По повод 60 годишниот јубилеј, детската градинка „Естреја Овадија Мара“, и денеска сподели видео со кое ги претстави вложувањата  и новините во работењето  на оваа установа. 

Поради вонредната состојба, ЈОУДГ „Естреја Овадија Мара“  шест деценискиот јубилеј ќе го одбележи со онлајн активности, иако уште пред коронакризата започнаа подотовките за свечено прославување на роденденот со многу настани, свечена академија и други случувања. 

Сепак прилагодувајќи се на новонастанатата ситуација, детската градинка подготви повеќе видео презентации, а денешаната носи наслов во нов стих 

Секоја промена нова - добра иднина кова,
на децата наши сите - среќно да им минат дните.

Имењаците од Горната гимназија, Давор Стефановски и Давор Георгиевски, ја воодушевија битолската јавност со емотивната изведба на хитот од рок бендот ,,Whitesnake" насловен како ,,Ain't no love in the heart of the city" (,,Нема љубов во срцето на градот") по повод патрониот празник на училиштето. 

Во онлајн изведбата Давор Стефановски е вокален изведувач, а Давор Георгиевски свири на гитара. Двајцата талентирани гимназијалци досега настапувале скоро во сите приредби и настани на Гимназијата ,Јосип Броз- Тито" во Битола, откако се во школските клупи во ова училиште. Инаку, двајцата се од математички клас, трета година, но вљубеници во рок музиката. 

На прва борбена линија медицинскиот тим од Одделението за ургентна медицина во Клиничката болница во Битолa, за што потврдува фотографијата што ја објавија на ФБ. 

Беше вистинско доживување да се учествува во носењето на штафетата за 25 Мај-Денот на младоста, се присетуваат битолчани. Некои ја носеа само стотина до двесте метри, но споменот им острана врежан засекогаш. Не се знае колку точно, но голем е бројот на битолчани кои ја имале привилегијата во тоа време да бидат дел од поворката на штафетата на младоста во градот и околните села. Една од нив е и битолчанката Гордана Атанасовска која пред четириесетина гоидини беше меѓу младинците кои ја носеа штафетата.

Со низа активности кои  го означуваат развојот  на ЈОУДГ „Естреја Овадија Мара“ од отворањето на првата градинка до денес, оваа установа  ќе го одбележи 60 годишниот јубилеј од своето постоење. Активностите се прилагодени на вонредната состојба, односно ќе бидат електронски, па од денес до следната сабота ќе бидат споделувани на официјалната фејсбук-страница на градинката. Токму овде,  денеска е објавено и видео обраќањето на диркеторката Лидија Тфирст Митревска, кое има наслов во стих „Од секоја слика-некој спомен блика. За сè што правиме-со јубилеј славиме“.