Со ребалансот на буџетот на Општина Битола издвоени се два милиони денари за да им се надоместат трошоците на родителите кои во изминатиот период морале од џеб да го плаќаат превозот на учениците, кој законски треба да е бесплатен.

И по 115 години од Илинденското востание, а сѐ уште не се знае каде се крие знамето на Главниот штаб на Битолскиот револуционерен округ, кого го сочинувале Даме Груев, Анастас Лозанчев и Борис Сарафов, а на кого му биле пренесени сите овластувања за Илинденското востание.

Дел од македонските историчари претпоставуваат дека знамето љубоморно се чува во некое депо во Софија, Бугарија.

Бројот на МИЛИОНЕР ЏЕК ПОТ добитници на Државна Видеолотарија на РМ, расте со несмален интензитет и во месец октомври.Само во првата половина од овој месец добивме нови 6 добитници на МИЛИОНЕР ЏЕК ПОТ. Вкупниот износ  на овие добивки е 8.593.651,00 денари.

Синоќа панда првиот снег на Пелистер како што се гледа и на фотографијата на планинарот Јонче Илиевски направена на врвот Антена. Илиевски вели дека снегот паднал уште вчера вечер во повисоките делови на планината над 2400 метри надморска височина, но снежната покривка засега е тенка и изнесува само неколку сантиметри. 

Изградбата на пругата Битола-Кременица е во завршна фаза, а градежните работи се очекува да завршат до крајот на годината,  информираат од Министерството за финансии. Со изградбата на оваа делница  ќе се овозможи железничко поврзување меѓу  Македонија и Грција, односно поврзување на Пелагонискиот регион со Солунското пристаниште.

Емилија Недановска, нутриционист,  ги учеше најмладите како да се хранат здраво и како се меси леб. Денеска, на третиот по ред  „Пазар на локални производи“ што се одржа во Новиот пазар во Битола,  повторно се собраа на едно место произведувачи на органска храна и потрошувачи кои сакаат да купуваат чисти  органско произведени земјоделски производи и здраво да се хранат.

Непознати лица со месеци потпалуваат штали, бали добиточна храна и уништуваат ниви во пелагониското село Могила. За десет месеци изгореа околу 5.000 бали сено, слама, луцерка, над 1.000 килограми собран тутун, a земјоделски производи се уништени и по нивите. Пожарите избувнуваат навечер, најчесто по полноќ, кога нема луѓе по нивите и шталите. Мета бил имотот на Општина Могила, на луѓе од локалната власт и други вработени во општински институции.

Последниот од серијата пожари се случил на шести октомври, кога биле запалени шталата и плевната на Илче Велевски, вработен во спортската сала во Могила. Општетениот сопственик се сомнева дека некој ги потпалил намерно, додека тој со семејството бил на свадба..

Статуата на Атена Партенос пронајдена во Хераклеја денес ги краси витрините на Народниот музеј во Белград. Изложената статуа за време на посетата на музејот во Белград ја сними Ирена Ружин, доктор од областа на туризмот и ја објави на својот фејсбук профил.

Вечерва горат старите турските гробишта во Битола. Жителите од населбата Ушици реагираат дека гори веќе подолго време, пожарот се шири со големи пламени јазици и веќе се доближува до куќите и предизвикува паника кај населението.  Се соменваат дека се работи за подметнат пожар зашто се појавил доцна попладнево. Фотогрфијата ни ја испратија жители од зградите во близина и велат дека пламените јазици се толку високи што можат па се видат дури и преку покривите на околните куќи. Ова не е првпат да се палат турските гробишта во Битола. Годишно по неколку пати горат, посебно во летниот период кога се обраснати со густа вегетација. .