Вистински музички спектакл приреди балканската музичка ѕвезда на Фестивалот на музика од светот во Битола. Битолчани ги почести пеејќи ја песната ,,Ако одам во Битола", а потоа следеа ,,Јовано, Јованке", ,, Судбо клета", ,,Шекерна"" и други македонски и српски хитови. 

Српската поп ѕвезда, Јелена Томашевиќ, пред вечерашниот концерт на фестивалот „Музика од светот“ во Битола, прошета по Широк Сокак и се пофали со фотографија на инстаграм под која напиша : „Ако одам во Битола ќе прошетам по Широк Сокак“, стих од една од најпопуларните песни за Битола чиј автор е Петар Георгиев Калица.

Гого Видимче директорот на Пелагонискиот плански регион по чија иницијатива се изгради новиот детски парк во Битола најавува дека полицијата е во акција да ги открие вандалите кои ноќеска се изживуваа во паркот.

-Играчките кои беа уништени се повторно ставени во употреба.              

Зарем и овој импозантен детски парк кој за прв пат  се случува во нашата Битола, се трудите да го уништите?

Од денес во координација со МВР се преземаат мерки, секој кој на било каков начин ќе се обиде да го уништи ова наше заедничко добро, да биде пронајден и санкциониран.

Нема да дозволиме 99% од најмладите да страдаат поради 1% несовесни поединци, затоа што ништо не е толку вредно колку детската радост, напиша Видимче на својот фејсбук профил.

А.Б

Вандали ноќеска се изживувале во новиот детски парк сместен во Градскиот парк во Битола . Срушиле реквизити, испишале клупи и делови од опремата во паркот со графити и се потпишале со своите имиња. Ова се случува само неколку дена откако се монтирани и поставени елементитите во паркот, кој допрва го чека официјалното пуштање во употреба. Покрај паркот стои табла на која пишува дека тој е по видео надзор.

А.Б

Локалното мнозинство и опозицијата денес расправаа за развојните планови на Општина Битола во периодот од 2020 до 2022 година. Опозицијата обвини дека едно од главните ветувања што било дадено уште во претходната развојна програма не е реализирано, а тоа е гасифиакција. Од власта им одговорија дека екипа од Општината посветено работи на реализацијата на тој прокет, но ќе го направат и Офицерскиот дом, трибината на Стадионот, како и реконструкција на улицата „Илинденска“.

Ред се чека за тобоганите  во паркот за деца и лица со посебни потреби во Градскиот парк во Битола. Иако паркот се уште не е официјално промовиран сепак од најмали до тинејџери уживаат во забавата. Така беше и денеска претпладне. Новото катче за забава и рекреативни активности се реализира со средства од Министерството за локална самоуправа, заедно со Швајцарската развојна агенција, а по предлог  на Пелагонискиот плански регион.

А.Б

Првиот човек на РЕК-Битола Златко Ќурчиевски ги оквалификува како конфузни и манипулативни  обвинувањата  за РЕК Битола од  членот на ИК на ВМРО-ДПМНЕ Силвана Ангелевска.

Ќурчиевски јавно и отворено одговори на обвинувањата иако како што рече бил во недоумица дали се работи за шега или сериозна изјава.  

АД ЕСМ  донираше 10 илјади евра за фотоволтаична централа на Техничкиот факултет во Битола со што уште еднаш се потврди долгогодишна соработка меѓу компанијата и факултетот. Централата ќе се постави  на објектот на Техничкиот факултет и ќе се користи за добивање на електрична енергија за сопствени потреби и истовремено инсталацијата ќе се користи како лабораторија за студентите за нивно едуцирање.

- Соработката што факултетот и компанијата ја имаат датира одамна, но во цел тој период изостанала конкретна поддршка од страна на ЕСМ за институцијата. Тоа го менуваме со одлуката ЕСМ да додели 10.000 евра на Техничкиот факултет Битола за поставување на фотоволтаици на покривот преку кои ем ќе обезбедува дел од сопствените потреби за струја, ем ќе може да ја користи инсталацијата како своевидна лабораторија во која студентите практично ќе се едуцираат. Се надевам дека со оваа донација ЕСМ како енергетски стожер во земјава ќе даде придонес за квалитетна обука на стручни кадри во областите кои се неопходни за освежување на човечкиот потенцијал во компанијата и во земјата, рече Васко Ковачевски, генерален директор на АД ЕСМ на Република Северна Македонија.

Фотоволтаичната електро централа од АД ЕСМ ќе биде со моќност од 10 киловати. На Техничкиот факултет во Битола веќе се инсталирани две централи донации од МЕПСО, истотака со  моќност од 10 киловати и од ЕВН. Вишокот произведена струја ќе се продава, што според деканот на техничкиот факултет Стојанче Нусев ќе биде придонес во финансискиот дел за факултетот.

-Голема благодарност за донацијата, фотоволтачна-електро централа. Таа ќе биде монтирана на кровот на нашиот факултет. Вишокот електрична енергија ќе се предава во системот на АД МЕПСО. Централата ќе служи и како лабораториска опрема за студентите на електро-техничкиот и машинскиот отсек, рече  Нусев , декан на Техничкиот факултет од Битола.

Според деканот оваа година на факултетот ќе почнат  и обуки за оператори со  фотоволтаични централи.

-Алтренативните извори на енергија ќе бидат се попопуларни и од наредната година во рамките на т.н неформално образование, сите кои завршиле средно образование ќе се стекнат со струка оператори со фотоволтаични централи. Имаме смерови заштита на животна средина каде ќе се изучува оваа проблематика, добивање на струја од алтернативни извори на енергија. Секако ќе се намали и загадувањето , рече деканот Нусев.  

А.Б