Општина Битола завчера распиша тендер за прибирање на понуди за 24 часовно обезбедување и мониторинг на Офицерскиот дом. Право да се пријават имаат правни и физички лица кои се регистрирани за вршење на ваква дејност. Краен рок за доставување на понудите е 16 април.

РЕК-Битола делумно загадува, зошто ако е најголемиот загадувач на воздухот во градот тогаш загадувањето би било во текот на целата година, а не само во текот на зимските денови, беше речено на денешната тркалезна маса во ОУ „Гоце Делчев“-Битола на тема „ПМ честички во воздухот континуиран убиец на сите“. Проектот е во партнерство на Регионалното географско друштво „Геосфера“-Битола, а идејата произлезе од прекумерното загадување на воздухот во Битола во текот на зимските месеци.

Наставникот по географија Благој Кочевски, ментор истакна дека во истражувањето на „Геосфера“ учествуваа над  дваесеттина  ученици и родители од училиштето кои под мотото „Сликај, постирај, алармирај “, активно се вклучија три месеци во проектот.

Советот на Европа со финансиска подршка од ЕУ, ќе ја реализира Програмата за поддршка и интеграција на Ромите на локално ниво -РОМАКТЕД во 12 општини во државата, а целта е е да се изгради политичка волја и одржлив политички ангажман на локалните власти за подобрување на демократското владеење и зајакнување на локалните ромски заедници. Програмата ќе трае до 2020 година, а денеска беше претствена пред членовите на Советот на општина Битола, невладините ромски организации и претставници на Ромите

Сопругот ми почина додека бев сѐ уште на породилно боледување со нашето второ дете. Само што наполнив 29 години, а станав самохрана мајка на две деца. Ќерка ми Хелена четири години, син ми Максимилијан, доенче од околу осум месеци. Со ваква потресна исповед битолчанката Марија Магдалена Петковска Микаровска започна да ја раскажува трагедијата која ја пресретна додека ги живееш најубавите години од брачниот живот. Таа е една од ретките самохрани мајки која прифати пред јавноста отворено да зборува за загубата, тешкотиите кои ги пребродува, но и за силата која ја пронајде повторно да се исправи на нозе.

Битолчанката Стефанија Атанасовска (25) е првиот стипендист на фондацијата „Тома Фила“ која речиси неполна година стажира во адвокатското друштво „Веритас“ во Битола. Таа како стажант добива по 10.000 денари за своето стручно усовршување како адвокатски приправник. Стипендијата од фондацијата „Тома Фила“ ја чувствува како привилегија, особено поради стекнатото искуство од граѓанско и кривично право.Таа за стипендијата аплицираше со просек 9,82 од додипломските студии и просек 10 на магистерските студии по кривично право.

Идентификувано и приведено е лицето кое изврши напад врз пратеникот и лидер на ЛДП Горан Милевски, изјави вечерва министерот за внатрешни работи Оливер Спасовски.

Тој посочи дека станува збор за лицето П.В. од Скопје, кое од порано и е познато на полицијата.

Сепак, кражбата на семафорите од обиколницата во Битола била пријавена во полиција. Иако од СВР утрово рекоа дека немаат таква пријава, попладнево портпаролката Сања Стаматова не информира дека кражбата била пријавена вчера, но под друго име, па затоа се направила забуна. 

Во основното училиште „Климент Охрдски“ денеска беше отворен ресурсен центар кој треба да придонесе за зголемување на образовните можности за децата со пречки во видот, како и рано откривање на евентуални очни болести. Проектот кој има образовна, медицинска и социјална компонента од 2014 година го реализира УСАИД и ЛЦИФ во соработка со Универзитетот на Југоисточна Европа

Во битолската полиција нема пријава дека биле украдени семафорите од обиколницата над Битола. Портпаролката Сања Стаматова вели дека таков случај никој не пријавил во СВР Битола.

Од утре, 4 април, во 3Д Кино Битола ќе почне да се прикажува најновиот филм на Милчо Манчевски, „Бикини Мун“. Потоа, најновиот филм на нашиот режисер ќе се прикажува и во другите градови низ земјава.

„Бикини Мун“ е американски филм на Манчевски, сниман на локации во Њујорк. Приказната – психолошки портрет на Бикини Мун Дејвис – говори за искршениот идеал на модерното семејство, но и за изгубената приватност во светот окупиран од камери, мобилни телефони и сеприсутните социјални мрежи. Филмската структура на Бикини Мун е филм во филм, во кој филмската стварност е двојно манипулирана.

Главна хероина е повратничката од војната во Ирак, Бикини Мун Дејвис, харизматична, енергична, духовита, убава и провокативна, но и ментално нестабилна. Нејзината приказна и нејзиното однесување нѐ водат до работ на вистината, и често не сме сигурни што е вистина, а што фантазија.

Главните улоги ги играат Кондола Рашад, Сара Голдберг, Вил Џеновиц, Сатја Сридхаран и Микал Мишел Харис. Дизајнер на продукција е редовниот соработник на Манчевски, Британецот Дејвид Манс, кој има работено на сите негови досегашни филмски проекти. Директор на фотографија е Џошуа З. Вајнстин. Единствен Македонец во филмската екипа, покрај режисерот, е композиторот на музиката – Игор Василев Новоградска.

Филмот ја имаше македонската премиера во Скопје пред десетина дена и наиде на исклучително позитивен прием – беше поздравен со френетичен аплауз, а социјалните мрежи не престануваат да зборуваат за Бикини Мун.

Критиката во САД, Бразил, Португалија, Бугарија, Србија и Македонија го нарекува филмот: „Брилијантен авторски филм“, „Фасцинатна приказна“, „Целосно свежо и оригинално дело на маестрален режисер“, „Милчо, провокативен како и секогаш, го дава најгенијалниот и најжесток коментар на информатичкото општество“, „Филмот на Милчо Манчевски прашува колку е јавноста манипулирана од медиумите“, „Жестока глума на Кондола Рашад“, „Повеќеслоен лажен документарец кој ги истакнува мааните на либерализмот на милениумската генерација“, „ Бескомпромисното критички настроено авторство.“, „Потсетник за благородноста што уметноста може да ја досегне“, „Ова е филмот кој „Обликот на водата“ сакаше да биде, ама не знаеше како“.

Бикини Мун ја имаше светската премиера во Бразил, на фестивалот во Сао Пауло, а потоа во Португалија ја освои специјалната награда на жирито. Беше прикажан и на фестивалите во Сан Хозе, Калифорнија (Синеквест), Белград и Софија. Следува Истанбул, каде проекциите се веќе распродадени, па Франкфурт, Нешвил, Менхетен...

Филмот и понатаму е на репертоарот на кино Милениум во Скопје.