Манастирскиот комплекс “Св .Петка“ во битолското село Цапари денеска ги отвори вратите за верниците за големиот верски празник „Петковден“.

Јавното претпријатие „Водовод“ од Битола денеска одбележа 90 години од своето постоење. Свеченоста по повод големиот јубилеј се одржа во „Вила Виста“, каде пред вработените, но и сите поканети гости, граѓани,  функцинери,  претставници на локалната самоуправа, бизнисмени, деловни соработници,  се обрати првиот човек на ЈКП „Водовод“ Горан Козаров.

Тренд на намалување бележи бројот на повреди на работни места во РЕК ,,Битола", беше истакнато при денешното одбележување на Европската недела за безбедност и здравје при работа. Годинава евидентирани се 70 повреди на работно место, а пред две години биле 120. 

Во СОТУ „Ѓорѓи Наумов“оваа учебна година е отворен нов кабинет за микро-контролери и микро-компјутери за кој училиштето,како донација, доби дидактичка опрема од компанијата „Логинг Електроникс“ од Скопје.

Донацијата се состои од повеќе „Ардуино“ развојни микро- процесорски системи кои значително ќе ја осовременат наставата по стручните предмети за образовните профили електротехничар за електроника и телекомуникации и електротехничар за компјутерска техника и автоматика. Со оваа донација училиштето ќе биде во чекор со современите технолошки трендови што сигурно уште повеќе ќе го привлече интересот на младите генерации да го изберат стручното образование како своја иднина.

Ваквите активности помеѓу СОТУ „Ѓорѓи Наумов“ и  ДОО „Логинг Електроникс“ се резултат на потпишаниот меморандум за соработка од 16 мај 2018 г. од страна на Златко Крстевски, генерален менаџер на „Логинг Електроникс“, и в.д. директорот на СОТУ Ѓорѓи Наумов, Владимир Роме.Наведената донација е реализирана во рамките на акцијата „Технологија за тебе“ која ДОО „Логинг Електроникс“– Скопје ја спроведува со цел да помогне во образовниот развој на средношколците од електротехничката струка. Од СОТУ „Ѓорѓи Наумов“изразуваат благодарност за донираната опрема која на учениците им овозможува да бидат во тек со употребата на новите технолошки уреди во брзорастечкиот свет на напредните технологии.

На овој начин раководниот тим на Училиштето го продолжува воспоставениот тренд на модернизација и афирмација на оваа образовна институција која има водечка улога во сферата на средното образование за техничките струки во регионот.

На јавна трибина директорите на петте  јавни претпријатија во Битола дадоа отчет што сработиле во изминатат година од кога ги презедоа функциите. Во малата сала во Центарот за култура во Битола, пред граѓаните тие зборуваа во каква состојба ги затекнаа претпријатијата, што исполнија од предвидените задачи и што планираат за следната година. Поздравен говор и сублимат на работата на јавните претрпијатија во изминатата година даде и градоначалничката Наташа Петровска која им се заблагодари на граѓаните за укажаната доверба.

Македонија ја победи Турција со резултат 31:27 на  ракометниот натпреварот од  квалификациите за Европското првенство, што се одигра вечерва во спортската сала „Боро Чурлевски“ во Битола.

Инвентивен споменик кој потсетува на делови од системот на битолскиот  водовод, како и велосипедски паркинг се  поставени пред седиштето на ЈКП „Водовод“ во Битола. Битолски „Водовод“  прославива исклучително важен јубилеј  90 години од постоењето.

Младинскиот културен центар – Битола и Фондацијата за претприемачки сервис за млади, во рамките на проектот „Јакнење на капацитетите на граѓанските организации со цел унапредување на креирањето на младински политики” денеска организраа  панел дискусија во Битола на која учесниците имаа можност да се запознаат со претстојните политики во образованието и процесите кои се водат.

Почна натпреварот во ракомет меѓу репрезентациите  на Македонија и Турција кој се игра во  спортската сала „Боро Чурлевски“ во Битола. Салата  е исполнета до последно место, а атмосферата е онаква каква што само може да ја направи битолската публика во ракометна Битола.

На учениците кои не ги зачувале фискалните сметки за превозот до школо или пак патувале со сопствен превоз исто така ќе им се рефундираат трошоците доколку се најдат во извештајот што училиштата ќе го достават до Секторот за јавни дејности во Општина Битола.

Вчера на седница на Совет, по барање на координаторот на ВМРО-ДПМНЕ, Иванчо Тошевски, беше направено дополнување кон одлуката на Општината за рефундација на средствата.

Според првичната одлука за да има исплата на трошоците, директорот на секое училиште требаше да достави извештај со список на ученици кои користеле превоз, бројот на денови и износ за исплата според донесени оригинални сметки. Секој ученик пак, да достави барање за враќање на трошоците, фотокопија од трансакциона сметка и лична карта на родител или стрател и оригинални фискални сметки.

Тошевски реагираше дека со ваквата одлука нема да бидат опфатени сите ученици што платиле превоз од сопствен џеб зашто дел не ги чуваат фискалните сметки, а некои патувале со сопствен превоз. Тој предложи обештетувањето да не биде само врз основа на фисклани, туку надомест за трошоците да добијат и учениците кои школите во списоците ќе ги пријават дека патувале, а не ги зачувале фискалните сметки. Неговиот предлог беше прифатен од останатите советници, со што во интерес на учениците беше надополнета првичната одлука.