12 фудбалери од Фудбалскиот клуб „Пелистер“ и еден физиотерапевт претпладнево се затруле со храна откако јаделе во ресторан во Велес. Од ФК „Пелистер“ ја потврдија информацијата и велат дека фудбалерите биле однесени во велешката болница каде примиле инфузии. Фудбалерите денес требаше да играат натпревар во 16 часот во Скопје, а на пат за главниот град, запреле во Велес да јадат. Неколку часа по јадењето, им се јавиле стомачни тегови, па биле однесени во болница. Поради нивната здравствена состојба, натпреварот во Скопје е одложен.

Ставен  во употрена е шадрванот пред Јени џамија во центарот на Битола. Реконструкцијата на шадрванот траеше неколку месеци при што во централниот дел  поставен е мермер, а во кружната фонтана зачувани се старите камени коцки. Реконструираниот шадрван доби осветлување и од него потече вода. 

Ресенчани и ресенските екологисти го кренаа својот глас против туланата „Нова слога“  во Ресен, која тврдат дека ја загадува животната средина и им го загрозува здравјето, затоа што во процесот на производство како енергенс користи петрол кокс. Посебно се жалат жителите кои живеат на стотина метри од фабриката за производство на тули и ќерамиди, кои велат дека веќе 5 години го дишат чадот што се испушта при согорувањето на отровниот енергенс и прашината што се создава при секојдневното минување на камините во населбата. Велат дека не бараат фабриката, во која има седумдесетина вработени да се затвори, туку да престане употребата на енергенсот, кој, како што велат,  секојдневно ги труе.

Сите граѓани кои сакаат навремено да ја пријават состојбата на водомерите и да ја  платат својата сметка електронски можат да се регистрираат на страната на ЈКП „Водовод“.

Од ЈКП „Водовод“ информираат-  за брзо, сигурно и едноставно онлајн-плаќање можете да го користите нашиот портал 24/7 без провизија за плаќање на вашата сметка за потрошена вода. Следете го следниот линк http://vodovodbt.mk/portal/Login.aspx…

Шеесетгодишниот Р.П. од село Лопатица вработен како машинист на работна машина-багер, се здобил со тешки телесни повреди извршувајќи работни задачи во депонијата „Мегленци“, сопственост на Јавното претпријатие „Комуналец“, во Битола. Настанот се случил вчера околу 9 часот.

Преку програмата Еразмус млади битолчани на размена во Анкара, членови и волонтери на Здружението за меѓународна младинска соработка „Интерактив“ од Битола учествуваат на меѓународна младинска размена во Анкара на тема: Make the world green - Направи го светот зелен.

Членови и волонтери на Здружението за меѓународна младинска соработка „Интерактив“ од Битола учествуваат на меѓународна младинска размена во Анкара на тема:„ Make the world green - Направи го светот зелен“. Општина Ќечиорен од Анкара која со партнерски организации од Македонија, Бугарија, Србија, Босна и Херцеговина, Албанија и Шпанија е организатор и носител на овој проект.

Под мотото “Традицијата живее со хуманост” беше организирана регионална Велигденска трпеза, во Битола, на која учествуваа општинските комитети  на Унијата на жени на ВМРО-ДПМНЕ и на Прилеп, Крушево,Ресен, Демир Хисар, Могила и Новаци, а присуствуваше и ИК на УЖ, која ја одразува традицијата на македонската жена и нејзините вештини во подготвувањето на храната, но и хуманоста, да им се обезбедат среќни празници и поддршка на оние кои им е најпотребна.

Претседателката на УЖ НА ВМРО ДПМНЕ Даниела Рангелова порача - „Македонската жена, знае успешно да се справува со сите предизвици, во јавниот живот, активна и бескомпромисна во нејзиниот политички ангажман, но целата енергија ја црпи од својата традиција на вредна домаќинка, семејните традиции, кои се потпираат на хуманост, помагање и поддршка“.

Присуството на претседателката Рангелова во Битола, искористено и за работна средба со УЖ ОК ВМРО ДПМНЕ Битола

Возило со бугарски регистарски теблички обавува такси превоз низ Битола, се пожалија легалните битолски таксисти и фотогрфијата ја испратија до нашата редакција. Такститите велат дека возилото било фотографирано кај трговскиот центар „Јавор“ токму во моментот кога се разминувало со полициско возило.

Граѓанската асоцијација од Битола денес го организира хуманитарниот настан „Од срце за децата на Битола за еднородителските семејства“, каде на плоштадот Магнолија од 9 до 16 часот се поставени штандови со производи на приватни и јавни фирми како донација од граѓаните  за еднородителските семејства.

-Вклучени се градинките „Пролет“ и „Бонбончиња“, потоа „Орифлеим “ и „Авон“ како и фабриката „Кромберт и Шуберт“ коишто со свои донации се вклучени во акцијата. Обезбедени се 13 пакети на производи кои ќе бидат донирани на еднородителски семејства, рече Ѓорги Јошевски, претседател на Граѓанската асоцијација Битола .