Локалната самоуправа од Битола, денеска го објави јавниот повик за доделување на финансиски средства од Буџетот на општина Битола на здруженија на граѓани и фондации за 2019 година.

-Врз основа на Методолигијата за определување на критериуми за доделување на финансиска помош на здруженија на граѓани и фондации од буџетот на општината Битола (,,Службен гласник на општината Битола“ бр.5/16), општина Битола објавува ЈАВЕН ПОВИК за доделување на финансиски средства од Буџетот на општина Битола на здруженија на граѓани и фондации за 2019 година.Распределбата на средствата за здруженијата/фондации од буџетот на општина Битола се врши преку грантови за проекти во приоритетни области и цели кои се однесуваат на: -локален и економски развој, -образование, -култура, -техниката, -наука, -здравство, -спорт, -екологија и -други области, пишува во  огласот.

http://www.bitola.gov.mk/јавен-повик-за-здруженија-на-граѓани-и/.

Дури 77 проценти од жалбите што лани биле поднесени до Советот за етика во медиумите се однесувале на интернет портали, беше соопштено на денешната дебата на СЕММ во Битола за медиумската саморегулација. Од Советот за етика рекоа дека он лајн медиумите се посебна приказна бидејќи често пати кај дел од нив има нарушувања во почитувањето на Кодексот на новинари. Но, решението го гледаат во нивна саморегулација, а не воведување на дополнителни законски решенија.

На 40. издание на Фестивалот за детско поетско творештво „Детски лирски треперења“, Антониа Цветаноска, ученичка во VII одделение во ОУ „Гоце Делчев“ - Битола, освои награда за најуспешна поетска творба. Нејзин ментор е професор Емилија Прчкова. Фестивалот традиционално се одржа во Детското одморалиште „Радости" - Охрид, а наградите ги додели познатиот писател Горјан Петревски.

ЈП „Стрежево“ Битола им соопштува на сите граѓани дека сезоната за наводнување 2019 година е започната. Од тие причини во главниот канал и останатите објекти се пуштаат поголеми количини на вода, поради што СТРОГО СЕ ЗАБРАНУВА движење и задржување на граѓаните (минувачите) околу истите.

Сето ова е заради заштита на нивната безбедност и безбедноста на нивните најблиски.

Со почит, ЈП „Стрежево“-Битола

Општина Битола и битолското Здружението на пензионери денес потпишаа Меморандум за соработка, а целта е унапредување на нивните права и подобрување на состојбата во сите сфери на општественото живеењее.

На повикот на „Предизвик за млади истражувачи 2“ кој Фондот за иновации и технолошки развој го организира во соработка со Министерството за образование и наука во силна конкуренција ОУ ,,Даме Груев,, од Битола го освои првото место со најголем број на поени.

Петнаесетина кандидати се пријавиле на партискиот конкурс за избор на нов претседател на СДСМ  во Битола. Меѓу кандидатите има поранешни партиски функционери, актуелни директори на јавни претпријатија, институции и училишта, а  за оваа функција аспирации пројавиле и советници од Советот  на Општина Битола. Меѓу кандидатите грото се мажи иако и  жени  се намерачиле на првата партиска фотелја на СДСМ во градот.

Девојче се удави во базенот „Довлеџик“ во Битола. Од Битолската полиција потврдуваат дека имаат таква пријава, а детали за случајот ќе објават подоцна.

Не се знае точно дали девојчето влегло во базентот да се капи или пак, се лизнало.  Базенот се уште не е отворен за оваа сезона. Инаку е во сопственот на Јавното претпријатие „Стрежево“ од Битола, но со него стопанисува приватниот концесионер „Мега Груп“ на кого под закуп го издала уште претходната власт на 12 април 2017 година. Табла со името на концесионерот е поставена кај базенот.