По вчерашниот прекин од околу 2 час денеска  е прооден за сообраќај патниот правец Битола – Ресен,потврдуваат од СВР Битола.

Портпаролот Лефтерија Миленкоска потврди дека сообраќајот бил во прекин заради сообраќајна незгода која поминала само со материјална штета . Всушност поради големите врнежи од снег дошло до лизгање на шлепер кој го попречил протокот на сообраќај на патот.

По објавениот статус на ФБ профилот на Планинарското друштво „Трансверзалец“ во кој ги повикаа планинарите да се воздржат од изјави во врска со трагичниот настан на Кајмакчалан се до објавување на официјален извештај, државната информативна агенција МИА  објави писмо  од семејствата на  младите планинари Калина Велевска (28) и Александар Миновски (35), кои трагично ги загубија животите на Ниџе,  минатиот викенд.

Врнежите од снег попладнево предизвикаа проблеми во сообраќајот на повеќе патни правци, а во моментот според известувањето од АМСМ, во целосен прекин е сообраќајот на патот Битола-Ресен.  

АМСМ  известува дека  покрај забраната  за движење на тешки товарни возила, од 18,45 часот воведена е забрана и за патнички моторни возила преку планинскиот превој Ѓавато.

Попладнево околу 16 часот на овој патен правец имаше сообраќајна несреќа, заради што сообраќајот беше во прекин до 17,30,  но кусо време откако  патот  беше отворен, воведена е целосна забрана за сите возила.

Патници тврдат дека има застој заради излизгани камиони и автомобили. 

Целосно е во прекин и патниот правец Маврово-Дебар, поради лавина на патот, информираат од АМСМ. 

Попладнево поради обилните снежни врнежи, прогласена е забрана за движење на тешки товарни возила на планинските превои Пресека, Буково и Ѓавато, како  и кон граничниот премин Ќафасан. На Буково сообраќајот е забранет и за автомобили, известуваат од АМСМ

За пет години, поточно во периодот од 2013 до 2017 година Општина Могила од општинските пари потрошила 52 433 евра за кафански сметки, обвини градоначалничката Јасмина Гулевска во соопштението што денес го испрати до медиумите, а воедно го објави и на својата фејсбук страница.

„Еве како недомаќински и неодговорно се трошеле општинските пари. Од 2013година до 2017година вкупно потрошено за кафански сметки 3 224 624 денари односно 52 433 евра. Од 2013година до 2017година тендерот за прехрамбрени продукти кој го добил фамилијарно близок на претходниот градоначалник вкупно потрошени се 1 385 548 денари односно 22 565 евра. Патот е трнлив и макотрпен меѓутоа општина Могила ќе биде одговорна,домаќинска и одговорна општина“, напиша Гулевска.

Пред неа со општината раководеше екс градоначалникот Стевче Пивковски, кој на изборите во 2013 година беше независен кандидат, а на минатогодишните локални избори неговата кандидатура беше поддржана од ВМРО-ДПМНЕ.

Националната установа Универзитетска библиотека „Св.климент Охридски“ – Битола  утре,   14.02.2018 (среда) со почеток во 13 часот во просториите на библиотеката, ќе го одбележи  Меѓународениот   ден на подарување на книга и Денот на вљубените со рецитирање на поетски творби од  македонската љубовна лирика.

Кривичните пријави што полицијата ги поднесе денес против ЕЛЕМ и петмина поранешни директори од РЕК „Битола“ произлегле од истрагата што била покрената по пријавата на здружението „За нас се работи“, потврдија од СВР Битола.

Црвениот Крст-Битола во соработка со СВР-Битола и општинските организации на Територијалната противпожарна единица, Дирекцијата за заштита и спасување и Службата за итна медицинска помош, денеска во основното училиште „Коле Канински“-Битола одржаа вежба за дејствување во услови на земјотрес.

Битолската полиција поднесе кривични пријави  против ЕЛЕМ  за загадување на животната средина и природа, како и против петмина поранешни директори и раководители во РЕК „Битола“, осомничени за соизвршителство во ова кривично дело. Тие пропуштиле да ги реконструираат филтрите на РЕК и дозволиле да се пропуштат штетни честички повеќе од дозволеното, а при отпепелувањето на одлагалиштето да се создаваат вртлози од пепел со што се зголемило загадувањето.   

Коста Хаџиантоновски, основачот на детското ликовно студио „Св. Кирил и Методиј“, по 37 години од „Мал битолски Монмартр“ и 36 години од Националната галерија, лобира и бара чаре како да обезбеди простор во градот за депо и галерија за над 55 илјади  жирирани детски ликовски творби, собирани низ годините.