АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 21, 2025
Анета Блажевска
Во Општина Новаци и денеска се мијат и дезинфицираат улиците и јавните површини. Екипите на ЈКП Комунална Хигиена - Општина Новаци се на терен.
-Заедно во подигнување на нивото на јавната хигиена. ЈКП Комунална Хигиена на терен а вие останете дома, порачува градоначалникот на Општина Новаци Љубе Кузманоски.
Петровска- Во деновите кои што следуваат, да се однесуваме разумно, затоа што разумот, не случајно, е дар на човештвото
Април 17, 2020Денес во Битола е регистриран еден позитивен на коронавирус, со што вкупниот број на заболени е 15 лица.
На денешен ден почина Фана Кочовска Цветковиќ, најмладиот народен херој во поранешна Југославија
Април 17, 2020НА ДЕНЕШЕН ДЕН, 17 април 2004 година почина најмладиот народен херој во цела некогашна Социјалистичка Федеративна Република Југославија (СФРЈ), ФАНА КОЧОВСКА-ЦВЕТКОВИЌ.
Родена била во селото Лавци, Битолско, на 27 јули 1927 година. Со неполни петнаесет години во 1941 г. била активен припадник на македонското националноослободително и комунистичко движење, односно била младинска активистка и член на југословенската комунистичка младинска организација СКОЈ.
Од крајот на 1941 година преминала во илегалство. Учесник во Антифашистичката војна во Вардарскиот дел на Македонија била од ноември 1942 година кога станала борец во Партизанскиот одред „Гоце Делчев“. Подоцна станала младински раководител во Баталјонот „Стив Наумов“ и ао него учествувала во славниот Февруарски поход.
Во време на Пролетната офанзива во борбите околу Злетово била ранета. Се борела против бугарско-германските окупатори и во составот на Третата и Седмата народноослободителна ударна бригада и била член на Главниот одбор на младинската организација на Македонија.
По ослободувањето на земјата од фашистичките окупатори вршела високи општествени и државни функции. Меѓу останатото била иницијатор и организатор на младинската културно-просветна манифестација „Курирче“. Неколкупати била избирана за пратеник на Народните собраниа на Македонија и Југославија. Била член на Обласниот комитет на Младинсклата организација во Битола, била член на Централниот комите на Народната младина на Македонија, претседател на секцијата на жените-задругари на Македонија.
Била и член на Главниот одбор на Сојузот на борците на Македонија и Југославија, член на постојаниот дел на Конференцијата на Сојузот на комунистите на Југославија, а на Десетиот конгрес на СКЈ била избрана за член на Централниот комите на Сојузот на комунистите на Југославија. Била носител на Партизанска споменица 1941. Била прогласена за народен херој на Југославија на 11 октомври 1953 година. Починала во Скопје.
Подготвил: д-р Александар Литовски, историчар
Филипче за случајот со пациентот во Битолската болница
Април 16, 2020Во врска со случајот кој е во Битола дијагностициран, а кој неколку дена лежел на Интерното одделение има информации дека бил во дел за изолација. Но, има неколку различни ставови и мислења, тој случај ќе го истражи Државниот санитарен и здравствен инспекторат уште во следните денови. После направениот увид во целата ситуација ќе излеземе со соопштение", рече министерот за здравство Венко Филипче.
Пациентот беше примен во Болницата на 10 април, следниот ден му беше земен брис, а резултатот беше готов вчера. На социјалните мрежи имаше реакции дека долго време се чекал резултатот што во ризик ги довело медицинските лица кои го лекувале пациентот. Директорката на Болницата денес изјави дека било постапено според протоколите и самата го повика Државниот санитарен инспекторат да го провери случајот.
Пет нови случаи со коронавирус во Битола, вкупно 14
Април 16, 2020Потврдени се пет нови позитивни лица со КОВИД-19 во Битола со што бројката на заразени од вирусот се искачи на 14, соопштија од Центарот за јавно здравје во Битола.
Стручен тим од Центарот во регионот на Битола, Кичево, Ресен и Демир Хисар има земено брисеви за испитување од вкупно 208 лица за КОВИД-19. Кај 170 лица брисевите се земени по епидемиолошки индикации, а кај 38 лица материјалите се со упатување од матичен лекар преку системот Мој термин. Од вкупниот број на земени брисеви, 172 се за лица со место на живеење во Битола, а 36 од Кичево, Ресен и Демир Хисар.
Исто така регистрирано е и лице заболено од коронавирус од Демир Хисар. Пациентите од Битола и Демир Хисар вкупнонна број 15 се на возраст од 5 до 85 години. Од нив осум се жени и седум мажи. Од вкупниот број потврдени позитивни лица, само две лица се хоспитализирани на Инфективното одделение во Клиничка болница Битола, додека 13 се на домашно лекување. Нема испишани оздравени лица по добиени два негативни теста за присуство КОВИД-19, соопштија од Центарот за јавно здравје во Битола.
Екипа на ЈП „Стрежево“ го исчисти вливот на Стрежевската акумулација и аплера на поголема еко свест кај граѓаните
Април 16, 2020ЈП "Стрежево" - Битола спроведе акција за чистење на делот околу вливот во акумулацијата Стрежево. Од таму апелираат до граѓаните за совесно и правилно да манипулираат со својот отпад, со цел да се спречи создавање на диви депонии, да се сфати пораката дека заштитата на животната околина зависи од сите нас, изјави Методија Граматковски, директор на претпријатието.
- Несомнено состојбата налагаше изминатиот период да немаме масовни акции за чистење, туку тоа да го вршат теренските екипи во претпријатието кои се директно надлежни и задолжени за заштита на водите. Со овие акции очекуваме значително да се подобри состојбата со непрописното одложување на отпадот, намалување на неговото штетно влијание и подигнување на еколошката свест на граѓаните.
Очекуваме преку оваа акција да ја разбудиме свеста на граѓаните и месните жители, да не го оставаат ѓубрето крај самата акумулација и да водат повеќе грижа за да биде зачуван овој бисер од непроценлива важност за сите нас, вели Граматковски, директор на ЈП „Стрежево“.
Најчитани
