На 01.03.2023 во СВР Битола, Мери Стојанова (50) од Битола, директорка на Национална установа „Завод и Музеј“ - Битола, пријавила дека на 25.02.2023, по претходна дојава, таа и уште двајца вработени извршиле увид во археолошки локалитет „Влахо“ во с.Живојно, Општина Новаци. Притоа, на археолошкиот локалитет затекнале работници и механизација на фирма од Битола како вршат ископ на локалитетот без претходно извршено задолжително археолошко истражување на локалитетот. Според пријавеното, при увидот било констатирано дека е уништен голем дел од локалитетот. Се преземаат мерки за расчистување на случајот.

Афоризми

„Тешко на државата во која има повеќе банди од колку бандери.“

„Не е важно каде се пука, ние пукнуваме од страв.“

„На некои улици им го менуваат името, заради презимето.“

„Бели Мисли и размисли (афоризми)“, Битола, 2000 година.

Хумореска

ГЛУВОНЕМ

Не знам кога и од каде беше дојден во нашата месна заедница, но сите го познававме човекот. Обично отпоздравуваше само со насмевка и со дискретно поклонување на главата. Секогаш беше молчелив. Или е многу скромен и срамежлив, или можеби си има некоја мака, си мислевме. Никогаш со никој не се имаше расправано. Прв со мантил заодуваше, кога беше облачно без чадор никаде не одеше. Тоа по малку некои како, да ги нервираше, па во шега го нарекоа Инженерот, оти од сабајле до вечер улиците ги мерел. А кој знае, можеби некогаш и навистина бил инженер штом беше толку културен. Но, она што беше сигурно е што знаевме дека тој сепак беше пензионер.

Шетајќи се така колку да му врви времето, кај ќе видеше дека се собираат луѓе и тој таму ќе одеше. Ке се отвораше некоја изложба во Уметничката галерија, тој таму ќе си се нацрташе. Ке имаше некоја промоција во Домот на културата, пак тој во првиот или вториот ред. Седи, со невидено внимание се следи, а почнавме и ние се почесто да го гледаме на снимките на локалната телевизија кога ќе известуваа за тие манифестации. Стана човекот уште попозната фаца. Луѓето, од месната особено, уште повеќе почнаа да го ценат. Му скокна и популарноста.

Кога дојде времето за парламентарните избори, оти локалните ги пропуштивме заради немање солидни кандидати, се собравме во партискиот штаб да се договориме кого да го кандидираме. Овој ваков, оној таков или никаков, за чудо вистински кандидат со кој ќе ги победиме противниците, не можеме да најдеме. Му текна едно време, во пет до дванаесет што би се рекло, на еден од нашите и го предложи Инженерот. Тој не беше во нашата партија, ама не беше ни во друга, а ако треба одма и ќе го зачлениме, книшки барем колку сакаш имаме, во себе си велиме.

Формиравме нов изборен штаб оти стариот на минатите избори ценевме дека не си ја сврши најдобро работата. Го сликавме нашиот кандидат Инженерот, го излепивме по сите ѕидови, излози и бандери. Насмеан на тие плакатите во боја, да ти е милина да го гледаш и да читаш дека се вика Трпе Трајчевски.

Дојде гласањето, колку ние од Штабот што му помогнавме со широка агитација и популаризација меѓу месното население, уште толку, а можеби и уште повеќе самиот противкандидат на нашиот Трпе му помогна. Тој беше еден трчајлажи, ако не потрошеше толку пари, закани и ветувања ни кандидат не ќе можеше да стане, а не пак пратеник.

Доби нашиот кандидат и си седна во Собранието. Кревај рака, земај плата. За четири години, не четири пати, туку ни еднаш на говорница не излезе. Ни еден збор никогаш не кажа. Го оправдуваа некои избирачи оти имало и други пратеници никогаш што не дискутирале, а и подобро било така отколку да изигруваат циркузанти на говорница. На народот му се плаче, а тие го смејат.

Како и да е, седиме ние во Штабот, се думаме, се прашуваме, како можевме толку да заслепиме, та да не видиме дека човекот, односно Инженерот си бил глувонем.

Панде Петровски: Ликовен уметник и педагог, карикатурист и хуморист. Роден е 1939 година под Пелистер, во село Брусник, Битолско. Во 1963 година завршува Педагошка академија (ликовна насока) - Скопје, со студиски престој во Италија. Сликарство учеше од: Павле Павловски, Мамер Сулејманов, Иван Мелников, Менде Ивановски, Пепи Пашанко, Тоде Ивановски, Борислав Траиковски и Вангел Коџоман. Член е на ДЛУБ (Друштво на ликовните уметницина Битола), ДЛУМ (Друштво на ликовните уметници на Македонија) и МНД (Македонско научно друштво). Соработува со повеќе весници и списанија, а застапен е и во Антологиите на македонскиот и балканскиот афоризам. Добитник е на наградите: „4 Ноември“ на Општина Битола 1987 година и Специјална награда на 37. Светска галерија на „Остен“ 2009 година.

По избор на Александар Литовски

Општина Битола објавува јавен оглас за ангажирање на тутори за поддршка на ученици Роми од второ, трето и четврто одделение во основно образование во Општина Битола. Оваа активност се имплентира како дел од акцијата „Пост КОВИД 19 мерки за превенција и опоравување во образованието за деца и возрасни“ финансирана во рамки на заедничкиот проект на Европската Унија и Советот на Европа, РОМАКТЕД Програмата Фаза II за „Промовирање на добро управување и зајакнување на Ромите на локално ниво“.

Заинтересираните кандидати комплетната документација наведена во јавниот повик, можат да ја достават на три начини:

-              во архивата на општината во затворен коверт со долунаведената назнака

-              препорачано по пошта на следната адреса: Булевар 1ви Мај бр.61, 7000 Битола, во затворен коверт со долунаведената назнака

-              или електронски на следната е-маил адреса: Оваа е-адреса е заштитена од спамботови. Треба да ви е овозможено JavaScript за да ја видите. со долунаведената назнака

Крајниот рок за доставување на пријави за тутори е пет дена од денот на објавување на огласот на веб страната на општината, односно најдоцна до 10.03.2023 година со назнака: „АПЛИКАЦИЈА ЗА ЈАВЕН ОГЛАС ЗА АНГАЖИРАЊЕ НА  МАКСИМУМ 6 (шест) ТУТОРИ ЗА ПОДДРШКА НА УЧЕНИЦИ РОМИ ВО ОПШТИНА БИТОЛА“ - РОМАКТЕД ПРОГРАМА.

Информациите за јавниот оглас се достапни на следниот линк: https://www.bitola.gov.mk/јавен-оглас-за-ангаѓирање-на-1-консулта/.

Нова телевизија од  забавно општ  карактер ќе зрачи локално во  скопскиот регион. Агенцијата за аудио и аудиовизуелни медиумски услуги на седницата одржана во понеделникот му даде дозвола на компанијата Преобразение, чиј основач, сопственик и управител е теологот Петар Каревски, кое е световно име на  Преспанско пелагонискиот владика