За Нова година можеби повеќе од кога и да е ми недостига градска Битола. Снимките од новогодишните забави низ кафеаните од кои барем делче видовме на тв екраните, беа доволни да ни покажат во каква Битола живееме. Народот вели дека за вкусовите не се разговара. Но, бидејќи сум од Битола, за која милуваме да кажеме дека е конзулска, ќе си земам за слобода да ја прокоментирам цикрузијатата што ја видов.   

Долгогодишното планинарење заврши со брак. Битолчанката Елена Василевска го кажа судбоносното „да“ на  врвот на Пелистер на својот избраник Менде Давитковски. На надморска височина од 2600 метри двајцата млади токму на први јануари 2018 година  застанаа на лудиот камен, обколени со неверојатните  пејсажи на Пелистер од каде се гледа и Преспанското езеро. Моментот на запросувањето е објавен на  видео на фејсбук профилот на  „Големо Езеро “.

Планинскиот убавец Пелистер низ фотографии направени на 1 јануари 2018 година.

Од Клиничката болница информираат дека на Ургентното одделение во текот на ноќта имало напорна ноќ, со 60 прегледи на пациенти. 10 од нив биле во алкохолизирана состојба. 

Машки близнаци се првите новороденчиња во Новата година во Битола. Во битолската болница во текот на новогодишната ноќ  се родија  вкупно 9 бебиња, 5 машки и 4 девојчиња.

Со новогодишна програма со ди-џеј, настапот на пејачот Борче Наумовски и новогодишниот џубокс со Бојан Стојков, актерите Илина Чоревска, Викторија Степановска Јанкуловска, Маја Андоновска Илијевски и бендот Боеми весело мина дочекот на Новата 2018 година на плоштадот Магнолија во Битола. .

.

Евергринот добива посебна моќ и значење кога ќе прозвучи низ гласовите на малите и млади музички таленти. Ова несекојдневно уживање на битолчани им го приреди Детскиот хор „Ѕвончиња“ , „Тин Ѕвончиња“, камерниот хор „Мелодиум“ придружени од „Наш бенд“ под водство на уметничкиот раководител Марина Коруновска. Концертот „Низ душата на македонската песна“ што предновогодишно се одржа вчера вечер во Народниот театар во Битола покажа дека градот не само што има музички талентиран подмладок, туку ја негува и градската традиција.

(Настаните кои ги одбележаа изминатите дванаесет месеци)

Македонскиот олимписки комитет во соработка со Општина Битола одржаа олимписка обука за спортската администрација и спортисти како да подготват успешни спортски прокети и да станат спортски менаџери.

„Ние имаме ситуација во која врвните спортисти кои ја завршуваат својата кариера им фали тој дополнителен едукативен момент за да станат спортски менаџери. Врвниот спортист по дефиниција е интелигентен човек, меѓутоа за да се биде успешен врвен спортист бара многу вложување, а најчесто првата жртва е доброто образование. Токму овој циклус на обуки е наменет таа празнина да ја пополниме и врвните спортски имиња кои завршуваат со кариерата да имаат шанса за кариера после кариера, со мало дообразување, дооформување на своите менаџерски способности да станат успешни спортски менаџери“, рече Даниел Димевски, член на Олимпискиот комитет и советник на премиерот за спорт.

Обуката за напреден спортски менаџмент беше наменета за идните спортски лидери на спортските клубови, федерации, генерални секретари, спортски директори и други спортисти.

„Сакаме на Битола да ѝ дадеме дополнителен шмек, административен, бидејќи Битола е еден од најспортските градови во нашата држава каде што имаме редок слулчај на присуство со сите три колективни спортови, а верувам дека и во индивидуалните постои извонредна база, извонредна спортска култура, население кое препознава , го сака и го поддржува спортот“, додаде Димевски.  

Градоначалничката Наташа Петровска рече дека како локална самопуправа треба да вложуваат максимум за да се направи вистинско поместување на состојбите со спортот во Битола.

„Мора да направиме поинаков поглед на тоа во која насока треба да се движат работите во спортот како да се мотивираат стопанствениците да гледаат поинаку во спортот, да се гледаат себеси во спортот и на спортските работници да им се отвори патот за подобри услови за свое делување“, рече Петровска.