Тешка сообраќајна несреќа во која загина едно лице, а друго е тешко повредено, се случи попладнево на магистралниот пат А3, делницата од Битола до Прилеп кај раскрсницата за Тополчани.

Реализацијата на проектот за комплетна реконструкција на санитарните јазли и реновирање на тоалетите во ОУ „Елпида Караманди“, се одвива согласно предвидената динамика, соопштија од Општиа Битола.

Градоначалничката на Општина Битола, м-р Наташа Петровска, денес изврши увид на реконструктивните зафати на тоалетите во училиштето, каде покрај санацијата на шесте вертикални санитарни чворови, дополнително се врши и санација на вертикалата на канализационата мрежа која ги поврзува сите нив. Исто така, ќе се изврши замена и на старите и нефункционални приклучоци. Со овие градежни зафати, се решава еден од најгорливите проблеми на училиштето и значително се подобруваат хигиенските услови во оваа образовна институција.

Вредноста на овој проект изнесува околу 2 милиони денари и истиот е дел од од проектот „Соодветни хигиенски услови за здрави генерации“, во чии рамки, Општина Битола во изминатиот период санираше голем дел од тоалетите и санитарните чворови не само во училиштата, туку и во објектите под надлежност на локалната самоуправа.

Од ЈП „Водовод'' соопштија дека заради изведување на градежни работи, промена на секундарна и терцијална водоводна мрежа, ќе има прекин во нормалното водоснабдување на улицата „Македонска Фаланга“ на потегот од улиците „Раде Илиев“и „Широк Сокак“ на ден 21.07. 2020 година од 14 часот до 18 часот.

На 19.07.2020 во 23.40 часот во СВР Битола, В.М.(24) и Е.Ј.(31) од Битола  пријавиле дека околу 20.40 часот во домот на ул.„Даме Груев“ во Битола, таткото на В.М. им се заканувал со нож. Се преземаат мерки за расчистување на настанот, информираат од СВР Битола.

НА ДЕНЕШЕН ДЕН, 20 ЈУЛИ 1997, во Скопје почина Лилјана Ахилова ЧАЛОВСКА, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија, новинар, политичар, општественик и поетеса.