На 20 декември во 1923 г. во Штип е роден Ацо ШОПОВ, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија, поет и преведувач, есеист и литературен критичар, академик.

Половина милион евра следната година општина Битола ќе издвои за спортот, што е рекордна сума  во планирани средства од Буџетот, рече претсдателот на Советот, Валентин Груевски. Исто  така следната година ќе се издвојат 1,3 милиони евра за стадионот во Битола.

„Транспортер2“  е кодното име на новата истрага на Специјалното јавно обвинителство,  кое е продолжение на незаконските дејствија со превозот на ученици во Битола, обајви СЈО на прес конференција поладнево.  Истрагата се води против десет  осмничени лица, меѓу кои повторно е поранешниот градоначалник Владимир Талески, поранешниот секретар  на Општината, Слободан Бончановски, пет  превозници кои што се веќе опфатени во обвинението за предметот„ Транспортер“, а во оваа истрага вклучени се и тројца поранешни директори на  училишта кои не беа опфатени со претходниот предмет. 

Следната година од буџетот на Општина Битола, најмногу пари се предвидени за  проектот за гасификација, за реконструкција на Офицерскиот дом,за реконструкција на  фудбалскиот стадион под Тумбе Кафе. Истот така предвидени се средства за инфраструктура во населбата во битолската Касарна, како и целосна реконструкција на неколку улици.

Битолската полиција поднесе кривична пријава против С.А.(27), С. А. (27) В.К. (37) сите од Прилеп, поради постоење на основи на сомнение за сторени двет кривични дела тешка кражба и едно кривично дело тешка каржба во обид.

Пријавените во десет наврати во периодот од август до ноември годинава извршиле тешки кражби на цркви на подрачјето на општините Битола, Новаци и Могила, и тоа во селата Агларци, Далбеговци, Дедебалци, Беранци, Лознани, Новоселани, Вашарејца, Трап и Новаци.

Тие влегувале во црквите и одземале најчесто пари, но и бакарни предмети кои се користат за кршевање, продолжни кабли, златни ланчиња и друго. Кражбите ги вршеле групно на начин што со употреба на физичка сила и погоден алат ги кршеле катанците, ги отворале влезните врати од црквите, влегувале внатре, пребарувале и ги одземале предметите.

Пријавените со превземените дејствија предизвикале вкупна материјална штета од 126.000 денари.                                                                                                                   

На 19 декември во 1920 г. во Неготино е роден Лазар МОЈСОВ,  припадник на македонското и југословенското комунистичко движење и учесник во Антифашистичката војна во Вардарскиот дел на Македонија, државник, политичар, публицист, дипломат.

Три знамиња раширија  пред советничката говорница, советниците на ВМРО-ДПМНЕ и коалицијата, по што ја напуштија денешната седница на битолскиот Совет, во знак на поддршка за притворените од настаните во Собранието на 27 април. Координаторот  Борче Димитровски, ваквиот потег го образложи од говорницата.

За секој добиен глас на последните локални избори во Битола, политичките партии ќе добијат по 15 денари што согласно Изборниот законик им следуваат од буџетот на Општината. Така партиципиентите во локалната власт во Битола ќе се офајдат од неколку стотина, па се до неколку десетици илјади евра, пари коишто ќе влезат во партиските каси.

Утрешната седница на Советот на Општина Битола е со една точка на дневен ред-  Одлука за определување на надомест на трошоците за избори на учесниците  во изборната кампања од чии листи се избрани и од чии листи не се избрани кандидати за членови во Советот, односно кандидат за Градоначалник на Општината Битола на локалните избори октомври 2017 година.

Ова значи дека сите политички партии што на последните избори добиле 1, 5 проценти од вкупниот број на гласови од излезените граѓани,  без оглед дали успеале да влезат во Советот или не ќе добијат пари.

Така според анализите најголемиот дел од колачот ќе го поделат СДСМ и коалиционите партнери, потоа ВМРО-ДПМНЕ и коалицијата, а пари ќе земат и ПОИНАКУ и Левица.

-Ова е законска обврска што мора да се  донесе до крајот на годината. Ако не се исплатат парите годинава догодина тие нема да може се исплатат бидејќи нема да бидат предвидени со буџетот,  вели претседателот на Совет, Валентин Груевски.

О Д Л У К А

за определување на надомест на трошоците за избори на учесниците во изборната кампања од чии листи се избрани и од чии листи не се избрани кандидати за членови во Советот односно кандидат за Градоначалник на општина Битола на локалните избори октомври 2017 година

Член 1

            Со оваа Одлука се определува надомест на трошоците за избори на учесниците во изборната кампања од чии листи се избрани и од чии листи не се избрани кандидати за членови во Советот односно кандидат за Градоначалник на општина Битола на локалните избори октомври 2017 година.

Член 2

            Висината на надоместокот се определува во износ од 15 денари по добиен глас за учесниците во изборната кампања од чии листи се избрани кандидати за членови во Советот односно Градоначалник на општина Битола.

            Висината на надоместокот се определува во износ од 15 денари по добиен глас за учесниците во изборната кампања од чии листи не се избрани кандидати за членови во Советот односно Градоначалник на општина Битола, доколку освоил најмалку 1,5% од вкупниот број на гласови од излезените граѓани на ниво на општината.

Истакнатиот битолски поет Панде Манојлов за неговото долгогодишно и плодно творештво доби високо признание од Чувашката народна академија на науките и искуствата на Република Чувашија во Руската Федерација.

На признанието пишува дека Манојлов добива сертификат за почесен член на Народната академија на Република Чувашија, Руска федерација. Инаку, признанието го добива поради заслуги што со поетско творештво придонесе за ширење на мирот...

„Ова е награда за секаква почит, награда за мене, но и за мојот град, за мојот народ и Македонија! Благодарам на Академијата и целиот чувашки народ“, напиша Манојлов на својот фејсбук профил.