Синдикалната подружница на РЕК Битола успешно го реализира Пролетниот турнир во спортски натпревари на кој учествуваа членови на синдикатот. Покрај популарните дисциплини кои традиционално се организираат, како што се, мал фудбал за мажи и пикадо за жени, на овој Пролетен турнир после долго време, беше организиран натпревар во риболов кој се одржа на Рековското езеро. Жените, пак, ги одмерија силите во куглање, што претставува уште една нова и интересна дисциплина во спортските натпревари за синдикалните членки на РЕК.

СДСМ го поздравува отпочнувањето на градежните активности за санација на спортската сала Боро Чурлевски за да се исполнат критериумите за играње на ракометни натпревари од Лигата на шампиони.

Реакција на СДСМ на соопштението на Општина Битола

Денес беше одржан ревијален натпревар помеѓу наставници од ОУ „Коле Канински“ и ученици и нивните родители. Како што велат наставниците, натпреварот беше организиран за симболично одбележување на крајот на учебната година.

Организатори на натпреварот беа наставникот по физичко и здравствено образование, Иван Димитровски заедно со одделенската наставничка Лидија Павловска. Во натпреварот зедоа учество и наставникот по физичко и здравствено образование, Иванчо Младеновиќ, и наставникот по англиски јазик, Боби Думевски, кој беше судија.

- Идејата се роди пред долго време пред да се реализира. Некако не се поклопуваа сите коцки, па затоа рековме натпреварот да го оставиме за крајот на учебната година и на тој начин да го одбележиме - вели Иван Димитровски. Тој додава дека родителите со воодушевување ја прифатија идејата. Заедно со наставничката Лидија Павловска организираа дел од останатите наставници кои помогнаа за време на настанот и успешно го реализираа натпреварот.

- Со наставникот Иван подолго време се договаравме и разговаравме за овој настан, меѓутоа обврските не дозволуваа да се случи порано. Мило ми е што голем дел од родителите го прифатија предизвикот и се согласија да учествуваат, и покрај многуте обврски што ги имаат - вели наставничката Лидија Павловска.

И родителите и наставниците се надеваат дека ова ќе стане традиција и секоја година на овој начин ќе се одбележува завршувањето на учебната година.

СВР Битола, до Основното јавно обивнителство Битола, поднесе кривична пријава против Д.Т.(58) од Демир Хисар поради постоење на основи на сомнение за сторено кривично дело „злоупотреба на службена положба и овластување" казниво по член 353 од Кривичниот законик.

Пријавениот Д.Т., во својство на заменик командир на Шумска полиција во Демир Хисар, во два наврати постапил спротивно на неговите овластувања. Имено, во с.Смилево и с.Прибилци биле затекнати две лица како со возила превезуваат огревно дрво без документација, но пријавениот, иако бил должен, не поднел барања за поведување прекршочна постапка против лицата, а наредниот ден им ги враќал возилата.