Дејан Трајковски од Битола има 26 години, магистер е по правни науки и е невработен. Четири години е активен барател на работа,  но со досегашните мерки за вработување не успел да се вработи. Се надева дека во иднина работите ќе се променат, а младите луѓе во државата ќе добијат шанса.

Повеќемина битолчани добиле пораки по телефон во кои пишувало дека ВМРО-ДПМНЕ од нив бара да најдат по пет партиски неопределени лица и да агитираат кај нив против СДСМ, а потоа в партија да пратат име презиме и адреса на соговорниците.

Tрки со автомобили и мотори на поголемите сообраќајници во Битола, во доцните вечерни часови, со години ги вознемируваат битолчани. Граѓаните кои не можат да спијат навечер од силанта бучава и чкрипењето на гумите, тврдат дека оваа појава е особено честа во летниот период и за време на викендите.

Битолчанец самиот си поставил аларм да му ја штити куќата, а тој заминал во странство. При невреме или прекин на електричната струја алармот се вклучувал и свирел со часови, понекогаш цели ноќи, оставајќи ги без сон соседите.

Битола на времето се штитела од лажни вести и озборувања со казни. Некаде пред стотина години кога градот бил под српска власт било забрането да се озборува и да се шират невистини. За ова сведочат написи од тогашниот весник „Битољске вести“, во кого пишува дека полицијата презела енергични мерки да го фати секој оној кој измислувал и растурал неточни гласови низ градот.