Влашката заедница од Битола подолго време има идеја да ги пренесе посмртните останки на Јанаки Манаки од Солун во Битола. Стефан Хаџи- Антоновски припадник на влашката заедница, но и еден од иницијаторите за создавање на фестивалот „Браќа Манаки“, вели дека годинава е подгоден момент за да се покрене ваква иницијатва бидејќи се слават 150 години од раѓањето на Јанаки Манаки и 120 години од атељето на браќата Манаки.

„Одамна постои оваа идеја, а целта наша е двајцата браќа да бидат во едно почивалиште. Јанаки починал во Солун и таму е погребан во ист гроб со сопругата и синот кој умрел уште додека бил дете. Милтон пак, е погребан на Влашките гробишта во Битола, заедно со сопругата. Двајцата се прогалсени за културни дејци и добро би било еден ден посмртните останки да бидат во заедничко почивалиште“, рече Хаџи- Антоновски за Апла.мк.

ЈКП„Водовод“ – Битола им соопштува на сите правни и физички лица корисници на услугите на ЈКП„Водовод“-Битола дека од понеделник  01.10.2018 година работното време ќе биде од 07:30 до 15:30 часот.

Од утрово работници од ЈКП „Комуналец“ почнаа со собирање на лисјата во градскиот парк и на јавни површини   низ градот. Есенско уредување на паркот  и собирањето  на паднатите лисја наиде на позитивни реакции кај граѓаните кои се рекреираат во паркот. Но  додека комуналците одговорно си ја вршат својата работа, несовесни граѓани ги уништуваат корпите за отпадоци и контејнерите низ паркот и централното градско подрачје.

Зачувано е првото сценарио за филмот „Мист Стон“, дело на снимателот и режисер Трајче Попов и историчарот и писател Ѓорги Абаџиев. Се работи за сценарио од 1952 година кое деновиве беше изложено во битолската Магаза заедно со другата архива зачувана од филмот, а во склоп на изложбата „Мис Стон: некаде помеѓу Елен и автономијата“. Изложбата беше по повод 60 годишнината од премиерата на овој познат македонски филм, а поставена во рамки на Интенационалниот филмски фестивал „Браќа Манаки“ во Битола.

Клиничката болница од Битола доби донација од фабриката “Кромберг и  Шуберт“за одделот САРИЛ каде се донирани  инфузомати и  перфузор што се потребни за подобар третманот на пациентите во делот на давањето лекови.

-На огромно задоволство денес имавме гости од фирмата „Кромберг и Шуберт“ каде во САРИЛ беа донирани 2 инфузомати и 1 перфузор чија намена е контролирано давање на лекови и подобрување на третманот на нашите пациенти. Соработката нема да застане овде напротив ќе продолжи и понатаму. Во името на менаџерскиот тим на Клиничка болница Битола, вработените во САРИЛ како и во името на нашите пациенти изразуваме голема благодарност за донацијата, вели Сузана Конеска портпарол на  Клиничката болница во Битола.

Заменик министерот за локална самоуправа Дејан Павлески заедно со раководителот на Центарот за развој на Пелагонискиот плански регион Гого Видимче и градоначалничката на Могила Јасмина Гулевска направија увид на изведбените работи за уредување на коритото на река Шемница во Могила.

Во тек е четвртата фаза од проектот за регулација и уредување на речното корито на Шемница во должина од еден километар и 200 метри. Откако ќе се заврши со оваа фаза ќе се почне со поставување на електрификација и урбана опрема, а доколку дозволат временските услови уредувањето на речното корито на река Шемница во општина Могила ќе биде завршено оваа градежна сезона, рече градоначалничката Јасмина Гулевска. За оваа фаза предвидени се над 2,7 милиони денари.

Свечена литија и поворка низ центарот на градот, на денешниот празник „Крстовден“ организираше црковниот одбор на црквата „Св. Константин и Елена“ во Битола, по повод 50 години од нејзината дислокација. Црквата бил изградена во 1903 година на местото каде што денес е хотелот Епинал во Битола. Во социјализамот, поради изградбата на хотел, храмот бил срушен, а реликвиите и другиот црковен материјал бил пренесен денешната црква која во Влашкото маало се изградила во 1969 година.

-Со благослов на митрополитот Петар , ја организираме оваа литија по повод 50 годишнината од дислокацијата на храмот „Св. Константин и Елена“, кој порано беше на местото на хотелот Епинал, а сега е на друга локација на улицата „Стив Наумов“. Значи Влашката црква се дислоцира заради изградбата на хотелот, рече  Стефан Хаџиантоновски, претставник на црковниот одбор .

Од Вашката заедница во Битола највија дека со настани ќе продолжат во текот на целата година , а ќе биде издадена и монографија за храмот во текот на октомври.

Хаџиантоновски вели дека Власите од Битола реагирале своевремено на одлуката на градот на местото на црквата да се гради хотел, по што реакции и со поддршка од тогашниот митрополит Климент било решено да се подигне нова црква на друга локација, а потоа да се руши старата црква.

Баба Стефана Дилева која има осудесетина години потпирајќи се на бастунот денес со голема надеж го пречека медицинскиот тим кој ќе работи во амбулантата во Бач, општина Новаци, што се отвори по 13 години за да им пружа подобра здравствена заштита на населението.

Здружението за македонско-германско пријателство и соработка од Битола денеска со креативна работилница намената за ученици го одбележа Европскиот ден на јазиците , којшто од 2001 година по предлог на Советот на Европа го слават 47 земји членки. Денешната работилница што се одржа во Универзитетската библиотека „Св. Климент Охридски“ го поттикна интересот кај учениците за изучување на што е можно повеќе јазици зашто на тој начин светот станува заеднички без јазички бариери. На штандови наставници по англиски, германски и француски јазик им презентираа на ученици од ОУ „Гоце Делчев“-Битола како на наједноствен начин се изучува странскиот јазик.

Проблемите со достава на огревното дрво до пензионерите се надминуваат, а деновиве веќе се носат  до сите кои се евиднтирани на списоците и кои платиле, вели новиот претседател на Здружението на пензионери во Битола, Томе Димитровски, кој вчера ја презеде функцијата.  Од таму потврдија дека нивните заложби се огревното дрво да стигне до пензионерите до почетокот на грејната сезона.