АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јануари 02, 2026
Анета Блажевска
Момче на 21 година од Нижеполе лудувало на патот за Охрид со 153 километри на час
Септември 15, 2025Нашата наставничка Наташа Тодоровска е избрана за просветен работник на годината од Сојузот на просветни работници
Септември 15, 2025Вандали ноќеска ги искршиле и изгазиле рефлекторите на платото од Офицерскиот дом во Битола
Септември 15, 2025Зад листата на Зоран Лазаровски Паљото стојат - Борко Бакревски, Лилјана Поповска, Јован Велковски, Стефан Солаковски ...
Септември 14, 2025Зоран Лазаровски- Паљо ја објави листата на кандидати за советници и како носител најавува дека тој и неговите советници ќе се залагаат за Битола да биде достоинствен град за живеење и пред се чист и зелен град. Граѓанската независна советничка листа „ЗА БИТОЛА“ на Лазаровски ќе биде најдобрата опција за битолчани вели Паљото за „Апла“.
Зоран Лазаровски-Паљо
На второ место на листата е Борко Бакревски, битолчани го познават по брендот „Бак пиво“, фамилијарен човек, успешен стопанственик и како што вели Паљото -„Бакревски е голем локал патриот.
Борко Бакревски
Третата позиција е за Лилјана Поповска вработена во фабриката „Кромберг и Шуберт“ како шеф на смена, хуманист, а Паљото вели дека секој што ќе побара помош од Лилаја таа е таму да помогне.
Лилјана Поповска
Зад Зоран Лазаровски - Паљо застана и Јован Велковски, менаџер во кафе слаткарница „ГТ“ во Битола. Паљото за него вели дека е „градско чоече секогаш присутно во јавниот живот и Широк Сокак“. Велковски е еснаф кој ја напуштил работата во јавно претпријатие во Битола и се посветил на приватниот сектор.
Јован Велковски
На петто место е младиот Стефан Солаковски, информатичар - успешен програмер, вработен во странска компанија. Паљото вели дека Стефан е гласот на младите битолчани, полн со живот и љубов кон Битола. Еден од малдите што сакаат да живеет во Битола и да останат во државата“.
Стефан Солаковски
Граѓанската независна советничка листа „ЗА БИТОЛА“ чии носител е Зоран Лазаровски - Паљо доколку ја добие довербата на битолчани и влезе во Советото на Општина Битола, ќе се залага за основните работи што ги нема Битола - катни гаражи, што повеќе едносмерни улици и паркинг места. Забрана за автомобили и моторни возила во центарот на градот, градското јадро да биде само за пешаци и велосипеди како секаде во културниот свет, вели Лазаровски.
Понатаму ќе се залагаат за реформи во јавниот превоз со мали автобуси, достоинствени автобуски постојки. Целосна обнова на сите влезови во градот со соодветно осветлување. Детското одморалиште на Пелистер да се направи исто и Копнаки. Вложувања во спортот во велосипедски патеки во повеќе зелени површини. Вложувања во Пелистер.
Лазаровски вели дека тој и неговоите советници во идниот состав на Советото на Општина Битола ќе бидат против депонија за 18 општини, а за современа депонија само за Битола, Новаци и Могила.
Текст Анета Блажевска
Македонско-турското здружение од Битола со поддршка на иселеници од Измир ќе формира фолклорна група во Будаково
Септември 14, 2025Денес во посета на Македонско - турското здружение ,,Мустафа Кемал Ататурк”-Битола беше претседателот на Федерацијата на здруженија на иселениците од Македонија во Турција, со седиште во Измир. Битолското здружение од неодамна е дел од оваа Федерација и во план се соработки на повеќе полиња. Според претседателот на Македонско-турското здружение, Шенол Мемиш, побарана е помош од Федерацијата за формирање на фолклорна група во с.Будаково која би го негувала македонскиот и турскиот фолклор.
„Побаравме помош во материјали за изработка на носии, со кои би биле опремени игроорците од новата фолклорна група. Од страна на претседателот Хасан Гани ни беше ветена помош и поддршка за нашите активности”, рече Мемиш по средбата.
Ова здружение минатата година сними два документарни филма и организира изложба на фотографката Бенита Стојмирова. До крајот на годинава најавуваат повеќе активности и три документарни филмови.
Татко трчаше со ќеркичката в раце на "Трчај бе" во Битола
Септември 14, 2025Татко трчаше со ќеркичката в раце на "Трчај бе" во Битола
Битола утринава пулсираше во ритамот на трчањето, музиката и забавата. Локацијата кај Саат кулата, беше стартната точка на трите трки кои се одржаа во рамките на 7-мото издание на „Трчај бе“.
Над 1700 учесници од 15 држави, се натпреваруваа во 3 категории: 5.000 метри, 10.000 метри и полумаратон во должина од 21.000 метри. Трките се одржаа согласно правилата на Меѓународното здружение на атлетски сојузи и Атлетската федерација на Македонија, а полумаратонското државно првенство под покровителство на Атлетската Федерација на Македонија. 
По завршувањето на сите три трки, беа доделени награди за најдобрите. Градоначалникот на општина Битола Тони Коњановски, ги додели наградите за најдобрите во полумаратонските трки во машка и во женска конкуренција и им посака на победниците и натаму да го негуваат спортскиот дух и да освојуваат уште повеќе награди.
„Трчај бе“, во изминатите 7 години, прерасна во манифестација која освен трчањето, го спои заедништвото низ многу генерации љубители на спортот.
Стефан Тековски ја бара довербата од битолчани за влез во Советот како носител на листата на новоформираната граѓанска иницијатива „ГРИН“
Септември 14, 2025СВР Битола информира дека утре во терминот од 7 до 12 часот, заради одржување на спортската манифестација „Трчај, бе 2025“ во чии рамки ќе се одржи и Националното првенство во полумаратон, ќе преземе мерки на посебен режим на сообраќај. Времениот режим на сообраќај ќе се одвива на булеварот „1-ви Мај“, улица „Генерал Васко Карангелески“ од кружниот тек кај Педагошка до кружниот тек кај Веро, потоа улица „11-та Македонска Дивизија“ до базен Довлеџик, улица „Филип II Македонски“ се до кружниот тек кај Дулие, улиците „Батаљон Стив Наумов“, „Прилепска“, „4-ти Ноември“ и „Широк Сокак“ до стартот на трката кој воедно е и цел.
Апелираме до граѓаните, нагласуваат од СВР Битола, паркинг местата кај плоштад „Магнолија“ односно Саат Кула и на улица „Солунска“ кај Широк Сокак да бидат слободни во недела наутро со цел непречено движење на тркачите меѓу кои ќе има и репрезентативци на повеќе земји.
Во периодот на времен режим на сообраќај, предвидени се доволно алтернативни рути и полициски службеници кои ќе го контролираат сообраќајот
Најчитани
