2win800x200

Директно

Училишната спортска сала во ОУ „Ѓорѓи Сугрев“ во Битола днеска беше исполнета со  радост и среќа на децата со посебни потреби кои секој вторник и четврток  овде тренираат спортски активности. Покрај редовниот тренинг под надзор на нивниот тренер, Мико Голубовиќ, инаку кошаркар во  КК „Пелистер“,  20 деца денеска добија комплет спортска опрема, спортски реквизити и новогодишни пакетчиња. Донацијата заеднички ја обезбедија Синдикалната подружница на РЕК Битола, наш иселеник од САД и неколку приватни фирми.

Учениците од Нижото државно музичко училиште во Битола вечерва со прекрасните изведби на класичка музика ја воодушевија публиката во Малата сала на Центарот за култура во Битола.

Француските војници кои се бореле на Солунскиот фронт (1915-1918) биле фасцинирани од издржливоста на македонската жена која за време на војната по полињата изведувала тешки физички работи за да го прехрани семејството. Ова го истакна францускиот полковник Макс Шивон, историчар и управител на Службата за историски и воени истражувања во Франција, на предавањето што го одржа во Битола по повод стоте години од Солунскиот фронт. Ваквиот впечаток го добил читајќи стотици писма кои француските војници им ги испратиле на своите роднини дома, а кои денес се зачувани во историските архиви во Франција.

Битолчанката Олга Ристевска (72) нема волонтерска книшка, нема евидентирани волонтерски часови, но таа едноставно е родена да биде волонтер. Целиот свој живот го минала помагајќи им на други лица, па за својата хуманост неодамна доби престижно признание за долгодишен волонтерски ангажман доделено од Советот за волонтерство на Општина Битола.

Изграден е новиот полигон за полгање на практичниот дел од возачкиот испит во Битола. Тој е донација од Сообраќајниот испитен центар „АМ ДООЕЛ- Битола“, земјиштето на кое ќе биде сместен, на излезот од градот кај населбата Горно Оризари, е во сопственост на Општина Битола, а со него ќе управува јавното претпријатие „Нискоградба“.

Полигонот деновиве беше асфалтиран и обележан. .

Бројот на граѓански организации во Битола изнесува 590, меѓутоа бројот на активни здруженија е помал, пишува во Стратегијата за соработка на Општина Битола со невладиниот сектор. Од постоечкиот број на невладини организации само три се регистрирани како еколошки здруженија. 

Дедо Мраз ја реализира желбата на  Наумче Здравески и му ја донесе најпосакуваната МИЛИОНЕР ЏЕК ПОТ добивка во Македонија. Најновиот во листата милионери на Државна видеолотарија на РМ освои добивка е вредна 1.640.646,00 денари. МИЛИОНЕР ЏЕК ПОТ добивката е освоена на 18.12.2018 во Спорт Лаиф Трејд во Охрид.

Во 2019 година Општина Битола планира да ги субвенционира домаќинствата за редовно чистење на оџаците. Ова стои во Програмата за заштита на животната средина за 2019 година која треба да биде разгледана и донесена на седницата на Совет во вторник.

Деновиве замрзнаа Пелистерските очи, Големото и Малото езеро. Иако ова е вообичаена слика за Баба Планина во декември, која е целосно под снег, сепак , само најупорните вљубеници го освојуваат планинскиот убавец во зимските денови.

Битола го слави Свети Нектариј, заштитникот на градот. По тој повод, синоќа се одржа традиционалната занаетчиска манифестација „Битолски еснафи“, а потоа и културно-уметничка програма во Народниот театар. Утринска литургија се служеше  во храмот „Свети Димитриј“ во Битола, а потоа и литија низ улиците на градот.  

Login to your account

Username *
Password *
Remember Me
© 2021 АПЛА.мк. Сите права се задржани