Полека, но сигурно се враќа животот на Широк Сокак. Амбиенталната битолска улица, која за време на карантинот во вечерните часови беше празна, вчера и денес се наполни со шетачи. Шетаат и старо и младо и уживаат во пролетната вечер. До 22 часот работат и кафулињата, па некои се попосетени, а некаде масите се уште празни.

По два и пол месеца, битолските кафулиња денес ги отворија вратите за гости. Тие во најголем дел ги почитуваа протоколите што ги усвои  Владата за работа на кафетериите со преземање на мерки за заштита од КОВИД -19. Денес работеа само отворените делови од кафулињата со наместени маси на оддалеченост од метар и половина до два метра, а на секоја маса имаше средства за дезинфекција. 

Битолчани, познати како љубители на кафето, а на кои им недостигаше и навиката да излезат низ лоаклните на Широк Сокак, денес ги наполнаа некои од кафулињата. Некаде точно се почитуваше мерката да седат по двајца на маса, а некаде седеа по неколку пријатели. Дел од кафулињата имаа поставено и редари кои не дозволуваа да се создава метеж и внимаваа правилно да се спроведуваат протоколите. 

ЈП  „Комуналец“ догодина на битолчани ќе им подарува цветни садници. Од јавното претпријатие се надеваат дека на ваков начин ќе спречат несовесни граѓани да ги крадат цвеќињата со што ги нагрдуваат цветните аранжмани и жардиниерите низ градот.

-Веќе инфомиарвме дека има  несовесни граѓани кои ги крадат овие сдници што ние ги поставуваме и тоа не е мал број. Ако минатата недела реков дека се 700, сега можам да кажам дека се украдени околу 900. Имаме намера веќе од наредната година да го зголемиме производството на ваков расад и да им подаруваме на граѓаните во одредена количина, на оние кои се љубители на цвеќето. Досега низ градот имаме посадено околу 20 лјади цветни садници, од јули продолжуваме со нова бројка, што значи дека Битола ќе има околу 10 месеци цветен расад низ градот, вели Панде Богоевски, директор на ЈП Комуналец-Битола

Исто така, тој посочи дека голем број битолчани побарале од овие цветни садници „“Комуналец да насади пред нивните згради, паркичиња, урбани заедници  и на други локации низ градот

-Деновие имаме наплив од барања од граѓанте вакви цветни садници да поставиме и пред нивните згради. Но морам да им напоменам дека цветниот расад го поставуваме каде имаме систем за наводнување какпка по капка за да може успешно да се спроведува овој проект, рече Богоевски

Уличните кучиња во Битола ги заловува Шинтерската служба при ЈП „Комуналец“, а потоа се носат во стационар, па на ветеринарен лекар, на крај со маркица на уво се пуштаат назад, рече директорот на ЈП „Комуналец“ Панде Богоевски запрашан како постапуваат со бездомните кучиња.

„Се она што е во законските обрски на Комуналец. Имаме Шинтерска служба која ги заловува кучињата и по барање на граѓани и самостојно на локации кои вработените ги процениле. Потоа ги сместуваат во нашиот стационар кој се наоѓа во близина на зоолошката градина и Буковските гробишта. Од таму имаме обврска да ги носиме кај ветеринар кој соодветно постапува со нив и му става маркица. Потоа, кучето го враќаме на местото каде што сме го заловиле. Затоа граѓаните често пати гледаат кучиња по улици, но гледаат и дека имаа маркици што значи постапуваме по нашите законски надлежности“, рече Богоевски.

Тој додаде дека сакаат да излезеат во пресрет и на оние кои се љубители и оние кои се жалат на кучињата, но има несовесни граѓани кои ги кршат катанците и ги ослободуваат кучињата од стационарот. За тоа ја информирале и полицијата.