Иванчо Тоишевски, во името на  ВМРО-ДПМНЕ и лидерот Христијан Мицкоски, денеска ги повика битолчани заедно да ја започнат обновата на Битола, а разговорите за тоа ги најави за утре со почетоко во 16 часот на Широк Сокак.

Чистење на дивите депонии низ градот ќе спроведат следната сабота, на 28 септември,  битолските јавни претпријатија, а носител ќе биде ЈП „Комуналец“. Предвидено е во акцијата да учествуваат и претставници на невладиниот сектор и локалното население, а ќе започне во 8 часот наутро и ќе се спроведува на неколку локации низ градот

Во организација на Сојузот на здруженија на пензионери на Македонија и Здружението на пензионери од Битола во Народниот театар во Битола се организира културно уметничка приредба насловена „Пензионерите пеат“. На неа учествуваат девет фолклорни групи и ансамбли од југоисточна Македонија кои што презентираа претежно фолклор и песни од нивните места. Приредбата ја поздравија претседателот на Здружението на пензионери Томе Димитровски, претседателот на Сојузот на здруженијата на пензионери на Македонија  Станка Трајкова и градоначалничката на Битола Наташа Петровска.

Некогаш битолчани зборувале еврејски, француски, грчки, турски и секако македонски јазик, а денешните генерации од мали нозе изучуваат англиски, француски и германски јазик напоредно до мајчиниот. Токму на 26 септември, Денот на европските јазици, во просториите на НУ универзитетска библиотека „Св. Климент Охридски“ во Битола, денес, се чуја говори на различни јазици.

Паркирани автомобили често можат да се видат кај новата пешачка зона покрај реката Драгор, на потегот од Безистенот до Ленски мост.

Половина  Битола вечерва петнаесетина минути остана без струја.

„Еден ден ќе одговарате за узурпираниот државен имот“. Вака на владеачкото мнозинство му се закани советничката Анита Ангелевска од ВМРО-ДПМНЕ на денешната 40 седница на Советот на општина Битола, на која единствена точка на дневен ред беше одлуката за утврдување соработка меѓу општините Битола и Демир Хисар, со која треба да се регулира училишниот превоз.

Младинската невработеност е висока и изнсеува над 40 проценти од невработените лица, а Законот за паркатиканство донесен во мај годинава треба да помогне што повеќе млади лица да се вработат. Законот денес го презентираа претставници од Младинскиот културен центар од Битола во рамки на прокетот за јакнење на капцитетите на Локалниот економски совет на општина Битола. Придобивките на законот беа презентирани пред претставници од бизнис секторот и јавни институции.

Националната установа Универзитетска библиотека „Св. Климент Охридски“ – Битола во соработка со   училиштето  за странски јазици „ Rosetta Stone“, Француската Алијанса Битола,  ОУ „Гоце Делчев“ – Битола и „Сумнал“ – здружение за развој на ромската заедница заеднички  ќе го одбележат  Европскиот ден на јазиците со повеќе содржини кои го илустрираат значење на учење на јазици, промовирање на толеранција и соживот и развивање на социјална инклузија на младата генерација.

Издавачката куќа Топер по  повод одбележувањето на Европскиот ден на јазиците ќе и донира на битолската библиотека над 100 најнови изданија на најмалите читатели кои ќе  бидат изложени во холот на библиотеката.

Настанот ќе се одржи на ден 26.09.2019 година (четврток) со почеток во 12 часот во просториите на Библиотеката.