Општина Битола ги намали непродуктивните трошоци, а тие ќе опаѓаат и во 2018 година. Градоначалничката Наташа Петровска рече дека и таа се придржува кон тоа,  па во изминатите два месеци откако го презеде градоначалничкото место не направила ни еден трошок по основ на репрезентација.

Координаторот на ВМРО-ДПМНЕ во Битола, Борче Димитровски, денеска објави ФБ статус со кој го обвини Васко Ковачевски од СДСМ, дека како директор на РЕК Битола, отпуштил 133 луѓе ангажирани во комбинатот повеќе од две години. Ковачевски на својот ФБ профил му одговори дека не е директор на РЕК и не може да отпушта од работа. 

Најголем загадувач во Македонија се домаќинствата кои се затоплуваат со горива кои загадуваат, втор загадувач е транспортотот, а трет најголем загадувач е индустријата, рече вицепрепремиерот Кочо Анѓушев, одговарајќи на пратеничко прашање во Собранието на РМ, дали точно се знае кои се изворите на загадување. Анѓушев посочи дека за да се намали загадувањето,  потребно е да се дејствува на изворите, а не на последиците.

На првата прес конференција на новата управа на РК „Пелистер“, претседателот на УО, Васко Ковачевски ги повика сите општествени чинители, бизнис секоторот и љубителите на спортот, да помогнат клубот повторно да биде силен и стабилен.

Повеќе од десет години нема нови лекови за хепатит Ц на позитивна листа во земјава, има терапија која е стара и отфрлена од употреба во повеќето земји во Европа, велат од „Хепар центарот“ од Битола. Листата не е ревидирана, но државата обезбедува на годишно ниво одреденна сума на средства за набавка на терапија за одреден број на пацинети. Милан Мишковиќ претседател на „Хепар центарот“ вели дека секоја година преговараат за да се обезбедат што повеќе средства и да не биде забиколен ни еден пацинет.

АД ЕЛЕМ  донираше прочистувачи за воздух за неколку градинки и училишта во Скопје, Битола, Новаци и Кичево и болничка опрема за Клиничкиот центар во Битола во висина од 40.000 евра.

Методија Тасевски  е  избран за нов претседател на ОО на СДСМ во Битола. Одлуката за негово именување ја донел лично претседателот на СДСМ Зоран Заев, потврди Тасевски за апла.мк . Тасевски  е со долг партиски стаж и добар познавач на политичките прилики во градот.

Сет краткорочни мерки за намалување на аерозагадувањето во Битола, меѓу кои набавка на еколошки билборди и субвенционирање на печки на пелети, по третпат предложи опозициската ВМРО-ДПМНЕ на денешната седница на општинскиот Совет, но предлогот не беше усвоен од мнозинството.

Два дена по ред концентрацијата на загадувачките материи  во Битола е над дозволените граници на двете мерни станици, Битола 1 и Битола 2, со што надминат е прагот на информирање, а општината на својата официјална веб страница ги објави препораките

Завршена е реконструкцијата на улицата Љубојно во должина од 205 метри.