Битолскиот градоначалник Владимир Талески, кој имаше навика да прави отчети за сработеното, на завршувањето од мандатот не даде отчет дали должи Општина Битола и колку, пренесе порталот sdk.mk. Од општина Битола им било кажано дека за да се добијат информација за тоа колку е долгот, треба да достават Барање за слободен пристап до информации, зашто било време на изборна кампања. Брање доставиле, па очекуваат одговор, но ако се земе предвид дека рокот за одговор е 30 дена, информацијата ќе треба да ја даде следната локална власт.

Габриела Илиевска, носител на независната кандидатската листа за советници „Поинаку“ во завршното обраќање пред изборниот молк им порача на битолчани дека крајно време е битолчани да одлучуваат за иднината на Битола.

Херојството на партизаните од првиот битолски партизански одред „Пелистер“ кај Ореовата корија,  кога храбро загинаа седумина херои е опеано во народната песна „Таму ле мајко близу Битола“, но за жал песната веќе осум години не одѕвонува низ градот под Пелистер. По ритамот на оваа композиција порано отчукуваше битолскиот градски часовник. Но, во 2009 година со образложение на општината дека се репарира механизмот, дел од песните се изгубија што предизвика големи критики кај битолската јавност. Тогаш градоначалникот Владимир Талески  најави дека репарираниот механизам наскоро ќе има можност да изведува повеќе песни, но до денес остана да одѕвонува само „Битола мој роден крај“.  .

Чкембарите на вечерашниот ракометен натпревар во спортската сала „Младост“ во Битола преку голем транспарент почараа дека „Битола сака поинаку“, јави спортм.мк Натпреварот се игра меѓу Пелистер и Ракометната федерација на Македонија, а салата е полна до последно место.

Битола има голем потенцијал за развој на туризмот поради својата местоположба, низата природни богатства и културните зданија со кои располага, рече Наташа Петровска, кандидат за градоначалник од СДСМ и коалиционите партнери.