Лидерот на ВМРО-ДПМНЕ, Христијан Мицкоски, поранешен директор на АД ЕЛЕМ во четири очи склучил два договори со непосредна спогодба со компаниите Пелистер и Марковски, двата во вредност од 10,5 милиони евра. Со Пелистер, веднаш по неговото назначување на функцијата, на 3 ноември 2016г, за сума од 5,7 милиони евра, а три месеци подоцна и со Марковски – за 4,8 милиони евра, обвини директорот на АД ЕЛЕМ, Драган Миновски.

Кога се сеќавам на моето основно училиште, во спомените ми доаѓа слика како со соучениците во ходникот на „Тодор Ангелевски“ ја свириме и пееме песната „Волим црно и црвено“ од Дино Дворник. Сите сплотено ко еден. Од тоа до бруталното претепување на ученичката во неготинското училиште од страна на соученичките има разлика со километри.

Образованието во земјава, кое треба да ги всади капиталните вредности за животот кај учениците, со години наназад ја губи воспитната улога.Доказ е потресната снимка емитувана на јутјуб на која се гледа како соученички ем со клоци и корнење тепаат другарка, ем другите тераат сеир и снимаат со мобилни телефони набаре се случува натпревар по влечење јажиња, а не на живо суштество. Видната подеднакво паѓа и врз родителите.    

Состојбата е поразителна зашто повеќето родители кои имаат малолетни деца знаат дека не толку дрстични инциденти, но ситуации со булинг, малтретирање на школо, навредување, недолични дофрлувања и сеење страв од други ученици се секојдневие на многу деца. За жал, повеќето завршувале под тепих, со поплаки до класните раководители, кај педагогот, директорот, скриени од јавноста. По последниот случај веќе нема место за толеранција. Оддамна е дојден моментот да се проговори за училишната клима, за односите меѓу учениците,  за тоа што преземаат школите и родителите на тој план?

Родители раскажуваат: „Ги праќаме децата во школо со пораката дека треба да се дружат со сите ученици и да ги почитуваат. Но, од дел соученици учат да се двојат во групи, да отфрлаат дури деца или тие сами да бидат отфрлени. Ги учиме да помагаат, а на школо некои ја исмејуваат нивната добрина. Ги советуваме да учат, за на крај некој да ги вика бубалици. Ги опоменувате да не маваат, а некој друг ќе ги влечи за коса или турне по скали. Неодамна девојче беше намерно тутнато во училишен ходник во Битола, за одгоре да го потисни момче на очиглед на други ученици и сите да се смеат. Кутрото девојче денови со наведната глава минуваше низ ходници. По сето ова, разочарувачки делува коментарот на детето до родителот дека грешно го воспитал. Вели дека подобро ќе беше да го научел да биде лош за да се снајде во денешниот свет“.

Друго девојче во основно улилиште од другарките намерно било удрено со кошаркарска топка по глава за време на час по физичко воспитание.Од училиштата пак, се жалат дека дел од учениците се предвреме расцветани и не културни, дека има родители кои не примаат критика за сопствените деца. 

Ништо не е прземено ни за одредени социјалните мрежи (не фејсбук) кои се популарни кај учениците, а каде секој со скриен идентитет може за другиот ученик да напише сѐ што сака и за тоа да не сноси никаква одговорност. Таму се шират лаги за девојчиња од шесто одделение до прва година средно дека наводно имале сексуални искуства, дека биле грди, лоши, популарни, пијани и што уште не.

Неодмна имаше случај на девојче од основно училиште кое сакаше да излезе од лошото друштво на поголеми ученички од истото училиште затоа што и местеле момчиња. Кога за проблемот дознаа домашните и се обратија до родителите на другите деца, довечерашните другарки почнаа да ѝ се закануваат на девојчето дека ќе се соберат по часови во дворот и ќе ја претепаат. Родителите ја носеа и враќаа од школо со недели.

Достоевски рекол дека сите идеали на овој свет не вредат колку солзите на едно дете. 

За вакви изживувања, како и она во Неготино, мора да има казни. Не смее да се прогледа низ прсти затоа што се деца. Но, тоа е само последица. Мора да се бараат причините за да се излечи средината. Мора да има идеологија, позитивните примери, професори подготвени да ги учат децата на живот, а не само на лекции. Чест на исклучоците кои и сега ги има. Стануваме свесни дека не е толку важно дали средното образование е задолжително, дали ќе се учи или не во сабота, дали ќе има или не екстерно , бесплатен превоз, туку колку тоа образование ќе се гради на индивидуални, колетивни, културни, етички и воспитни вредности. Не смее да се дозволи да врие од петки во дневниците, а од тупаници на улиците.

Ж.Здравковска

Митрополитот Преспаснко - пелагониски г. Петар денеска се појави во манастритот „Св. Архагел Михаил“ во прилепски Варош каде одржа боголсужба и рече дека во средата кога беше задржан на скопскиот аеродром не патувал за Австралија, туку во друга држава.

              Градска Битола има свое средсело, а исто така слави градски и селски Велигден. Овој народен обичај стар со векови бил настан на годината во една од најстарите битолски населби, Генимаале. Недела после Велигден, на верскиот празник Источен петок- Балаклија, во градот доаѓале гости од селата, се одржувал голем народен собир, а песни и ора ечеле до раните зори. Обичајот со цела негова етнолошка и фолклорна убавина од заборав ја спаси истакнатиот етнолог Валентин Соклевски со сценската адаптација на „Градски- селски Велигден“ во траење од 45 минути.

Со донации реновирани се дневната болница и тоалетите на Детското одделение при Клиничката болница во Битола.

„Ова се донации за подобрување на условите во Детското одделение. Фирмата ‘Бобфант’ изврши реконструкција на цела дневна болница заедно со тоалетот. Потоа, Ротари клубот ‘Широк Сокак’ го реновира санитарниот чвор, односно два тоалети и две капатила. Донации доаѓаат од секаде, имаме други фирми кои сакаат да помогнат. Сето ова е за подобрување на условите на Детско одделение и најмногу за нашите пациентчиња“, рече Ленче Петровска, главна сестра на Одделението.

Денеска на новото рочиште за случајот „Транспортер“ во Основен суд Скопје 1, адвокатот на главниот обвинет, поранешниот градоначалник на Битола, Владимир Талески, побара изземање на судечкиот совет.

Со тоа, уште еднаш се повтори практиката бранителите на поранешните високи функционери од различни нивоа да бараат изземање на судиите кои ги судат случаите по обвиненијата од Специјалното јавно обвинителство.

Во „Транспортер“  обвинети се поранешниот битолскиот градоначалник Владимир Талески и уште 20-тина лица за злоупотреба на службената положба во врска со организирањето превоз на ученици во Битола, со што, според обвинението, е направена проневера на околу 360.000 евра.

Полицијата поднесе кривична пријава против ексградоначалникот на Прилеп, Марјан Ристески за злоупотреба на службената положба. Тој се сомничи дека во својство на одговорно лице, градоначалник на општината  му овозможил на фирмата ДООЕЛ "Пела Транс"од село Мажучиште, прилепско, да се стекне со противправна имотна корист од 77. 031.890 денари, пари од буџетот на општина Прилеп со тоа што создал услови тие да бидат единствен понудувач и избрана фирма за зимски одржување на улици и патишта на територијата на општина Прилеп. 

Полицијата поднесе кривична пријава против сопственикот на фирмата М.С. (59) за злоупотреба на постапка за јавен повик. 

Пријавената фирма спротивно на Законот за јавни набавки не можела да учествува на јавните набавки поради неплатени обврски за даноци и нивно несервисирање по склучени договори за одложено плаќање. Сепак, сопственикот и управител на фирмата поднесувал лажна документација, меѓу другото и уверение за платени даноци и придонеси. Според МВР, тоа го правел во договор со членовите на Комисијата за јавни набавки И.К (63), Љ.М. (58) и И.Ч   (67), кои пак, на тие позиции биле назначени од ексградоначалникот Ристески. Тие биле присутни во сите случаи на евалуација и одлучување при секоја постапка за јавна набавка во периодот од 2012 до 2017 година. 

Членовите на Комисијата никогаш не побарале од "Пела Транс" да достави оригинално уверение за платени даноци и придонеи, нити по службена должност не побарале од УЈП даја потврди фактичката состојба. Пријавњната фирма во тој период дури била и на листата на должници на УЈП. Во билансот  на состојбата од 2011 година  бил наведен долг од 7 милиони денари. 

Од МВР соопштија дека членовите на Комисијата овозможиле во тендерската документација да бидат поставени услови кои ја фаворизирале фирмата со тоа што поставиле економски и технички параметри што само таа ги исполнувала. 

Сите фирми со кои "Пела Транс" соработувала не се појавувале како понудувачи во јавните набавки, а во постапките други фирми воопшто не биле ни поканувани. 

Полицијата го товари и надзорниот инженер Б.Н. за злоупотреба на службената положба  зашто не вршел споредба на позициите  искажани во одредените ситуации со оние во градежниот дневник. 

Во Кривичниот суд-Скопје  денеска треба да се одржи ново рочиште за случајот на Специјалното јавно обвинителство „Транспортер“.

Во овој случај обвинети се поранешниот градоначалник на Битола, Владимир Талески и уште 20-тина лица за злоупотреба на службената положба во врска со организирањето превоз на ученици во Битола, со што е направен криминал  тежок  360.000 евра.

Застапниците на рускиот инвеститор Јуриј Липухин ја тужат Општина Битола, бидејќи со изградбата на луксузниот станбено-деловен комплекс „Јуриј“ не му обезбедила целосна комунална инфраструктура. За надомест на штета бараат околу 138 милиони денари или 2,3 милиони евра. Она што е симптоматично за новата локална власт е што тужбата се поднесува на 5 октомври, 10 дена пред последните локални избори, кога  беше извесно дека ќе се менува власта во градот , после 12 години владеење на ВМРО-ДПМНЕ и Владимир Талески.

Националната Установа Универзитетска библиотека „Св.Климент Охридски“ -Битола и Мерсиха Исмајлоска, Ве покануваат на промоцијата на книга „Чудесните светови на Алиса“ во издание на Вермилион која ги обработува книгите „Алиса во земјата на чудата“ и „Алиса во светот на огледалото“ од Луис Карол и нивните интерпретации во визуелните уметности и воопшто во културата.