Во текот на ноќта делови од Битола кои во вчерашниот ден се соочија со проблеми во водоснабдувањето, добија вода. Вчера прво се појави дефект на водоводната мрежа на улица ,, Ќирил Пејчиновиќ", а кога овој дефект беше саниран, при пуштањето на водата пукна цевка кај Црн Мост. Тоа го одложи пуштањето вода за подоцна. Екипи на ЈКП Водовод со часови работеа на отстранување на дефектите. .

Ж.З.

На повеќе локации во Битола, на крстосници и булевари  СВР Битола, Отсекот за превенција,  им го честитаа денешниот празник на припадничките на понежниот пол. Со каранфил во рака  заминаа не само жените возачи, туку и пешаците. 

ЈКП „Водовод“ од рано утрово работи на санирање на дефект на водоводна цевка Ф 250 мм на улицата „Кирил Пејчиновиќ“, над Црн Мост во Битола. 

Поради дефектот голем дел од домаќинствата во овој дел на градот се без вода. Од ЈКП „Водовод“ информираат дека се работи на нормализирање на состојбата. 

  По повод одбележувањето на 8-ми Март- Меѓународниот ден на жената, Јавното претпријатие „Стрежево“ упатува честитка до сите припаднички на понежниот пол, оддавајќи почит и признание на вековната борба на жената за економска, политичка и социјална рамноправност, ценејќи го трудот на жените и нивниот придонес во изградбата на нашето општество и почитувајќи ја нејзината улога  во изградбата на демократска заедница на рамноправни граѓани. 

Место класична честитка за Осми март, на своите читателки Апла.мк им го честита Денот на жената со бесмртните стихови од доајените на македонската поезија посветени на жената. Ацо Шопов во „Третата молитва на моето тело“ жената ја нарекува со моќно име Победувам, Петре М. Андреевски во антологиската „Кога ја љубев Дениција“ љубењето на жената го споредува со калемење светлина на мракот, а Балаже Конески во „Убавите жени“ жали за бесповратната младост на жените прецутена како мајски јоргован. 

Дамите кои ги анкетиравме велат дека жената во себе носи цел универзум и иако е половина од општеството, цел живот се грижи за останатата половина

Универзитетската библиотека „Св.Климент Охридски“ од Битола по повод Меѓународниот ден на жената, 8-ми Март, организира оригинална изложба на книги од женски автори. Над 150 книги од македонски авторки се изложени во холот на Битолската библиотека. Меѓу книгите има поезија, проза, литература за возрасни и деца. Излжбата покажува колку македонската жена била и е креативна кога станува збор за пишаниот збор.

И покрај сушата и продолжената сезона за наводнување во изминатата година , како и неповолните временски услови на почетокот од оваа година акумулацијата „Стрежево“ во моментов располага со близу 50 милиони метри кубни вода, од вкупниот капацитет од 120 милиони м3 вода, потврдува првиот човек на ЈП „Стрежево“-Битола, Менде Граматковски.

ЈП „Стрежево“ и покрај неповолната хидролошка состојба во изминатиот период веќе има обезбедено вода за РЕК „Битола“ (12 000 000м3) и ЈКП „Водовод“ (5 000  000м3) а остатокот на вода за останатите  водокорисници (земјоделци).