак претходно таа била жолта (окер) и.т.н.

Во насока на дообјаснување и реално прикажување на фактите, би сакале да Ве информираме, дека денешната боја всушност е најстариот, или оригинален слој, кој беше откриен на фасадата на Офицерски, а истиот беше одреден врз основа на конзерваторски истражувања и соодветни хемиски анализи, кои беа реализрани од страна на стручни лица.

Само како пример ќе споменеме дека, и пред дваесетина години, кога се вршеше конзервација на фасадите на објектите кои се наоѓаат на Широк Сокак, по пат на соодветни конзерваторски истражувања и хемиски анализи се одредуваше бојата на секој од поединечните објекти. На тој начин шареноликоста и богатството на бои на фасадите од овие објекти, е всушност продолжение на некогашниот изглед на Широк Сокак.

Се надеваме дека ова соопштение ќе овозможи прецизно информирање на јавноста за причината и изборот на актуелниот изглед на Офицерски, соопштија од Завод и музеј Битола.