Повторно побеле водата во реката Драгор. Тоа се гледа од фотографиите што до нашата редакција денес ги испратија читатели. Тие пишуваат дека ваквото загадување го евидентирале денес по течението на реката Драгор, од Црн Мост надолу. Забележале обојување на водата во бела боја и силен мирис на хемикалија. Граѓаните кои ни ги испратија фотографиите коментираат дека најверојатно загадувањето доаѓа од фирма која работи кај Црн Мост, а во реката испуша некаква хемикалија или боја.

Кражба и клетви кај параклисот Света Богородица во непосредна близина на училиштето „Тодор Ангелевски“ во Битола. Некој ги украл цвеќињата со се саксија што верниците ги поставиле до параклисот под битолскиот Баир. Друг пак, откако видел дека некој без обзир кради што би се рекло од дворот на вакавско место, залепил картон со натпис „да му се исушат рацете на тој што ги зеде цвеќињата“.

Не дека арамијата ќе ги врати саксиите од параклисот, туку за да не се повтори ваквата кражба и да се однесат и другите цвеќиња кои го украсуваат просторот околу црквичето. Ова е пример дека за некои луѓе нема ништо свето, па стигнаа со цвеќиња од параклисот да си го разубавуваат дворот, а друг пак се обудуваат верско место да штитат со клетви.

Графити со навредлива содржина и говор на омраза упатена кон двајцата пратеници од власта Горан Милевски од ЛДП и Александар Кирацовски од СДСМ, како и кон генералниот директор на РЕК, Васко Ковачевски, осамнаа синоќа во Нова Битола.

Младите ликовни творци од основното уметничко училиште Плзен од истоимениот град во Чешка, годинава се добитници  на Гран при наградата на 37. издание на меѓународната ликовна манифестација „Мал битолски Монмартр“.

Со добредојде од творецот на „Монмартр“,  Коста Хаџиантоновски и градоначалничката на општина Битола Наташа Петровска, синоќа почна најновото издание на оваа светска ликовна манифестација

Во пресрет на големиот празник на сесловенските просветители браќата Кирил и Методиј, 24 Мај, во Париз, Франција излезе од печат најновото поетско отстварување на македонскиот поет и писател Панде Манојлов  насловено како „Мајчин јазик“ ( „La langue Maternelle") во издание на Институтот за култура „Солензара“ во едицијата „Билингвистика“ напоредно на македонски и француски јазик. Оваа мошне значајна поетска книга од Манојлов која содржи триесет песни, на француски јазик ја препеа познатиот француски и светски литерат, поет и академик Атанасе Ванчев Де Траси кој годинава е предложен за Нобеловата награда за литература.

Со агресивни кампањи за подигање на јавната свест на граѓаните за чиста животна средина, можеме да ја промениме сликата за Македонија која е се позгадена, вели Зоран Георгиев, претседателот на УО на АДКОМ, Здружение на сите јавни комунални претпријатија од државата. И најдобро опремено комунално прептријатие нема да може да постигне резултати, ако свеста кај граѓаните е на ниско ниво, смета Георгиев.

За првпат по асфалтен пат ќе се стигнува од Битола до најоддалечените мариовски села Старавина и Градешница,децениски сон на жителите од мариовскиот крај, но и на многумина други кои трагаат по планинарски и туристички аватури.

Зголемено производство на електрична енергија во најголемиот производител на струја во државата, РЕК Битола,  и стабилен електроенергетски систем најавија денеска од Државните електрани. Од таму велат дека на 10 мај започна капитален ремонт на првиот блок во РЕК, а во наредниот период ќе следат и ремонтни активности на останатите два блока. За ова АД ЕЛЕМ ќе инвестира 10 милиони евра, што заедно со 280 илјади тони јаглен на депонија, ќе обезбеди стабилна грејна сезона.

-Во изминатите неколку години од претходното раководство на РЕК Битола не беа завршени ремонтните активности. Затоа оваа година почнавме капитален ремонт на блок 1 и ремонтни активности на блок 2 и блок 3. Сакаме да бидеме комплетно подготвени и сите три блока да бидат во функција на почетокот на месец октомври и да се истера грејната сезона онака како што треба да биде, стабила, изјави Васко Ковачевски, диркетор на РЕК Битола, кој рече дека во изминатиот период се преземени повеќе активности за заштита на животната средина, вклучително и отпепелувањето, за што најави повеќе информации во наредниот период.

На денешната средба со новинарите, по повод 34 годишнината од пуштањето во употреба на вториот блок во РЕК Битола, на двајца вработени со најдолг стаж во комбинатот, Стојан Ристевски и Љупчо Василевски им беа врачени благодарници и плакети

-На 24 мај во 1984 година за првпат се произведени и пуштени во електроенергетскиот систем првите киловатчасови електрична енергија од Блок 2. Сакам да се заблагодарам на сите вработени во РЕК Битола и АД ЕЛЕМ за се она што го вложиле, своето знаење и искуство за да изградата еден таков столб во енергетиката во РМ. Од пуштањето во употреба до денес овој блок има произведено 43 770 гигаватчасови или просечна 6 годишна потрошувачка на електрична енергија во РМ. Со сегашните цени на електрична енергија од 41 евро, вкупниот приход направен од ова производство е 1,8 милијарди евра, рече генералниот директор на АД ЕЛЕМ, Драган Миновски.

Тој најави понатамошни инвестиции,   модернизација на РЕК Осломеј, инвестиции во обновливи извори на електрична енергија, реализација на предвидените проекти Чебрен и Галиште, што во иднина ќе обезбеди стабилен енергетски систем

Намалување на производствената цена на струјата за 1,5 проценти или 0,6 евра бара ЕЛЕМ од Регулаторната комисија.

Ја критикувате градоначалничката Наташа Петровска за наводен игнорантен однос, а вие избегавте од седница, ја искритикува локалната опозиција, претседателот на Советот, Валентин Груевски. На денешната седница на Совет на почетокот присуствуваше и градоначалничката Наташа Петровска која одговараше на советнички прашања. Потоа во интрес на времето и нејзините обврски продолжи да зборува за кварталниот извештај за  буџетот за годинава. Тогаш, советниците на ВМРО-ДПМНЕ и коалиционите партнери, еден по еден, ја напуштија салата зашто не биле задоволни од одговорите и зашто таа дала експозе за буџетот и заминала.