Во лажните вести за населување на мигранти во Битола, не верува ниту членството на ВМРО-ДПМНЕ, регираа денеска од СДСМ, одговарајќи на прашањата што секојдневно ги поставуваат на прес конференции од ВМРО-ДПМНЕ.

Сум имала прилика во мојот живот да се радувам на освоен медал, знам што значи радоста кога ќе ви го стават медалот на градите, рече Наташа Петровска, кандидат за градоначалник од СДСМ и коалиционите партнери. Тоа, на прес конференцијата го потврди покажувајќи го личниот медал што го добила на државно првенство во пинг –понг.

Борче Димитровски, носител на кандидатската листа советници од коалицијата предводена од ВМРО-ДПМНЕ вети дека ќе се залага за развој и субвенционирање на руралниот туризам.

-Нашите села сеуште имаат традиционален живот, автентична архитектура и гостопримливи домаќини. Заедно со мојот тим  ќе се залагаме за посилно субвенционирање на ваквите бизниси , унапредување на вештините на луѓето од овие краишта и се разбира промоција на нашата општина за алтернативен туризам. На крајот нашата најсилна заложба ќе биде да за кусо време ги зголемиме можностите за користење на ИПАРД мерката за развој на рурален туризам , која овозможува финансирање на ваквите бизниси до 75% од вредноста на инвестицијата- рече Димитровски

Владимир Талески,  заминува од градоначалничката фотеља, оставајќи ја поранешната касарна како големо градилиште наместо ветената урбана населба. Три асфалтирани улица, незатворени шахти, ископано – незавршено, земјени пристапи, кал и ѓубре, вака накусо може да се опише моментната слика во новата населба, која уште на самиот почеток доби холивудско име „Златен рид“.

При посетата на Кугланата во Спортската сала во Битола, кандидадот за градоначалник од СДСМ, Наташа Петровска, вети поддршка за спортот и подобри услови за спортистите.

Во изборната кампања за претстојните локлани избори, ВМРО-ДПМНЕ во Битола, најавува нови инвестиции во битолските основни и средни училишта, но не ги споменуваат долговите во кои со години тонат училиштата, ниту блокираните сметки. од СДСМ велат дека се што донесоа до работ на пропаст, во кампањата ветуваат дека ќе го поправат. 

За мене ДПМНЕ е веќе историја, а ВМРО е нешто друго и мислам дека математиките пред изборите не им одат како што очекуваа, изјави Наташа Петровска, кандидат за градоначалник од СДСМ и коалиционите партнери.

-Јас повеќе сум вконцентрирана на проектите што ги нудиме и нашето претставување пред граѓаните. Од наша страна кампањата ја тераме исклучително коректно, тоа можат да го видат граѓаните, флаерите на мојот противкандитат не се искинати , а не сме имале никаков вбербален напад врз нивните личности до сега- рече Петровска.

По повод Денот на стари лица, Петровска и кандидатите за советници ги посетија двата дома за стари и изнемоштени со цел да согледаат во какви услови ги минуваат старечките денови од животот и што во иднина треба да се подобри.

-Дефинитивно потребно е да се направи повеќе и како идна локална самоуправа ќе направиме зголемување на капацитетите за згрижување на старите лица, стимулирање на сите приватни лица кои се заинтересирани да ги зголемат тие капацитети, меѓудругото и како форма на јавно –приватно партнерство. Понатаму, вработување на нови ,стручни лица кои им се потребни на овие институции, активирање на млади лица по пат на волонтерство кои би помагале во домовите. Преку волонтери ќе се овозможи набавка на основните намирници од храна и лекови за наши постари граѓани кои не се сместени во домови- изјави Петровска.

Таа уште вети  дека во месните заедници ќе создадат катчиња каде граѓаните во повозрасни години ќе можат да се дружат и да ги споделуваат своите проблеми. 

Кандидатот за градоначалник од коалицијата предводена од ВМРО-ДПМНЕ, Зоран Илиоски, вети бесплатни парцели во касарната за младите битолчани да можат да изградат куќи.