Изработка на нова сообраќајна студија за градот или ревидирање на постоечката, најави градоначалничка Наташа Петровска.  Новата локална власт констатира дека загадувањето на воздухот во Битола меѓудругите чинители е последица и на нерегулираниот градски односно целокупниот сообраќаен режим во општината.

Петровска од битолскиот универзитет „Св Климент Охридски“ побарала  промени во сообраќајната студија, што треба дадат резултати на подолг рок.

Околу осумдесет книги донираше Народната и универзитетска библиотека „Св. Климент Охридски“ во битолскиот затвор „Црн мост“ за затворениците да имаат поразновидна литература за читање.

До јануари 2020 година гасот треба да стаса до Битола, вели  Благојче Котески директор на МЕР.Тој  вели дека иако е „неблагодарно  да даваме рокови, но за две години можеме да имаме гасификација во Македонија доколку општините работат на процесот паралелно со Македонски енергетски ресурси“.

Со утрински литургии по црквите, денес започнува празнувањето на Божиќ, празник посветен на раѓањето на Исус Христос. Верниците денес се поздравуваат со зборовите „Христос се роди“, а се одговара: „Вистина се роди“.  .

Стотици деца од Битола утрово и пееја коледарски и црковни песни на градоначалничката на Битола , Наташа Петровска. Настанот се случи пред општинската зграда, а Петровска им посака многу здавје и безгрижно детство. Дечињата носеа икона спилион која ја симболизираше пештерата  каде е роден Исус во Витлеем, а Петровска им подели коледарски кеси. 

Вечерва низ битолските маала пламнаа коледарски огнови. Ова е традиција со која се најавуваат престојните празници- Бадник и Божиќ. 

Претседателот на Совет на Општина Битола, Валентин Груевски денеска јавно упати апел  до мнозинските акционери на ФК Пелистер од Битола да ги исплатат долгот и клубот да го остават со чиста сметка. После тоа да отпочне правната процедура за преземање на акциите, зошто без платени обврски Општина Битола нема можност да го преземе клубот.

-Свесни сме за итноста на  ситуацијата и временскиот теснец во кој се наоѓаме, затоа денес или најдоцна утре ќе биде рокот во кој треба да се исплатат долговите и да почне нормализација на состојбите во клубот. Се после утрешниот ден ќе биде предоцна за клубот-предупреди претседателот на Совет, Груевски. 

Васко Ковачевски од СДСМ, бара Борче Димитровски од ВМРО-ДПМНЕ јавно  да му се извини за изнесените клевети на ФБ, во спротивно ќе го тужи. Барањето за извинување  се однесува  на фејсбук статусот на Димитровски,  објавен на 28 декември минатата година,  во кој тој напиша дали првата одлука на Ковачевски како нов директор на РЕК Битола била да се отпуштат од работа 133 ангажирани лица во комбинатот, иако Ковачевски не е диркетор на РЕК. 

Пред 35 години, Битола, Новата година ја дочекала приклешетна во снег и мраз, а сега со кокичиња по дворовите како да е пролет.  Зимата во 1983 година во Битола снег наврвнал дури 84 сантиметри, а за време на оваа зима во градот одвај проснежи. Денес дневните температури се искачија до осум сетепени над нулата.   

Долгогодишното планинарење заврши со брак. Битолчанката Елена Василевска го кажа судбоносното „да“ на  врвот на Пелистер на својот избраник Менде Давитковски. На надморска височина од 2600 метри двајцата млади токму на први јануари 2018 година  застанаа на лудиот камен, обколени со неверојатните  пејсажи на Пелистер од каде се гледа и Преспанското езеро. Моментот на запросувањето е објавен на  видео на фејсбук профилот на  „Големо Езеро “.