Се асфалтира улицата „Климент Охридски“ во Битола. Новиот изведувач, кој беше избран откако Општината го раскина договорот со претходниот бидејќи тој не ги испочитува роковите, за многу кус период ја заврши работата и ја асфалтира улицата.

Основното училиште „Тодор Ангелевски“ од Битола го доби проектот со кој аплицираше во Фондот за иновации „Интерактивна карта на потенцијал за користење обновливи извори на енергија во Општина Битола“. Активностите ќе се изведуваат на подрачјето на нашата општина, па учениците ќе се запознаат со локации кои би биле потенцијални ефективни корисници на обновливи извори на енергија.

Центарот за граѓански комуникации го објави рангирањето на институциите според Индексот на активна транспарентност, односно според проактивното објавување информации од јавен карактер изработен во март 2019 година, во кое се вклучени сите министерства, Владата и општините.

ЈЗУ Центар за јавно здравје-Битола од денес до 18 јуни ќе ја реализира првата фаза од програмската дезинсекција со цел уништување на комарците на подрачјето на Општина Битола.

Запрашувањето ќе се врши во периодот од 19:00 до 02:00 часот, со апаратура за УЛВ ладно запрашување поставена на пикап-возило.

Со дезинсекцијата ќе бидат опфатени зелените површини на целото градско подрачје и периферијата на градот, предвидени со оперативниот план и програма усвоени од Општина Битола.

Од ЈЗУ Центар за јавно здравје-Битола информираат дека од денес, паралелно ќе се врши и уништување на ларвните облици на комарците, кои според анализата на таа јавна здравствена установа се сконцентирани во застојни води, бари, мочурливи површини под вегетација, одводни канали во градското подрачје и периферијата на градот кои се мапирани на теренот како потенцијални места за развој на ларвените облици на комарците.

Третирањето ќе се изведува со високо селективен биолошки инсектицид наменет за уништување на ларвите на комарецот и затоа здруженијата на пчеларите имаат обврска превентивно да ги заштитат пчелните семејства во периодот додека се одвива акцијата нагласуваат од ЈЗУ Центар за јавно здравје-Битола.

Рударството во последните години станува претежно машка професија. Но, дека има девојчиња кои сметаат дека во рудниците има место и за жените, доказ е средношколката Марија Христовска, ученичка во Средното општинско училиште „Таки Даскало“ во Битола. Таа е единственото девојче во нејзиниот клас. Христовска заедно со останатите шест соученици од насоката за геолошко – рударски техничар обавува практична настава во рудникот Брод Гнеотино во РЕК „Битола“.

Жителите од Општина Могила имаат можност сами да одлучат кои проект од областа на социјаланата инклузија им е приоритетен, а средствата од 50 илјади швајцарски франци ги обезбедува УНДП и Швајцарската развојна агенција.

Шест ученици од четврта година од геолошко – рударската и металуршката струка при СОУ „Таки Даскало“ од Битола денес во РЕК „Битола“ полагаа практичен дел од завршниот испит за профилот ракувач со рударски машини. Полагањето се одвиваше во Рудникот Брод Гнеотино, под менторство на професори од училиштето и стручни лица вработени во комбинатот. Учениците покажаа одлични познавања на проблематиката што ја совладуваа во текот на целата учебна година.

Во наредниот период во Општина Битола ќе се гради делот од Зелениот  градски пазар каде се продава бижутерија и цвеќе, ќе се реконструира патот за Маловишта, ќе се реконструира и патот за селото Буково, а ќе се прави и  парк во село Лопатица. Ова се четирите  проекти за кои Општина Битола доби пари  преку Програмата за рурален развој.

Мариовско Старавина веќе втора година е центар на организација на кампот за обука на тимовите на општинските сили за одговор на пожари на отворен простор со завршна вежба која денеска се одржа во организација на Планинарско Горскоспасително друштво АВА КОТА 1050 Новаци како главен организатор и Дирекцијата за заштита и спасување како координатор.
Градоначалникот Љубе Кузманоски заедно со директорот на Дирекцијата за заштита и спасување г-дин Аднан Џаферовски го отворија кампот за обука и тренинг и ја следеа завршната вежба на која се симулираше акција и интервенција при гасење на пожар на отворен простор .

"Oпштина Новаци ја покрена иницијативата за обука на просторните сили за заштита од пожари на отворен простор со цел подобрување на противпожарната заштита во регионот а особено на територијата на Општина Новаци и имаме одлична соработка со Дирекцијата за заштина и спасување и со сите инволвирани старни во организирањето на ваков вид на обуки и тренинзи со завршна вежба.Овој камп се организира со цел подигнување на свеста и моралот кај граѓаните за заштина на природата од пожари како и подготневост на просторните сили од пелагониските општини за справување со пожари на отворен простор .Територијата на с.Старавина не случајно е избрана за организирање на оваа вежба бидејќи станува збор за недопрена природа која треба да ја заштитиме од евентуални пожари .И затоа како локална самоуправа даваме силна поддршка во организацијата на ваков вид обуки со цел да обезбедиме подобра заштина на овој регион- истакна градоначалникот Кузманоски .

Во знак на благодарност за активното учество на градоначалникот Љубе Кузманоски и на директорот Џаферовски од страна на Горскоспасителното друштво АВА КОТА 1050 -Новаци им беа доделени и благодарници .
Инаку на обуката која започна на 01 и 02 -ри јуни учествуваа 70 лица, припадници на просторните сили на општините од Пелагонискиот регион , ТППЕ Битола, вработените од Јавните претпријатија во општините , претставници и волонтери од Горско Спасителната служба „Ава Кота“- Новаци и доброволното противпожарно спасителско друштво „ФЕНИКС“ од Битола.Обуката продолжи и на 08 и 09-ти Јуни со завршна вежба.

Обуката во соработка со овие структури ја менторираше и менаџираше Центарот за обука на Дирекцијата за заштита и спасување. Во поддршка на целокупната активност беше и Подрачното одделение при ДЗС - Битола. На обуката беа обработени теми за опасности и мерки за заштита од пожари на отворен простор, примена на сили и средства, карактеристики на шумски пожар и тактики при нивно гаснење и менаџирање во услови на шумски пожари.