Катaрина Кети Велковскa е новиот директор на Државното музичко училиште во Битола. Таа е професор по солфеж и една од наставниците чии ученици  се најнаградувани на државните натпревари со специјални и први награди.

Велковска го започна мандатот по Нова година, а нејзина заложба ќе биде нижото и средното музичко училиште во Битола да бидат во една иста зграда,

Се претпоставува дека околу 40.000 мазници ќе се исукаат и изедат вечерва и утре во Битола, по повод верскиот празник Василица. Битолчани на овој ден имаат обичај да го вртат мазникот и веруваат дека на тој што ќе му падне парето ќе го следи среќа цела година.

Управниот одбор на ЕЛЕМ го назначи поранешниот пратеник на СДСМ, Васко Ковачевски, за директор на РЕК-Битола.

„Менаџментот на АД ЕЛЕМ смета дека Ковачевски, заедно со новиот раководен тим кој е поставен, ќе одговори на предизвиците со кои се соочува најголемиот комбинат за производство на електрична енергија во државата и дека неговото познавање на состојбите во РЕК Битола ќе помогне во консолидирањето на овој значаен производствен капацитет, во насока на постигнување поголема стабилност и сигурност на електро-енергетскиот систем на Р Македонија во периодот што следува“, соопштија од ЕЛЕМ.

Незаконски биле донесени одлуките по конкурсите за финансирање на песни според Законот за поддршка на домашната музичка продукција, чиј носител била Македонската радио телевизија, соопшти министерот за култура Роберт Алаѓозовски денес во Завод и музеј-Битола.

Авторот на антологиската песна "Ратка Маџунка", Валентин Соклевски, вечерва го доби парето од василичарскиот мазник со сопартијците од ЛДП, па со радост ја запеа оваа негова песна која е една од најопеаните. Соклевски приреди вистинско музичко шоу во ресторанот "Грне" во Битола на што не одолеа ни продуцентот Панде Димитровски. Заедно запеаја и песни од нивниот пријател Петар Ѓоргиев Калица.

По 11 години влезе министер во просториите на Малиот битолски Монмартр, а по повеќе години и градоначалник од Битола. Вечерва во присуство на министерот за култута Роберт Алаѓозовски и градоначалничката Наташа Петровска во Детското ликовно студио беа врачени 40 меѓународни награди и признанија.

На денешен ден, 11 јануари, во 1920 година, во Скопје е роден Славко ЈАНЕВСКИ, припадник на македонското националноослободително и комунистичко движење и учесник во антифашистичката војна во Вардарскиот дел на Македонија, поет, раскажувач, романсиер, есеист, сценарист, сликар.

На 10.01.2018 година околу во 21,05 часот во Битола на ул.„Васко Каранѓелевски“, пред кафе-бар од страна на екипа од Итна медицинска помош било излезено со цел укажување лекарска помош на паднато лице, односно на В.С.(34) од Битола. Бидејќи бил под дејство на алкохол, од страна на доктор му било укажано дека треба да го пренесат во Клиничка болница, по што В.С. станал и го нападнал докторот, удирајќи го со тупаница во десната слепоочница, нанесувајќи му телесна повреда. Секторот за внатрешни работи Битола презема мерки за расчистување на настанот. 

Изработка на нова сообраќајна студија за градот или ревидирање на постоечката, најави градоначалничка Наташа Петровска.  Новата локална власт констатира дека загадувањето на воздухот во Битола меѓудругите чинители е последица и на нерегулираниот градски односно целокупниот сообраќаен режим во општината.

Петровска од битолскиот универзитет „Св Климент Охридски“ побарала  промени во сообраќајната студија, што треба дадат резултати на подолг рок.

Градоначалничката Наташа Петровска  најави дека во буџетот за 2018 година се предвидени пари за експропријација на земјиштето каде ќе се гради прочистителната станица во Битола. Потоа за оваа еколошка инвестиција ќе следува објавување на тендер, избор на изведувач и потпишување на договор. 

Ако се` се одвива како што треба во 2019 и 2020 година предвидено е изградба на станицата и канализационата мрежа и крајно 2021 година се` комплетно да биде ставено во функција.

-Предвидено е да се обезбедат 17 милиони денари за експропријација на земјиштето за прочистителната станица. Изградбата на станица е еден голем предизвик  и за мене како градоначалник и за вас како советници, рече градоначалничката Петровска.

Бившата локална власт неуспеа да го реализира проктот прочистителна станица за Битола. Од големото ветување   направи единствено физибилити студија, иако се најавуваше дека  станицата ќе биде комплетно готова до крајот на 2018 година.

Овој проект ќе чини вкупно триесет милиони, од кои 21 милион се обезбедени преку ИПА фондовите, а останатите од Владата на Република Македонија.