Постигнавме апсолутен рекорд по бројот на освоени гласови во плуралистичка Македонија, и за градоначалник и за советничка листа , рече Валентин Груевски , носител на советничката листа на СДСМ и коалицијата, денеска на прес-конференција, заблагодарувајќи им се на граѓаните на Битола , за огромната поддршка на  локалните избори  во неделата.

-Победата на коалицијата „Живот за сите“ на локалните избори е величествена , над очекувањата, чиста како солза, победа на која не може да и се стави ни најмала забелешка-рече Груевски, кој ќе биде идниот претседател на Советот на Општина Битола.   

Новата локална власт  ќе направи ревизија на сите обиди за „лов во матно“, во периодот на транзиција на власта, велат од СДСМ, откако денеска новинарите на прес конференција прашаа дали општината е без секретар, кој претходно сам се разрешил, а потоа се назначил на друга функција - раководител на одделението за финансии, по што заминал на годишен одмор.

Разликата од речиси 14 илјади гласови меѓу кандидатите за градоначалник на Битола, Наташа Петровска од СДСМ и Зоран Илиоски, од ВМРО-ДПМНЕ, покажуваат дека битолчани избраа живот во Битола и ги казнија погрешните политики на досегашната локална власт, рече Васко Ковачевски, пратеник и претседател на ОО на СДСМ на денешната прес конференција

Фестивалот на народни песни и игри „Илинденски денови“ во Битола доби сертификат на интернационален CIOFF фестивал и со тоа влезе во семејството на  CIOFF (International Counsil of Organizations of Folklore Festivals and Folklore Arts)  официјален партнер на УНЕСКО, формиран во 1970 година, кој работи за заштита, промоција и ширење на традиционалната култура.

По завчерашниот пораз на локалните избори, владее молк од општинскиот комитет на ВМРО-ДПМНЕ во Битола. Од партијата немаа ни јавно обраќање, а нивниот поразен кандидат за градоначалник Зоран Илиоски до граѓаните се обрати преку фејсбук.

Идната градоначалничка на Битола, Наташа Петровска, дури ни во еуфоријата и среќата од постигнатите резултати, ден по изборите, не ги заборави своите колеги од средното техничко училиште „Ѓорѓи Наумов“ во Битола. Како во времето додека беше професор по математика во ова училиште, таа утринското понеделничко кафе го испи со колегите во училиштето.

Независната листа „Поинаку“ освои две  советнички места во новиот состав на битолскиот Советот. Идните советници ќе бидат: носителката на независната советничка листа Габриела Илиевска и вториот на листата Иван Чулаковски.

Камерта на ТВ Орбис која вчера беше поставена во прес центарт на ВМРО-ДПМНЕ во Битола, за линковски, во живо, да ги пренесува прес-конференциите на оваа партија, цела ноќ остана заклучена во партискиот штаб.

Поранешен вработен во Општина Битола, сега пензионер, утрово отишол во зградата на Општината и  свирејќи со свирче ја најавил победата на Наташа Петровска на вчерашните локални избори.