Завршено е асфалтирањето на улицата „Димитар Илиевски Мурато“, на потегот од раскрсницата со улицата „4 Ноември“ до раскрсницата со улицата „Никола Тесла“. Со синоќешните активности, завршена е првата фаза од реконструкцијата на оваа улица.

Во втората фаза, реконструкцијата ќе продолжи од раскрсницата со улицата „Никола Тесла“ до поврзувањето со улицата „Широк Сокак“

Градежните екипи на терен од вчеравечер, веќе ја подготвуваат за асфалтирање и улицата „Партизанска“.

Обезбедивме првични 80 милиони денари за ревитализација на Преспанско Езеро, изјави премиерот Зоран Заев при обиколката на Преспанското Езеро со цел прецизирање на спроведувањето на препораките и акцискиот план предложен од експертите за одржливо управување на Езерото.

Тој рече препораките од студијата и акцискиот план ќе се организираат во три фази.Првата фаза која опфаќа анализи, студии, препораки, средби на засегнатите страни, во голем дел е веќе спроведена. За следните две фази клучна ќе е иницијативата и кај соседите, па во таа насока ќе побараат трите земји да му дадат нова динамика и на проектот за комплетна заштита на Преспанското Езеро поддржан од Европската Унија.

„Во делот на краткорочните мерки, Владата ја подготви одлуката за определување на финансиски средства за општина Ресен во висина од 80 милиони денари кои ќе бидат наменети за чистење на површините на езерото каде што е водата повлечена, посебно во делот кај некои од плажите. Чистењето на овие површини од тињата и од остатоците од дрва и друг материјал ќе се изврши со посебни бродови опремени за таа намена кои нема да наштетат на биодиверзитетот, а ќе го овозможат понирањето на водата и сигурен и стабилен воден режим посебно во летниот период“, рече Заев.

Во последните три години има 35 странски инвестиции, а во 2018 година го надминавме рекордот во странски инвестиции со 625 милиони евра нето странски инвестиции со девизен прилив, во 2019 имавме 300 милиони евра, рече Заев денеска во Битола и додаде дека старанските вложувања продолжија и годинава за време на КОВИД кризата, а „Кромберг и Шуберт“ во Битола двојно ќе ги зголеми капацитетите.