ВМРО-ДПМНЕ денеска по третпат излезе на протести во 10 градови низ дражавата. Во Битола, исто како вчера, блокирана беше крстосницата  меѓу  ул. „Димитар Илиевски Мурато“ и ул. „Никола Тесла“ - кај Гроздот, а протестот се оджа од  15 до 17 часот. Барањето е Владата јавно да го објави таканаречениот „патоказ“ за преговорите со Бугарија.

На 09.06.2029 во 21.40 часот на патот Битола - Ресен, полициски службеници од Отсекот за недозволена трговија со дрога и оружје од Одделението за криминалистичка полиција при СВР Битола и од Полициско одделение за БПС од ОВР Ресен ги лишиле од слобода С.Ф.(39) од Скопје, со живеалиште во Ресен и Ш.А.(54) од Ресен. При преглед во патничко возило „опел“, управувано од С.Ф., а сопатничка била Ш.А. бил пронајден и одземен хероин. Тие биле приведени во полициска станица и по целосно документирање на случајот против нив ќе биде поднесена соодветна пријава.

И изминатите денови полицијата фати дилер на наркотични средства од Битола, во чиј дом при претрес беше откриен кокаин, а уапсен беше и 21- годишен битолчанец кај кој беше пронајден хероин. 

Советниците на денешната седница го изгласаа решението за давање согласност на статустот на новата установа која се формира, поточно Јавната општинска установа Културен и информативен центар. Установата ќе има за цел да управува со дел од култуните објекти и случувања во градот.