Средношколката Костантина Ушковска деновиве имаше самостојна изложба, а нејзините ликовни дела беа исложени во библиотеката на гимназијата “Јосип Броз-Тито” во Битола, каде таа учи. Нејзината љубов кон уметноста и сликањето се јави уште од мала возраст и се развиваше со текот на времето.

Сликите на Ушковска се решително контемплативни. Насловот на оваа изложба “Tell Me When We Draw The Line”, произлезе баш од нејзините чувства кон природата, луѓето околу неа, но и чувствата кон самата себеси. Нејзините дела се рефлексија на чувствата на човекот во секојдневието, и тие го опишуваат својот суптилен и задоволувачки шарм. Тензијата во нејзините дела влегува преку комбинација на релативна тишина и непријатната бучава, но сепак севкупно останува спокојството.

Поддршка за настанот на талентираната средношколка и дадоа професорот Александар Поповски и библиотекарот Драган Ристевски. 

Здруженијата на пензионери од Битола и Прилеп се збратимија. На збратимувањето присуствуваше претседателката на Сојузот на пензионери во земјава Станка Трајковска и претседателот на Собранието на Сојузот на пензионери Илија Адамовски. 

„Збратимувањето дојде како реултат на успешната заедничка соработка на двете здруженија. Со него ќе се продолжи соработката на културен и спортски план. Овој пример ќе послужи и за други здруженија поуспешно да соработуваат меѓу себе“, рече претседателката Трајковска.      

 

Децата од ЈОУДГ „Естреја Овадија Мара“ заедно со  нивните воспитувачки подготвија завршна приредба на тема „Патувам, Патувам...“, која се одржа денеска во Центарот за култура. Креативни костими, музички точки, танцови и други изведби од најмладите, со специфики на разни земји од светот,   можеа да видат родителите и другите  присутни на оваа приредба. 

Прерано починатиот колега „Тоде Петрески“ беше новинар од светски калибар и чест е да се добие наградата што го носи неговото име, рече новинарката Весна Шеровска од ТВ Тера. Таа е годинешната добитничка на наградата востановена по прераната смрт на Петрески, а која традиционално ја додели „Битолски весник“ по четиринаесетти пат.

Дигитален мамограф, дијагностичка опрема која е дефицитарна во Клиничката болница во Битола ќе се набави преку проектот за меѓугранична соработка поддржан од Европската унија. Тендерот е веќе во тек , а се очекува набавката да заврши до крајот на ова лето. Во рамките на проектот ќе се реализира скрининг на одрдени целни групи пациентки за превенција на карцином на дојка,а исто така ќе има и скринизни за карцином на матка

Златна матура славеше генерацијата 19 68/69 година, од таканаречената Долната гимназија „Браќа Миладиновци“- Битола, која повеќе и не постои. Пред пет децении матура  од оваа генерација славеле околу 180 ученици.

 -Се собравме 66 матуранти, доста многу со оглед дека наближуваме до 70 години!, вели славеникот Владо Стојанов.

Улицата „Леринска“ во Битола денеска беше целосно под вода откако при изведба на градежни работи изведувачи  предизвикале штета на водоводната мрежа. ЈКП Водовод за кусо време усепа да ја нормализира состојбата.  

-При изведба на градежни работи од страна на трети лица на улица Леринска број 47, предизвикан е дефект на водоводна линија PVC KM160. Екипите на ЈКП "Водовод" во рекордно време извршија санација на настанатиот дефект и е нормализирано водоснабдувањето во овој дел од градот.
ЈКП "Водовод" секогаш во служба на граѓаните, информираат од ЈКП Водовод Битола.

Со средства од Бирото за рамномерен регионален развој и Општина Ресен, преку Центарот за развој на Пелагонискиот плански регион ќе се реконструира пазарот во Ресен.

Градоначалникот Живко Гошаревски информира дека тендерот е објавен и очекува за околу еден месец да почнат изведбените активности на терен.

– Центарот за развој на Пелагонискиот плански регион го распиша тендерот и по законските процедури, за еден месец треба да почне реконструкцијата на градскиот пазар во Ресен, истакна Гошаревски.

Тоа според него, ќе овозможи подобри услови за преспанските пазарџии за продажба на нивните производи.

По завршување на сите правни процедури, раководителот на одделението за Локален економски развој и прекугранична соработка Крсте Мицалевски, очекува за околу три до четири месеци да бидат реализирани градежните активности. Реконструираниот пазар, според него, ќе биде направен согласно сите норми и стандарди.

– Ќе има голема челична настрешница, реконструкција на тезгите соодветно за продажба на овошје, зеленчук и текстил, а ќе бидат направени интервенции и на подот, појасни раководителот на ЛЕР, Мицалевски.

Преспанските пазарџии своите производи до октомври минатата година ги продаваа во затворен објект, но поради не продолжување на догворот на сопственикот на објектот и јавното комунално претпријатие „Пролетер" како алтернатива ги користеа тезгите од стариот ресенски пазар.