Сообраќајните патокази поставени на излезите од Битола кои насочуваат кон грчка граница и главниот град на соседна Грција, Атина се исчкртани со спреј. Ваква е состојбата на патоказите  на влезот на Битола од страната на Охрид како и на излезот на градот на патниот правец кој води кон македонско грчката граница и граничниот премин Меџитлија. Состојбата е ваква подолго време, а надлежните се уште не се сетиле да ги избришат или сменат исчкртаните патокази. Возачи коментираат дека ако во ваква состојба македонските возачи ги затекнат потоказите во Грција , тоа ќе биде главна вест во нашите медиуми. 

Во време на предизборна трка, пропагандните механизми се вклучија, со цел да ја манипулираат јавноста. Шпекулација е пренесената изјава на двајцата пратеници од опозицијата.

Државна видеолотарија е трговско друштво со ограничена одговорност, во која државата е застапена со 51% преку Државна Лотарија, а 49% е приватен странски капитал. Компанијата е основана во јули 2014. Ние не сме буџетски корисник. Напротив, ние придонесуваме за раст на приходите на државниот буџет. Во 2019 по основ на данок на добивка, данок на личен доход, посебна давачка од игри на среќа, ДДВ и дивиденда, Државниот буџет од Државна видеолотарија се дополнил со 750.966.809,00 денари.

Како општествено одговорно компанија настојуваме да бидеме одговорни кон ранливите категории во нашето општество, но и да придонесеме за унапредување на спортот, образованието и културата. Државна видеолотарија е единствена компанија која развива и применува програма за одговорно играње во земјава.

Врз основа на постигнатите резултати од 2018 година, друштвото Државна видеолотарија, е регистрирана како 23 најуспешна компанија во земјава, која успешно се бори на пазарот на игри на среќа со приватниот сектор. Со цел да можеме да го обезбедиме нормалното работење на нашата компанија, сите набавки, ги реализираме согласно регулативата за јавни набавки.

Набавката која стана дел од пропагандниот наратив на опозицијата пред избори е манипулација. Државна видеолотарија не троши државни пари, ние не сме буџетска институција.

Јавната набавка е согласно планот за јавни набавки од јануари 2019. Набавката е рамковна за период од 2 години (сукцесивна согласно потребите на друштвото). Целата процедура за набавка е транспарентна и согласно законот. Тендерот првично беше објавен на 14 октомври 2019, но не се јави ниту еден заинтересиран, поради што целата постапка се повтори. Бирото за јавни набавки изврши управна контрола на постапката која резултираше без суштински забелешки на постапката.

Постапката беше повторена на 04.12.2019, а во текот на оваа постапка повторно беше извршена управна контрола на бирото за јавни набавки, од која и во овој случај немаше забелешки. На ова постапка, пристигна само една понуда која ги задоволуваше бараните критериуми, по што е потпишана рамковната спогодба за реализација на јавната набавка.

Потенцираме дека спогодбата се однесува на временскиот период од две години, во кој сукцесивно ќе вршиме набавка согласно потреби на работењето на компанијата. Ова значи дека нема веднаш да бидат набавени 1500 апарати, туку ќе се набавуваат апарати согласно потребите на друштвото за нормално функционирање на истото.

Со почит,

Државна видеолотарија на РМ.

Иње или смрзната магла утрово беше нафатена на растенијата во Битола. Тоа се смрзнати критали кои се нафаќаат на растенија и прдмети во текот на зимата кога температурата на воздухот е ниска, а нема снежна покривка. Во вакви услови водената пареа се згуснува, мрзни и се претвора во смрзнати иглички. Ињето ги побелува растенијата, а како појава слична е на мразот и сланата.

Битола веќе пет дена е под густа магла, а температурата не се искачи над нулата. Дури и временската прогноза за Битола што покажува дека е сончево и топло до седум степени Целзиусови, би важела во услови да нема магла. Под густа маглена капа како оваа над Битола, температурата останува ниска, денес до два степена под нулата. 

Ж.З. 

Организација на жена од Битола ја испочитува традицијата и заврти мазник со паре. Да го најде парето среќа имаше претседателката Светлана Петковска. Досега не испуштила ни една Василица да врти мазник со членките од Организацијата, но среќата да ѝ падне парето и се насмевна дури по 30 години. Петковска смета дека годинава ќе биде наклонета кон женскиот активизам и борбата за поголеми женски права. 

Огромен пад на посетители во двата професионални театари во Битола бележи Државниот завод за статистика во податоците објавени за сезоната септември 2018-јуни 2019 година, во однос на претходната 2017/2018 година. Намален е и бројот на одиграни претстави како на домшана сцена, така и на гостувањата надвор од Битола. Според ДЗС, ланската сезона двата професионални театри имале 9614 посетители, што е сериозен пад во однос на сезоната 2017/2018 година кога имало речиси 25 илјади посетители.

Неколку дена Битола е притисната од магла поради што и дневната температура останува околу нула степани. Покрај маглата има и значителна ниска облачност, а темературата во ноќните часови паѓа до минус пет степени. Својствено, во услови на магла и загадувањето на воздухот е зголемено, зашто маглената капа не дозволува проветрување. Според интернет страницата на Министерството за животна средина во Битола зголемени се концентрациите на ПМ10 и ПМ 2,5 честички.

Ж.З. 

Нашиот кандидант за Оскар, документарниот филм „Медена земја“ повторно се прикажува на раперторот на 3D Кино во Центарот за култура во Битола.

Предвидени се проекции
Сабота 18.01.2020. 22:00
Недела 19.01.2020. 22:00
Сабота 25.01.2020. 20:00
Недела 26.01.2020. 20:00