Со стари снимки и слики од пред два месеца, направени од битолски новинари, одредени медиуми во Скопје се обидуваат да пркажат нова еколошка катастрофа од фрлени јаболка низ Преспа. Имено, се објавуваат снимки како нивите, реките, каналите и езерото се преплавени од фрлени јаболка, а тоа всушност не е сегашна состојба. На една до снимките е и новинар од Битола кој материјалот што сега го вртат без негова дозвола, го снимал пред два месеца, кога ситуацијата со фрлените јаболка поради немањето пласман беше аларматна.

-Имате ли проекти за проширување на хидросистемот за наводнување со кој можеби би се опфатиле сите земјоделски површини кои не се под хидросистемот, односно да зафати опсег на сите ниви од Пелагонискиот регион?

Граматковски:Со актуелното, реализирано техничко решение на Хидросистемот „Стрежево”, и изработувањето и реализацијата на проекти за проширување на хидросистемот со површини кои се надвор од проектно предвидени 20.200 ha нето обработлива повр­шина целта е испорака на вода до секоја земјоделска површина во Пелагонискиот регион.

Во нареден период ќе биде испорачана вода во атарот на селата Породин, Секирани, Габалавци и во село Кукуречани. Испораката на вода ќе биде и преку реката Шемница и Црна река до земјоделските површини на општините Могила и Новаци.

Со проширувањето на хидросистемот Стрежево во овој дел се создава можност да се наводнуваат околу 40 хектари плодна земјоделска површина.

Неодамна објавивте дека после 40 години Лисолајско поле доби наводнување. Кои се новите можности за земјоделците од овој крај и колку ве чинеше таа инвестиција?

Граматковски:Неодамна започнавме со испорака на сурова вода за наводнување на земјоделски површини во село Лисолај. На земјоделските површини е инсталирано полиетиленско црево (Ø225) со должина од 880метри во ров со пропратна хидромеханичка опрема. Инвестицијата е од сопствени извори на претпријатието во висина од околу 2 000 000 денари.

Со реализација на овој проект на најдобар можен начин земјоделците од овој регион ќе можат да ги остварат поставените цели, и со тоа поголема ефикасност и ефективност што е водечки фактор за успех на земјоделството, а воедно претставува стратешка цел на државата – зголемено земјоделско производство, поголем придонес и подобрување на квалитетот на земјоделските производи.

Ова значи дека се зголемуваат инвестициите во нова мрежа која би била од корист на индивидуалните земјоделци

Граматковски:Наводнувањето е една од основните намени на хидросистемот „Стрежево“ и е застапено на 20200 ha нето обработлива површина, физички ограничена на просторот помеѓу реката Шемница на север, реката Црна на исток, главниот доводен канал на запад и македонско – грчката граница на југ.

Со  моето доаѓање за директор на ЈП „Стрежево” – Битола и како што ветив, еден од основните приоритети  беше и останува инвестирањето во деталната цевководна мрежа и консолидација на мрежата.

Има ли простор за загриженост кај корисниците на вода од ЈП „Стрежево“ – Битола ова лето? Дали акумулацијата има доволно вода да ги покрие потребите на индивидуалните земјоделци, индустриските капацитети и за граѓаните?

Граматковски: Акумулацијата „Стрежево”  со која стопанисува ЈП „Стрежево” – Битола моментално располага со околу 95 милиони м³ вода што е повеќе од доволно за обезбедување на потребните количини на вода за наводнување на дел од Битол­с­ко­то Поле во Пелагонија. Непрекинато, квантитативно покривање на потребите од не преработена вода во те­р­мо енергетската и комунално-индустриската сфера, и тоа пред се водоснабдувањето на градот Битола и околните населени места, рударско енергетскиот комбинат – РЕК “Битола” и локалните индустриски капацитети.

Несомнено, нема никаков простор за загриженост на граѓаните, потребите на водокорисниците ќе бидат во целост задоволени од страна на ЈП „Стрежево” – Битола. Чесното, одговорно, посветено, транспарентно и отчетно работење сметам дека граѓаните го препознаваат.

(Цело интревју прочитајте го на линкот https://zelenaberza.com.mk/intervju-so-mende-gramatkovski-direktor-na-jp-strezevo-bitola/?fbclid=IwAR1SOUzl7XYhVUCOfIif5f12feMBKJ1XqW1KIsl-ZJJ6lORJJQMnetSj0m4)

Промена во начинот на избор на директорите на училиштата носи новиот закон за основно образование. Тоа денеска го најави министерот за образование и наука Арбер Адеми, нарекувајќи го новиот систем „департизација на училиштата“.

За тоа кој ќе биде новиот менаџер во училиштата, според предлог-законот, ќе одлучуваат наставниците.

-Во делот на деполитизација и департизација на училиштата, има големи промени од аспект на именување и избор на директори. Мислам дека тоа треба да се остави на избор на самите училишта, сами тие да одлучат кој ќе биде нивниот раководител, нивниот менаџер, имајќи во предвид дека тие подобро ги знаат нивните колеги и настрана од политиката да биде во овие процеси – рече министерот Адеми.

Младинскиот културен центар од Битола, како дел од Коалицијата за борба против гладот и фрлањето храна ја менаџираше донација во бебешко млеко во прав и кашички во Домот за доенчиња и мали деца во Битола. Беа донирани 200 конзерви млеко и 1200 кашички во Домот и кај семејства кои се во социјален ризик, а имаат деца до 2 години. Банката за храна во Македонија ја доби донацијата во млеко во прав, кашички и сокови кои беа донирани низ повеќе градови во земјава, а акцијата за Битола ја организираше МКЦ.

Досега се реализирани околу 60 проценти од делницата Неготино (Кавадарци) –Битола, која е дел од проектот за гасификација на Македонија. 

Во изминатите 15 години шајка не беше удрена во овој регион, рече министерот за транспорт и врски Горан Сугарески, а сега се рехабилитираат најзначајните патни правци во Битолскиот Регион. Сугарески заедно со директорот на ЈП за државни патишта Зоран Китанов и градоначалничката Наташа Петровска направија увид врз асфалтирањето на патот од Битола за Демир –Хисар.

Во средното медицисинско уилиште „Д-р Јован Калаузи“ во Битола, во првото пријавување  што заврши денес, се пријавиле 253 деветтооделенци за вкупно 6 насоки, а примени се  142 ученика.

Во Средното економско училиште во Битола „Јане Сандански“ останаа десетици слободни места за вториот уписен рок.

Според информациите од училиштето за апла.мк во четири годишно образование струка- економски техничар во првиот уписен рок се запишале 95 ученици од предвидените 136, што значи слободни се уште 41 место. Во тригодишната  насока деловен асистент се запишале само 7 ученици од предвидените 34 места.

Во целост деветоодделенците покажаа слаб интерес за стручните училишта во градот.