Средствата од хуманитарниот пикник што го организираше  Советот на странски инвеститори ќе бидат доделени на Завод за рехабилитација на слух, говор и глас-Битола. Директорката на Заводот  Дивна Живорадиќ- Најдовска вели дека средствата ќе бидат употребени за опремување на сензорната соба во оваа институција. Висината на донацијата ќе се знае во текот на утрешниот ден.

-Советот на странски инвеститори  одлучи средствата од хуманитарниот пикник да ги додели на „ЈЗУ-Завод за рехабилитација на слух, говор и глас-Битола“. Средствата ќе бидат искористени за опремување на сензорна соба во нашиот Завод. Со оглед на тоа дека се работи за поголема инвестиција секоја помош е добредојдена. Ви благодариме, вели директорката на Завод за рехабилитација на слух, говор и глас-Битола, Дивна Живорадиќ- Најдовска.

Според неа сензорната соба ќе биде од корист за децата што имаат сензорна дезинтеграција, а најмногу ќе им помогне на лицата со аутизам во процесот на нивна рехабилитација.

-Оваа донација ќе придонесе за доопремување на нашиот Завод во насока на обезбедување подобри услови за нашите деца, а компаниите на најдобар начин ја докажаа својата општествена одговорност преку организирање на ваков хуманитарен настан,вели Живорадиќ- Најдовска.

Советот на странски инвеститори и Стопанската комора на Македонија го организираа четвртото издание на традиционалната манифестација т.н. „Светски пикник“, во Градскиот парк во Скопје.

Еко акцијата „Мети си со Класнето“ продолжи и денес на плус 30 степени. Жешкото време не ги предомисли наставничката Марија Магдалена Петковска Микаровска, со нејзините ученици и други битолчани да го исчистат ѓубрето од популарната рекреативно –пешачка зона во поранешната касарна во Битола, местото познато како Кај авионите.

Раководството на Македонско научно друштво-Битола, членови на Управниот, Надзорниот одбор и Уредувачкиот совет, подарија книги на како што ја нарекуваат најмалата библиотека во Светот, библиотеката „АЛБИ“, сместена во импозантна куќа двокатница во демирхисарско Бабино.

Најдобрите просветни работници од шесте некогашни републики на поранешна Југославија, а денес независни држави, се обидинија на Меѓународната конференција „Светот на образованието брише граници“ во Будва минатиот викенд во организација на Асоцијацијата на најдобро наставници ANN EX YU.

Пелагонискиот регион кај нас и Западна Македонија во Грција започнуваат соработка за заштита на населението од пограничните региони од евентуални природни непогоди и катастрофи. Со тоа ќе се подигне нивото на хуманост и солидарност во пограничните региони на нашата земја и Грција. Во тек е проектот „Заедничка прекугранична соработка за заштита на населението од природни непогоди и катастрофи од човечки фактор J-CROSS“ кој го спорведува Центарот за развој на Пелaгонискиот плански регион со други парнери, финансиран од ИПА програмата 2014-2020, а кофинансиран од Министерството за локална самоуправа.

Една од активностите е преуредување на коритото и брегот на река Елешка која за разлиак од другиет реки што од кај нас текачт на југ, оваа од Грција тече кон нашата земја и кога водостојот е висок се случуваат поплави.

„Зафат на река Елешка во општина Новаци каде доаѓаше до големи поплави. Со бајпас решение ќе го смениме текот на речното корито, а со тоа при поплави ќе се намалат и негативните последици. Ќе се набави и багер кој ќе го одржува речното корито и за инфраструктурни зафати. Со меѓугранични тренинзи ќе се зајакнат капацитетите на двете страни кога би дошло евентуално до припродни непогоди, заедно да се делува“, рече Гого Видимче, директор на Центарот за развој на Пелагонискиот плански регион.

Буџетот на Центарот за развој на Пелагонискиот регион е околу 300 000 евра. Планирано е инсталирање на ситем за рано предупредување и тревожење, изработка на меѓуграничен акционен план за превенција и управување со ризик, интегриран план за превенција од земјотреси, мрежа од повеќе метео станици и џпс уреди за следење свлечишта во инфраструктурите под ризик, брани и патишта.

„Имаме две главни цели, да направимне сите да сфатат дека цивилната заштита е случај за кој сите треба да се грижат и преку таа граѓанска заштита треба да изградиме доверба и да ги заштитиме граѓаните на двете земји. Ако нешто се случува во Битола луѓето од Флорина (Лерин) да дојдат да помогнат и обратно“, рече Вангелис Кацарос од Универитетот Аристотел од Солун, експерт за цивилна заштита.

Членови на фејсбук групата Битолска патрола најавија дека оваа сабота на осум јуни после 12 часот во кругот на Офицерски дом во Битола ќе фотографираат непрописно паркирани возила на јавни зелени површини и фотографиите ќе ги доставуват до Општинскиот комунален инспекторат на град Битола и МВР Битола.

„Ова ќе го правиме од причина што граѓаните на Битола масовно не ги почитуваат Одлуката за комунален ред и Законот за комунални дејности, па непрописно ги паркираат своите автомобили на јавни зелени површини, а со тоа ги кршат законските прописи и нанесуваат штета на непосредната околина“, пишува во соопштението.

Од Битолска патрола апелират до граѓаните на Битола да бидат внимателни и да ги почитуваат сообраќајните знаци и на тој начин нема да бидат доведени во непријатна ситуација со фотографиите од нивните непрописно паркирани автомобили.

Тие се повикуваат на Одлуката за комунален ред на Општина Битола (Службен гласник бр.14 од 03.12.2012 година) во член 49 е забрането секакво минување, запирање, паркирање и оставање на било кој вид возила и нивно миење во паркови, јавни зелени површини, парк-шуми и рекреативни површини. Во член 82 е дефинирано дека Непрописно паркирано возило е она возило кое е паркирано на јавните површини спротивно на важечките прописи. Во член 121 е наведено дека ќе се применуваат Прекршочните одредби кои се предвидени во член 43 од Законот за комунални дејности (Службен весник бр.95 од 26.07.2012 година) во кој е предвидена глоба во износ од 50 евра во денарска противвредност во мандатна постапка за секое физичко лице кое ќе постапува спротивно на Одлуката.

Во пријатна и натпреварувачка атмосфера помина спортскиот натпревар во спортската сала на училиштето „Климент Охридски“ во Битола во кој заедно учествуваа лица со попречености и ученици од основните и средните училишта од Битола и Прилеп. Натпреварот беше во рамки на проектот „Можеме и сакаме да пееме“ што е дел од медиумската кампања „Попреченоста е само прашање на перцепција“, а во организација на Здружението на лица со интелектуална попреченост „Порака“ од Битола.

Хуманитрна помош за штитениците во Домот за стари лица „Сју Рајдер“ достави невладиното еколошко здружение „Еко жена“ од Битола. Членките на оваа организација, од средствата издвоен од членарината, во Старскиот дом донираа пижами, хигиенски средства, прехранбени продукти, домашно подготвени колачи, сокови, а една од членките им подари 30 пара рачно плетени калчуни, на што штитеницте посебно се израдуваа, велат од „Еко жена“.

Смок долг околу два метра денес бил забележан на улицата „Илинденска“ во Битола во близина на населбата Ушици. Смокот го виделе и фотографирале група деца кои си играле на улица. Раскажуваат дека змијата лазела низ улицата кога поминало возило и ја прегазило. Во близина на местото каде се појави змијата има паркче каде често пати си играт деца.

Прегазен смок денес бил забележан и во месноста кај Симпо во Битола. Овие змии не се отровни. Во април пак, битолчани видоа змија како лази по ѕидот од коритото на реката Драгор во близина на Безистенот.

НА ДЕНЕШЕН ДЕН - 6 јуни, во 1923 година, во село Раково, Егејски дел на Македонија, е роден Гавро ПАНОВСКИ-Јуноша, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија.