Во организација на Советот на родители при ООУ „Коле Канински“-Битола во НУУБ „Св. Климент Охридски“,  на 19.04.2023 година се одржа трибина на тема „Избери ја својата професија“ во која учествуваа учениците од деветто одделение. Модератор на трибината беше м-р Фатма Бајрам Аземовска, раководител од областа на Развој на библиотекарството, меѓународна соработка, маркетинг и односи со јавноста.

Учениците имаа можност да слушнат и да се запознаат со различни професии од различни области, дел од своите биографии и своите професии ги презентираа: Билјана Петровиќ – биотехнолог, Ѓорѓи Мијалчев – информатичар, Маја Стојановска-сметководител, Лидија Павловска – одделенски наставник, Маргарита Камбовска – педијатар, Марта Соклевска – администратор за човечки ресурси, Светлана Глигоровска – педагог и Билјана Врцал Ванчевска – стоматолог.

Гимназија или средно стручно училиште, медицина, економско, техничка или електро струка. Ова се најчестите дилеми со кои се соочуваат полуматурантите во периодот пред претстојните уписи во средните училишта. Од пресудна важност се детските желби, афинитети, информираноста, но и подготвеноста на самото дете да ја избере својата идна професија. Основното училиште е од голема важност за градење на детската личност, а на оваа трибина се стави акцент на запознавање на некои професии и како да се направи правилниот избор за запишување во средно училиште. На овој начин учениците се стекнаа со „професионална ориентација“, според која ќе можат да ги градат своите интереси и желби за иднината.

Родителите треба да ги поддржат децата во изборот на средното училиште, а не за нив да го изберат соодветното училиште. Сепак, крајната одлука треба да биде на полуматурантот. Еден од најважните периоди во животот на децата е кога треба да се направи вистински избор каде да се продолжи образованието-истакнаа учесниците.

- Потребно е родителите подолготрајно да се вклучени во однос на изборите што ги прави детето уште пред конечниот избор. На таа возраст детето најчесто избира под влијание на врснички притисок и влијанието на родителите да биде пресудно при изборот на средно училиште, што е сосема погрешно. Некои родители имаат амбиција и преку посредни и непосредни начини и средства се обидуваат да влијаат врз изборот и уписот во „за нив“ посакуваното средно училиште, притоа не водејќи сметка за способностите и интересите на детето. Затоа, следењето и запознавањето со интересите, вредностите и капацитетите на детето почнуваат уште од најмала возраст, од првите игри и социјализации со околината, од првите адаптации на средината. За детето да донесе правилна одлука, важно е родителите да бидат инволвирани во процесот на донесувањето на одлуките, да советуваат, но не и да одлучуваат и, на крајот, секако, да дадат поддршка - рече д-р Маргарита Камбовска.

Ѓорѓи Мијалчев потенцира и ги охрабри полуматурантите да се запишат во средно училиште каде се изучува информатиката, зашто верува дека младите знаат дека информатичките знаења не се само глобален тренд, тоа се знаења поврзани со иднината на секое општество.

Претседателката на земјоделското здружение „Современо Земјоделство“ М-р Билјана Петровиќ, а вооедно и член на Советот на родител им објасни учениците за нејзината работа и како нејзините планови и желби за иднина се менувале во текот на нејзиното школување.

- Една од најважните гранки која секоја фирма, компанија, институција треба да ја поседува е соодветното сметководство. Иако навидум ова делува како многу едноставна работа, сепак треба да се има на ум дека од сметководството зависи идната финансиската слика на секоја компанија. Добар сметководител ќе помогне во ширењето на бизнисот, при што внимава на буџетот на секоја компанија. Сметководителот кој да има соодветни вештини, да знае да работи со бројки а и добро да ги познава елементите за бизнисот - рече Маја Стојановска.

- Добри учители се она што ни е потребно повеќе од било што во ова време во кое живееме. Наставничката професија е една од најважните и најубава професија од која зависи во какво општество сакаме да живееме. Затоа што подучувањето е уметност, а учителската професија е општествена привилегија. Добар наставник не се учи, ами се станува низ годините. Доказ за тоа се генерациите кои поминале низ моите клупи. Успешни генерации ученици се резултат на успешен наставник - им порача одделенската наставничка, Лидија Павловска.
Марта Соклевска им го презентираше на учениците својот пат на образование, од ученик со намалено поведение и вљубеник во зборот, јазиците, па сега администратор за човечки ресурси.

Светлана Глигоровска педагог при ООУ „Коле Канински“-Битола објасна за нејзината работа како педагог и им потенцираше на учениците дека секогаш е нивна поддршка и при изборот на нивната професионална ориентација.

- Избери го патот кој те предизвикува! Градењето кариера е долготраен процес кој бара посветеност, труд и многу работа, но пред сè знаење и искуство стекнато преку професионалниот развој на личноста. Затоа, секогаш избери го потешкиот пат каде ќе треба да совладаш многу пречки и проблеми, да се справиш со многу падови и предизвици, да разрешиш различни конфликти. Така ќе научиш многу, ќе стекнеш нови знаења, вештини и способности кои ќе те одведат до твојата посакувана професија-им порача Билјана Врцал Ванчевска.

- Родителите треба да ги поддржат децата во изборот на средното училиште, а не за нив да го изберат соодветното училиште. Сепак, крајната одлука треба да биде на полуматурантот. Еден од најважните периоди во животот на децата е кога треба да се направи вистински избор каде да се продолжи образованието - истакнаа учесниците.

- Нашето училиште активно зема учество во градењето иднината на своите ученици преку активности во интерес на нивната идна кариера. Уписите во средните училишта наближуваат, а главна тема на разговор меѓу родителите и децата е секако кое училиште да се избере. Тоа не е едноставно, па затоа ја организиравме оваа трибина со цел учениците да имаат навремен пристап до вистинските информации кои ќе им го олеснат изброт - истакна директорката Дијана Христовска.

Пишува: проф. д-р Александар Литовски

Во холот на НУУБ "Св. Климент Охридски" - Битола, на ден 24.04.2023 година (понеделник) во 11.30 часот ќе биде поставена изложба на 100 книги, стари 100 години од фондот на Библиотеката "АЛБИ" - с. Бабино, Демир Хисар по повод Светскиот ден на книгата и авторските права.

Ве покануваме заедно да го одбележиме Светскиот ден на книгата и авторското право.

Книгата е огледало на збиднувањата низ вековите и човековите стремежи кои се реализираат и живеат во пишуваниот збор - книгите кои се печат на едно време... Изложбата ќе биде поставена од 24 до 28 април 2023 година.

НУУБ „Св. Климент Охридски“-Битола 

Во организација на НУУБ „Св.Климент Охридски“ - Битола, ООУ „Коле Канински“ - Битола и Ротари клубот „Широк Сокак“ - Битола на ден 19.04.2023 година се одржа работилница на тема „Одбери ја својата професија“. Учениците од 9 одделение имаа можност да слушнат различни професии од нашите говорници: - Билјана Петровиќ - биотехнолог, - Ѓорѓи Мијалчев - информатичар, - Лидија Павловска - одделенски наставник, - Маргарита Камбовска - доктор, педијатар, - Марта Соклевска - администратор за човечки ресурси, - Маја Стојановска - Сметководител - Светлана Глигоровска - педагог, - Билјана Врчал Ванчевска - стоматолог. Говорниците предложија и некои чекори што можат учениците да ги преземат, со цел да им помогнат да го одредат нивното идно занимање:

- Идентификувајте ги вашите интереси и страсти. Размислете што уживате да правите и кои теми или области ви се интересни, - Размислете за вашите вештини и силни страни. Размислете за работите во кои сте добри и областите каде што се истакнувате, - Истражувајте ги потенцијалните кариери. Погледнете во различни работни места и кариери кои се усогласени со вашите интереси и вештини, - Побарајте совет од училишниот педагог и психолог, професионалци, кариерните центри. Разговарајте со луѓе кои работат во областите за кои сте заинтересирани за да добиете увид во нивната секојдневна работа и потребните квалификации, - Добијте искуство преку волонтерство. Ова ќе ви помогне подобро да ги разберете различните кариери и да видите дали тие се погодни за вас.

Активноста е во рамки на потпишаниот меморанду за соработка меѓу Библиотеката и училиштето. Модератор на настанот беше м-р Фатма Бајрам Аземовска, раководител од областа на Развој на библиотекарството, меѓународна соработка, маркетинг и односи со јавноста

Општина Битола, јавните претпријатија: „Водовод“, „Комуналец“ и „Нискоградба“ и три приватни фирми, денес, по повод Меѓународниот ден на планетата Земја, организираа акција за расчистување на диви депонии со цел преку заеднички и организиран пристап да се придонесе кон почиста животна средина и да се подигне еколошката свест кај населението.

На 50 годишна возраст почина Зоран Димовски од битолско Логоварди познат по неговото активно учество во протестите на Шарената револуција и дел од герила акциите во Битола. Тој беше дел од основачите на групата „Јужен фонт“ и член на ФБ групата „Легија на честа“. Погребот е закажан за утре, 22 април 2023 година на гробиштата во Логоварди.

Зоран беше дел и од герилата – пуштање во употреба на стадионот „Двојче“ на Магнолија на 20 мај 2016 година. Двајца битолчани со маски на лицето од експремиерот Никола Груевски и градоначалникот Талески, со мерцедес пристигнаа на плоштадот “Магнолија”, за свечено да го отворат стадионот „Двојче”. Зоран тогаш беше дел од обезбедувањето на „политичарите“ и му ја отвори вратата за да излезат од лимузината. Герила акцијата беше спроведена за да се изкритикува нереализираниот проект на Талески за реконструкција на стадионот „Под Тумбе кафе“.

Тој беше дел и од герила акцијата при пуштањето на игралиштето во Логоварди на 30 септември 2016 година. Екс градоначалникот Талески не се појави на најавената прес-конференција на спортското игралиште во село Логоварди каде го чекаше герила акција. Општинските служби најавија дека пресот за пуштање во употреба новото игралиште ќе го држи градоначалникот, но, по половина час чекање од страна на новинарите, изјавите ги дадоа вработени од општината.

Додека траше пресот, група локални жители кои и претходно беа вклучени во други герила акции, до игралиштето оптегнаа транспарент со натпис „јужен фронт” и рекоа „му порачуваме на Талески да се навикне на тесен простор”.