Дуќанџиите од Широк сокак бараат спас од децата-питачи и повозрасни лица кои просат седнати пред нивните дуќани. Тие со претставка  официјално побараа помош од битолската полиција, но и по повеќе од еден месец нема решение на проблемот.  На потегот од плоштадот „Магнолија“ па се до „Веро“ маркетот, повеќе групи на деца-питачи  растрчуваат пред дуќаните или лежат пред вратите на продавниците, се жалат сопствениците на дуќани.

На Новата сцена во НУ Центар за култура, синоќа беше одиграна театарската претставата на Бабец театар, насловена „Патувањето на еден облак“. Автор на текстот е Роберто Фрабети од Италија, уметничкото оформување е на Јулијана Мирчевска, а актерската игра е на Соња Ошавкова и Веда Мавровска. Со оваа претстава која беше проследена од многубројна публика, започнува соработката на Бабец театарот со италијанскиот автор Роберто Фрабети, а претставата станува дел од новиот проект на Бабец театар „Театар од пелени“. 

Бандера на улицата "Цветан Димов" во битолско Јенимаале е навалена и претставува опасност за жителите и сите минувачи.

Непознати сторители подметнале поажр во нива во атарот на Могила, при што опжарени се 1500 бали сено и слама во сопственост на семејството на градоначалничката Јасмина Гулевска. Настаот се случил ноќта саботата спроти неделата после полноќ, а Гулевска го потврди настанот.

Инсект нашле граѓани во лебот што го купиле во саботата во супермаркет во Битола. Тие до редакцијата на Плусинфо испратиле фотографија на која се гледа црн инсект закачен на лебот.

Полицијата до обвинителството поднесе кривични пријави против две лица од Битола кои се сомничат дека за време на прославата за Илинден на Мечкин Камен, Крушево, скандирале пароли со говор на омраза.  

Главоболки, покачен притисок, потешкотии во дишењето  на овие здравствени проблеми најчесто се жалат битолчани деновиве поради промената на температурите  и горештините, потврди за апла.мк д-р Васе Николовска лекар во Итната медицинска помош во Битола. Николовска вели дека како дежурна служба повиците од граѓаните доаѓаат  најчести во вечерните часови после 19 часот, и во текот на ноќта кога  имаат полни раце работа.

Слободан Најдовски, поранешниот  пратеник,  долгогодишен  колумнист во „Утрински весник“ и аналитичар за економско-финансиски политики од петокот  е новиот секретар на Општина Битола.На оваа позиција дојде откако претходно на објавениот оглас од Агенцијата за државни службеници беше вработен во општинската администрација на Општина Битола. Најдовски е дипломиран економист,  работел и во стопанство и  во јавно претпријатие и токму овие квалификации биле препорака  градоначалникот  на  Општина Битола, Наташа Петровска да ја стекне довербата и да го назначи на оваа клучна  позиција.  

Советот  на Општина Битола едногласно ја прифати одлуката за примање на донација во вид на опрема за фитнес-зона  на подрачјето на општина Битола  од Млекара АД Битола. Допрва ќе се знае за каква опрема станува збор и  на  колкава површина ќе се простира  фитнес- зоната.

-Донацијата е планирана да биде поставена на локација на Тумбе кафе, со што ја потенцираме нашата грижа за младите, спортот и рекреацијата како важен дел од нашето живеење. Со ова сакаме да ги потенцираме  и нашите заложи за заживување на Тумбе кафе и враќање на стариот сјај, изјави за апла.мк Методија Илиевски, координатор на советничката група на СДСМ и коалицијата.