На иницијатива на градоначалничката на Општина Битола Наташа Петровска, во текот на денот се изведува масовна акција за чистење и дезинфицирање во градот. Акцијата ја изведуваат битолските јавни претпријатија, со своја опрема и вработени лица, под координација на ЈП „Комуналец“ Битола.

АД ЕСМ Подружница РЕК „Битола“ на сите граѓани на Република Северна Македонија им го честита државниот празник  11-ти Октомври, Денот на востанието, симбол на македонската борба за слобода. 

Во моментите кога се одбележува 79 годишнината од почетокот на антифашистичката борба во Македонија, упатуваме должна почит и благодарност до сите учесници во Народно-одлободителната борба кои животите ги дадоа на браникот на слободата за нашата татковината. Преку нивните храбри дела и заложби за сопствена држава, токму преку првото заседание на АСНОМ започна остварувањето на повеќевековните идеали на македонскиот народ. Нас како идни генерации, ни останува обврската да ги чуваме овие придобивки и да придонесуваме за поразвиена, економски стабилна, мултиетничка, слободната, самостојна, независна и суверена Република Северна Македонија.

АД ЕСМ го продолжи стипендирањето на 29 студенти од различни години на високото образование од четири државни универзитети, односно од државните универзитети во Скопје, Битола, Штип и во Тетово. Услов за продолжување на стипендирањето е студентите секоја година да го задржат бараниот просек, кој резултат стипендистите редовно го исполнуваат.

Во изминатите денови дел од студентите веќе ги потпишаа договорите и истото беше извршено согласно законските мерки за заштита од КОВИД 19, се со цел на студентите да им се исплатат средствата неопходни за нивните секојдневни трошоци поврзани со образовниот процес.

Почнувајќи од 2012година АД ЕСМ секоја година распишува конкурс за стипендирање на 30 нови студенти од државните универзитети, со годишна стипендија од 60 илјади денари.

На тој начин, АД ЕСМ, како општествено одговорна компанија, помага во продуцирање кадар, особено од областа на електротехниката, машинството и информациските технологии.

Речиси  покрај секој  контејнер низ градот постојано  се остава гломазен отпад - стар мебел, дограма, електрични апарати, санитарии и друго.

Покрај грдата слика, се отежнува движењето на пешаците, затоа што со овој отпад се затрупани тротоарите, па тие се принудени да се движат на коловозот

Во тек е поставувањето на атмосферска и фекална канализација на улица „АСНОМ“ во Битола. Реконструктивните зафати на оваа улица, покрај поставувањето на канализациониот систем, предвидуваат изградба на водоводни инсталации и  градба на нов коловоз.

Општина Битола во овој проект ќе го финансира поставувањето на приклучоците за водоводната мрежа и канализационата мрежа од страна на јавните претпријатија „Водовод“ и „Нискоградба“, како и целосното уредување на коловозот.

Министерството за транспорт и врски, го финансира поставувањето на новата водоводна и канализациона мрежа.