АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Септември 18, 2025
Анета Блажевска
Во Битола има само 3 згрижувачки семејства, СОС Детско село почнува кампања за зголемување бројот на згрижувачи
Април 14, 2022
Градоначалникот на Општина Битола, Тони Коњановски, денес имаше работна средба со Жарко Трајков и Александра Мојсовска, претставници на приватната установа за семејна заштита СОС Детско село, која го спроведува проектот „Унапредување на системски недостатоци -поддршка на реформите во системот за заштита на деца“.
Сто пакети со прехрамбени производи ќе бидат доделени за пензионери со ниски примања по повод празниците
Април 14, 2022По повод престојните верски христијански и муслимански празници на сто пензионери со ниски примања членови на здружението на пензионери ќе им бидат доделени сто пакети со прехрамбени производи. Ова беше одлучено на денешната седница на Извршниот одбор на Здружението на пензионери во Битола одржана под претседателство на Даница Петличкова.
На седницата беше одлучено од 18 април да започнат со работа Клубовите на пензионери во Битола, Новаци и Буково, а навремено да започнат подготовсите за Регионалната ревија на музика, песни и игри под покровителство на СЗПМ, чиј домаќин на 9 мај ќе биде битолското Здружение на пензионери.
Со подобрување на здравствената состојба се планира наскоро да започнат да се организираат пензионерските пролетните и есенските екскурзии, планирани со програмата, како и средбите со збратимените здруженија пензионери. На седницата се расправаше и за други актиелни прашања од животот на членовите на здружението на пензионери од Битола, Новаци и Могила.
Петков на отворањето на Клубот „Ванчо Михајлов ВМРО“ во Битола, а и во посета на далеководот Битола-Елбасан
Април 14, 2022„Скопје 2014“ оживеа во Новаци, скулптурите со лавови вратени во дворот на општинската зграда
Април 14, 2022Фамозниот член 102 тивкиот убиец на регионалните и локални медиуми (пишува Дарко Штарговски, новинар)
Април 13, 2022Фамозниот член 102 или тивкиот убиец на регионалните и локални медиуми! Токму со овој член кога СДСМ дојде на власт се забрани рекламирањето во медиумите на Владата, јавните претпријатија и сите државни установи. И тоа беше со право, бидејќи сите знаеме колку пари за време на ВМРО-ДПМНЕ се переа и се фрлаа по медиумите и како после тоа беше известувањето и што се случуваше. Мораше некако да се регулира тоа.
Но 5 години потоа овој член 102 ги уништи токму најмалите, односно регионалните и локалните медиуми. Оние големите си продолжија да си бидат дил ориентед, така што да не се лажеме дека преку разни други канали не продолжија да си се финансираат, на ваков или таков начин.
Малите медиуми, кои егзистираат во средините надвор од Скопје, преживуваат од ден за ден и се оставени да се финансираат од локалниот бизнис сектор. Односно оставени се на милост и немилост и питачење по приватните компании и разно разни локални моќници кои им потфрлаат по некој денар. Жива мизерија!
Наместо кога ќе тропнеме на маса да се тресат општините и сите околу нас, локалните медиуми се доведени до питачки стап и секој чека само да го стават клучот на врата бидејќи слободни и независни медиуми не му се потребни на никого. Си ги имаат тие нивните профили на социјалните мрежи и партиските порталчиња.
Е сега да се вратиме на член 102. Во последно време има некоја иницијатива да се олабават овие мерки, па ЗНМ и други организации веднаш излегоа со став дека се против тоа, бидејќи повторно ќе се вратела контролата врз медиумите.
Како прво тоа не е точно. Ако парите од некоја кампања се поделат по сите локални медиуми во некој град, според одреден критериум, тоа не е поткуп. Оти сто пати имам напишано, тоа не се пари на партиите или на градоначалникот. Тоа се народни пари, што народот плаќа данок и граѓаните заслужуваат објективно, навремено и точно информирање. И во краен случај тоа воопшто нема да бидат астрономски суми како во минатото, туку ситни пари за објава на соопштенија и други огласи. И никој нема да може да поткупи медиум ако тие пари и онака му следуваат на медиумот.
Па би го запрашал ЗНМ и другите, ако сметаат дека ова ќе биде поткуп, зошто досега и покрај сите укажувања дека ќе затвориме не најдовте решение во овие 5-6 години како да им се помогне на локалните и регионални медиуми. Лесно ви е вас да функционирате со проекти од стотици илјади евра финансирани од странски амбасади, ЕУ, САД, и други донатори. Но локалните медиуми ниту се невладини организации, ниту знаат да пишуваат проекти. Ние сме медиуми! Токму затоа треба да ни помогме пред се нашата држава. А за проекти од странски донатори ајде помогнете ни Вие, зошто функционирате како здруженија воопшто ако за ништо ни немате помогнато!
Токму затоа под итно е потребно формирање на одреден Фонд за помош на локалните и регионални медиуми. Медиуми кои се занимаваат со секојдневните проблеми на малиот човек, оние проблеми кои немаат можност да дојдат на националните медиуми, оти нели тие се резервирани само за Таче, Мицко, ВМРО и СДСМ друго и нема.
Затоа ЗНМ малку повеќе да се позанимава и тоа под итно со новинарите надвор од Скопје, да се види како тие живеат, од што егзистираат, а не само да се прават проектчиња од еден тон пари, од кој никој не видел аир освен тие шо се вклучени во него.
Значи или измена на член 102 и изземање на некаков начин од него на локалните и регионални медиуми или најдете друго решение под итно. Не смее да се дозволи затворање на медиумите!
Дарко Штарговски, новинар
ЈП „Водовод“ соопшти дека на ден 14.04.2022 (четврток), поради дефект на водоводната мрежа ПВЦ Ф-300, со прекинато водоснабдување ќе бидат корисниците на ул."16-та" ( после железничкиот мост) до ул. "Индустриска". Водоснабдувањето ќе биде во прекин од 09:00 ч. до завршување со работните активности.
Најчитани
