Новиот изведувач на градежните работи на ул. „Климент Охридски“, избран по пат на електронска аукција на 30 април годинава, започна со реконструкција на коловозот и тротоарите на оваа улица. 

Екипи на фирмата „Еуроинвест медиу“ во моментов на терен вршат геодетско снимање и исколчување во функција на израмнување, а паралелно се работи на поставување на тротоарот. По подготвителните активности, се очекува за краток временски период, според договорот склучен со изведувачот, да се изврши асфалтирање и партерно уредување на улицата „Климент Охридски“.

Младинскиот културен центар – Битола во соработка со Општина Битола се организатори на Форумот за утврдување на приоритети за работа на Локалниот економско-социјален совет на Општина Битола (ЛЕСС Битола) за 2019 година.Целта на овој настан е да се зајакне и поддржи работата на Локалниот економско-социјален совет на Општина Битола преку дијалог на членовите на овој совет со заедницата, односно со сите засегнати страни, да се генерираат идеи и да се направи приоритетна листа на проблеми и потреби на локално ниво кои се планира да бидат вклучени во програмата за работа на ЛЕСС Битола за 2019 година.

Истепани неколкумина битолчани на среде улица и омаловажен и навреден полицаец, евидентирала битолската полиција во последните два дена.

Гимназијата Јосип Броз-Тито со низа пригодни активности и богата програма го одбележа Патрониот празник – 25 Мај, Денот на младоста.

Техничкото училиште „Ѓорѓи Наумов“ од Битола е прво и единствено училиште во градот кое во новата учебна 2019/2010 година го воведува дуалното образование преку нов образовен профил Техничар за индустриска мехатроника.  

Toa e занимање од електротехничка струка со четиригодишно траење на образовнието за кое кандидатите треба да имаат минимум 55 поени. Истото е овозможено во соработка со Делегацијата на германското стопанство во Северна Македонија, Министерството за образование и наука на Северна Македонија и компанијата Кромберг и Шуберт од Битола. Делегацијата на германското стопанство во април 2017 година започна со спроведување на програмата за дуално стручно образование во Северна Македонија “Skills Expert”.

Целта на програмата е да им се помогне на компаниите од индустријата да обезбедат стручни и квалификувани работници преку спроведување на системски елементи од германскиот модел на дуално стручно образование. Овој во Германија веќе докажан систем претставува комбинација на теорија и пракса, при што посебен акцент се става на практичната обука во самите компании. Моделот на дуално стручно образование претставува комбинација од теорија и пракса при што образовните процеси се спроведуваат на две места, во компаниите и во стручните училишта. Компаниите се задолжени за спроведување на практичната обука, додека стручните училишта за посредување на теоретските содржини.

-Преку засилената соработка помеѓу компаниите и средните стручни училишта, моделот на дуално стручно образование им овозможува на младите да се стекнат со стручни знаења и вештини кои се барани на пазарот на труд. „Учениците практичната настава ќе ја изведуваат во компанијата Кромберг и Шуберт под менторство на стручни лица на компанијата, додека во нашето училиште ќе ја изведуваат теоретската настава по посебна програма одобрена од МОН. Секој ученик ќе има обезбеден превоз и топол оброк, а од втора до четврта година учениците ќе бидат стипендирани од компанијата со одреден паричен надомест. По завршувањето на образованието учениците имаат можност да се здобијат со сертификат за квалитет од Асоцијациојата на германските комори за индустрија и трговија од Берлин (DIHK).“ – изјави за Апла.мк в.д. директорот Владимир Роме.

Членовите на Здружението на пензионери од Битола беа меѓу најуспешните натпреварувачи на Регионалните спортски игри што викендов се одржаа во Крушево под покровителство на Сојузот на пензионери на државата. На Регионалните пензионерки спортски игри учествуваа претставници на здурженијата од повеќе градови. Се натпреваруваа во повеќе дисциплини и тоа, шах, домино, пикадо, влечење јаже, кошарка  и друго, со што покажаа дека иако пензионери сепак се уште се витални и добро ги служи здравјето.

Покрај натпреаврувачкиот дух, игрите послужија и за ширење на пријателството. Победниците добија благодарници и пласман на Државните пензионерски спортски игри што ќе се одржат на есен.

Учениците од Средното општинско училиште „Таки Дасакало“ од Битола, денеска во малата сала на  Центарот за кутура ја реализраа театарската претстава „Викенд на мртовци“ под менторство на професорката по македонски јазик Весна Јовановска. На сценографијата за претставата и дел од костимите работеа ученици од СОУ „Таки Даскало“ и ученици од преку 10 основни училишта.

Барем едно од министерските места во Владата што ќе се реконструира да биде пополнето со кадар од Битола, очекуваат битолчани. Целта е да се лобира повеќе во Владата за проекти кои се значајни за Битолскиот Регион.

Биточани четири години немаат добиено министерско место. Во Владата на Заев од Битола беше само заменик министерот за здравство, Гоце Чакаровски, кој потоа беше поставен за национален координатор од истата област.

Точно е дека на Битола и недостигаат паркинзи, но, исто така,  факт е дека се поголем број возачи одбиваат да платат паркинг, па создаваат хаос во централното градско јадро, затоа што ги паркираат автомобилите каде ќе стигнат.