Изградба на систем за ладеење и греење во спортската сала "Боро Чурлевски", преку амандман за измена и доплнување на Буџетот на Општина Битола, предложи советникот од ВМРО-ДПМНЕ, Борче Димитровски на денешната Седница на Советот. Советникот од СДСМ, Борче Корлевски, му реплицираше дека системот за греење и ладење во спортсксата сала го промовираше ВМРО-ДПМНЕ во 2016 година.

Во насока на доследно и целосно почитување на уредбите на Владата, односно мерките и активностите за справување со пандемијата со коронавирус, Министерството за внатрешни работи ги информира граѓаните дека е ставен во функција бесплатниот телефонски број 0800-00-201  и меил адресата  Оваа е-адреса е заштитена од спамботови. Треба да ви е овозможено JavaScript за да ја видите., на кои граѓаните анонимно можат да пријават групирање и организирано прославување во текот на претстојните празници. 

Потпишан е договор меѓу Општина Битола и Министерството за труд и социјална политика со кој оваа локална власт ќе добие грант од 48 милиони денари за изградба на нова детска градинка во непосредна близина на училиштето „Климент Охридски“ во Битола. Договорот денес го потпишаа градоначалничката Наташа Петровска и министерската за труд и социјална политика Јагода Шахпаска

„Оваа локална самоуправа и оваа централна власт имаат сериозен пристап во делот на капиталните инсветциии, точно во овие области кои се исклучително важни за граѓаните. Знаеме дека долго време Битола се бореше со листтите на чекање во градинките. Денес е потпишан договор со Министерството за труд и социјална политика, со средства обезбедени до Светска банка , со кои започнуваме со изградба на нова детска градинка со капацитет од 150 дечиња“, рече Петровска.

Општина Битола веќе го склучи договорот и за изградба на другата градинка во делот на касарната со капацитет од 250 дечиња. Воедно, се подготвува и проектната документација за адаптација на поранешниот Дом за доенчиња во градинка.

„Онаа насока што ја започнавме со зголемен капацитет од 120 деца во постоечките објекти, е нешто ко што се движиме и во иднина“, додаде Петровска.

Министерката Шахпаска рече дека со овие чекори го исполнуваат ветувањето дадено од оваа Влада до крајот на мандатот да згрижат во градинки 60 проценти од децата на предшколска возраст.

„Како Министерство, но и како Валда продолжуваме со политиките за отворање на нови места за децата од предучилишно образование. Продолжуваме да отвораме и да градиме нови градинки и да ги прошируваме постоечките. Досега од 29 август од доаѓањето на власт на оваа гарнитура на Влада отворени се шест детски градинки со капацитет од 416 места, завршени се уште четири градинки кои ќе бидат путени во прават половина на јануари со дополнителни 200 места. Но, веќе следната година продолжува изградбата на 15 детски градинки кои ќе имаат опфатат од 1900 деца“, рече министерката.

-Тоа нзачи дека сериозно се движиме кон она што претставуваше наше изборно ветување пред граѓаните на последните парламентрани избори до крајот на мандатот да отвориме дополнителни 7500 места за сместување на децата од предучилишна влзраст. Со тоа ќе овозможиме 60 проценти од децата од предучилишна возраст да бидат сместени во предучилишни установи. Тоа е чекор кон она што претстсавува европски просек, а во Европа скоро 90 проценти од децата посетуваат предучилишни устаниви-, рече Шахпаска. .

Во изложебниот салон во Завод и музеј Битола денес беше промовиран и реаприраниот паркет од Офицерскиот дом. Паркетот светна како да е нов. Поставен е во изложбениот салон каде е поместена изложбата  со резбани таваници. Половниот паркет беше изработен во техника на интарзија. Во Офицерскиот дом сега е поставен нов паркет со автентичен изглед како претходниот, а половниот го репарира Заводот и го искористи за уредување на уште еден свој изложбен салон. .

Ж.ЗДРАВКОВСКА

Tриесетина конзервирани фрагменти од резбани таваници од градски битолски куќи се изложени во битолскиот Завод и Музеј. Авторката на изложбата етнологот Мери Стојанова, која е и директор на Завод и музеј, подготви и колор публикација на 42 станици за специфичностите на овие раритетни елементи кои се оригинален дел од битолската градска куќа.

„Голем дел од фрагментите беа премачкани, оштетени, со отпаднати делови, на некои недостигаа комплетни елементи, ги конзевриравме. Кога го правев истражувањето пред две години, а и сега кога го подготвував текстот за каталогот не успеав да најдам ни една битолска куќа во која се уште се зачувани резбарените таваници. Не велам дека нема, но и покрај сите мои обиди и контакти со битолчани не успев да најдам дека некаде уште постојат. Инаку бројот и големината на застапеностана ваквиот вид таваници бил многу поголем во минатото“, рече Стојанова.

Деловите од резбани таваници кои се изложени датираат од крај на 19 и почеток на 20 век, период кога вакви впечатливи елементи од ентериерно уредување се среќавале во традиционалната градска куќа во поширокиот балкански ареал. Само се разликувале во колорит, формите, начин на изработка...

„Ова се само фрагменти, за жал немаме целосна резбана таваница, сите овие се само елементи. Тие се дел од големата европска традиџија, во овие резбани елементи има повеќе влијанија, па и европско. Најчесто се користени вегетабилни орнаменти, кругот како една цикличност на живеењето. Карактеристични се и боите, резбани се чисто од дрво, обоени во жолта, залена боја“, вели етнологот Наде Геневска Брачиќ.

Во Битолско ги изработувале дрворезбрите кои доаѓале од Галичник, па уникатноста на резбите не изненадува, имајќи ги во предвид врвниите дострели на реканско-дебарската градителска и уметничка школа. Тие иако најчесто изработувале иконостаси и сличен мобилијар во профаните објекти во градот, во многу случаи изработувале и таваници и друг инвентар за битолските домови. Покрај нив, во Битола работеле и мајстори школувани во познатата Занаетчиска школа во Охрид во која се негувала и пренесувала традицијата на дебаракста копаничарска школа.