Санација и реконструкција на патниот правец од Битола за грчка граница,  на оној од Битола за Новаци и санација на влезот од страната на Прилеп,  како проекти се вклучени во годинешната програма на Агенцијата за државни патишта на РМ. Ова било договорено  на вчерашната средба меѓу битолската градоначалничка Наташа Петровска и директорот на Агенцијата за државни патишта, Зоран Китанов.

Со ова во идниот период се очекува да бидат реконструирани овие патни правци кои досега беа само крпени и поголеми инфраструктурни зафати немало подолго време, со исклучок на излезот за Прилеп кој преку прокет на ЕУ беше самиран но до бензиската на „Лук Оил“, а патот понатаму не наликува на градски приод. Во слична ситуација е и патот за грчка граница каде минатата година кога се крпеа дупките, ставениот асфалт место со валјак, работниците го тапакаа со нозе.  

Битолчани ќе се вклучат во лов на загадувачи на воздухот во градот, посебно на оние кои палат гуми и пластики, а информациите ќе бидат доставувани до Општинскиот инспекторат за животна средина. Тоа им го озвозможува прокетот „Сликај, постирај, алармирај“ на Регионалното географско друштво „Геосфера“ кое денес потпиша меморандум за соработката со Општина Битола.

Итна санација на покривот на Сарајот во Ресен, констаирал министерот за култура, Роберт Алаѓозовски,  при денешната посета на овој објект, што е едно од најзначајните културни наследства во неокласичен  стил, изграден пред повеќе од еден век. 

Кој го почнал, до каде е неговата реализација и кој ќе го заврши проектот за изградба на прочистителна станица во Битола, се препукуваа денеска советниците од власта и опозицијата во битолскиот Совет.

Општина Битола да се откаже од прославата на Нова Година на плоштадот Магнолија и средствата да бидат наменети за набавка на еколошки билборди, побара денеска , Борче Димитровски , советник  од опозицијата во Советот на Општина Битола, обелоденувајќи досега за јавноста непозната информација , дека изминатите години бившата локална власта од ВМРО-ДПМНЕ, трошела околу 50 илјади евра само за дочек на Нова Година.

Да се повлечат од дневниот ред на 4-та седница на Советот на Општина Битола, точките за разрешување и именување на членови на Управните и  Надзорните одбори во јавните претпријатија, училиштата и градинките во Битола, побара советничката од иницијативата „Поинаку“, Габриела Илиевска. Ова барање, според неа е затоа што процесот не е транспарентен, a списокот со имиња на лицата кои треба да бидат именувани, до советниците стигнале непосредно пред почетокот на денешната седница. Претседателот на Советот, Валентин Груевски, рече дека постапката за разрешување и именување на члeнови на одборите  ќе се реализира на денешната седница, со цел да се спречат игрите на актуелните директори во училиштата.

-Сметаме дека е нарушена транспарентноста и начинот на работа на Советот на Општина Битола, затоа што според статут и деловник, материјалите што ги добиваме ние како советници, треба да ги имаме 7 дена пред седница. Ние ги добивме 5 минути пред започнување на седницата. Јас како советник и во претходниот состав на Советот, за оваа работа гласав против, токму затоа што сме немале доволно информации за да одлучам како ќе гласам. Станува збор за именување на 150 лица за кои немаме податоци. Добив образложение дека ќе добиме доволно време за да ги разгледаме точките, па потоа ќе преминеме на гласање “, рече Илиевска.

- Целта е да ги спречиме директорите во училиштата кои во текот на денешниот ден свикуваат седници на Училишните одбори, сметајќи дека со тоа ќе си ги заштитат своите директорски места, со тоа што ќе изберат подобни наставници, на кои наводно им биле истечени мандатите. Таквите игри како Совет  нема да ги дозволиме и затоа сметаме дека овие точки на денешната седница мора да ги донесеме и да го спречиме она што во изминатиот период ВМРО-ДПМНЕ, го направи во училиштата-огромни долгови кои достигнуваат до 1,5 милиони евра, изјави Груевски.

Тој понуди пауза во текот на денешниот ден пред расправата по овие точки, за да можат советниците да заземат став околу именувањето на новите членови на одборите. Но, Илиевска, го одби ваквиот предлог, со образложение дека не бара време, туку транспарентност и промена на начинот на кој што во изминатите години  функционирал Советот на Општина Битола.

Во интерес на битолските граѓани, дуќанџиите и пазарџиите , новата општинска власт  го откажа панаѓурот кој за овој викенд беше  најавен спроти кружниот тек кај Дулие.  Ова денеска го соопшти претседателот на Совет, Валентин Груевски.

- Ние зборувавме во минатите години дека ќе се обидеме тие работи да ги спречиме и со посебна заложба овие денови на градоначалничката на Општина Битола, со известување на сите надлежни институции во државата панаѓурот за овој викенд го спречивме. Панаѓур нема да има, секогаш ќе се однесуваме така кога ќе треба да ги заштитиме интересите на битолчани на  дуќанџиите и на пазарџиите од она што беше проблем во изминатите години, рече Груевски.  

Битолските дуќанџии со години забележуваа на организирањето на панаѓури од трговци од Шутка, со образложение дека  тоа е нелојална конкуренција за нив  и притоа се отвораа многу дилеми  околу легалноста на панаѓурите.

Методија Илиевски, е новиот координатор на советничката група на СДСМ во Советот на Општина Битола.

„Писмото и говорот се во основата на националниот идентитет, а нивните специфичности и особености се вткаени како карактеристични нишки на културната посебност. Но  во исто време, секој говор и писмо во себе ја кријат и потребата да не бидат изолирани, туку да воспоставуваат комуникација за разбирање,  толеранција и  соживот со другите. Прогласувањето на денешниот ден за официјален празник на албанското писмо е составен дел од јазичното и културното богатство на Република Македонија“, истакна премерот на РМ, Зоран Заев, во свето обраќање пред пристутните на завршната свеченост по повод  Денот на албанската азбука, што вечерва се одржа во Центарот за култура во Битола.

Владата отвори посебна ставка во буџетот на име Офицерски дом  на која засега се ставени 10 милиони денари за стартот на реконструкцијата на Офицерскиот дом, а и понатаму ќе се издвојат уште средства за целосна санација на објектот, изјави министерот за култура Роберт Алаѓозовски.