Готов е муралот што деновиве го наслика тимот на Hybrid Minds Crew на дел од фасадата на зградата кај Атпазар во Битола.

Овој дел од зградата  со години беше лоша слика, место обраснато со грмушки, расфрлано  ѓубре, а фасадата ја нагрдуваа  разни графити. 

Сега ѕидот е разубавен со лик на жена со цвеќе во косата и птица над главата, а муралот со површина од 130 метри квадратни,е посветен на убавите жени по кои е позната Битола.

Проектот е дел од годинешното издание на "Битфест".

Претходно на овде беше поставена урбана опрема, клупи, корпи за отпадоци, велоп паркинг и др, со што местото доби комплетно нов лик

 Покрај муралот кај Атпазар, тимот на  Hybrid Minds Crew, лани го нацрта муралот на зградата кај Шехерзада како и 3Д пешачкиот премин кај Горната гимназија

На денешен ден 28 јули во 1943 година, во Битола е убиен Стево ХРИСТОВСКИ–Патако, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија.

Роден бил во Битола на 4 јануари 1921 г. Уште пред Втората светска војна стана член на КПЈ и се истакна со својата активност во редовите на прогресивното македонско националноослободително и комунистичко движење во Битола. Извесно време бил секретар на Месниот комитет на југословенската младинска комунистичка организација СКОЈ. Особено успешен бил во организирањето на младината, која учела во Битолската гимназија.

Во септември 1942 г. станал член на Месниот комитет на КПЈ за Битола и во него не само што бил одговорен за младината и СКОЈ, туку го организирал функционирањето на партиската техника. Истовремено бил член и на Окружниот комитет на КПЈ за Битола, а учествувал во редактирањето и диструбуцијата на битолскиот илегален партиски весник. Бугарската окупаторска фашистичка полиција кон крајот на 1942 г. го уапсила и откако не успеала да изнуди никакво признание со жестоките физички тортури во битолскиот истражен затвор, го интернирала во Кавала, во Егејскиот дел на Македонија.

Во 1943 г., бугарската полиција го вратила назад во Битола, но тој на битолската железничка станица успеал да побегне и да продолжи илегално да живее и дејствува. Бил откриен и обиколен од бугарската полиција. Бестрашно влегол во вооружено спротиставување, но откако увидел дека борбата против далеку побројниот непријател е осудена на неуспех, со последнот куршум се самоубил и не дозволил да биде жив заробен.

Подготвил: д-р Александар Литовски, историчар

„За Црнобуки ни велеа што ќе правите таму, никој не знае тоа место на мапата каде е“, вели фудбалскиот ветеран од ФК „Партизан“ Горан Кадениќ. Тој го предводи тимот на „Партизан“ составен од ветерани, поранешни фудбалски ѕвезди кои денес играат ревијален натпревар со тимот ветерани од ФК „Црнобуки“.

„Прифативме да дојдеме зашто во Црнобуки има едно јадро на тврдокорни навивачи на 'Партизан' кои ги следат нашите натпревари на стадион во Белград, а во срцата ја носат црно-белата боја. Во ова време нема поубава работа освен онаа кога луѓето се сретнуваат за спорт. На третото полувреме се утврдува кој победи, оној резултат на зелената трева е малку повеќе ирелевантен, важно е дружењето пред тоа и потоа“, рече Кадениќ.

Натпреварот се одигрува како едногодишен помен од смртта на еден од големите навивачи на „Партизан“ од битолско, сега покојниот Трајан Кочишки –Куља од Црнобуки. Тој бил дел од тимот кој го изработил најдолгото навивачко знаме во Битола, а воедно и едно од најголемите поставено на стадионот на ЈНА. Средбата ја иницираше неговиот син Тодорче Кочишки, претседател на ФК „Црнобуки“ ЗЛ.

„Татко ми беше голем вљубеник во фудбалот. За жал, не доживеа да го види најголемиот успех на ФК Црнобуки кога успеа да се пласира во третата лига југо-запад. Почина, но од мали нозе мене и брат ми не научи да го сакаме фудбалот. Овој денешен настан е големо случување за спортот не само во Битола, туку и во целата држава“, рече Тодорче Кочишки.

Меѓу некогашните големи ѕвезди од „Партизан“ допатува и фудбалерот Небојша Вучичевиќ, кого го нарекуваат волшебник на топката и досега за овој тим одиграл 341 интернационален натпревар.

Ветраните од ФК „Партизан“ доделија плаќети на битолската градоначалничка Наташа Петровска и заменик министерот за локална самоуправа Дејан за помошта што ја дадоа за да се одржи натпреварот.

„За да го имаме овој настан денес во изминатиот месец општината се вложи со сите јавни претпријатија со многу стопански и приватни субјекти во градот целокупно да се среди инфраструктурата за да имаме услови за еден ваков настан кој значи промоција и на спортот“, рече Петровска.

Присутен е и Дарко Каевски, директор на Агенцијата за млади и спорт кој рече дека ќе преземат мерки уште повеќе да се подобрат условите во Црнобуки за да можат таму да се одигруваат и други значајни фудбалски натпревари.

Ветераните од „Партизан“ рекоа дека како што денес локалните портали пренесуваат дека Црнобуки го донесе „Партизан“ дома, така во иднина ќе пишуваат дека ФК „Црнобуки“ е поканет да гостува на стадионот во Белград каде играле светски познати фудбалери.

Натпреварот во Црнобуки заврши 7 спрема 4 за ФК „Партизан“.   

„Моето и влијанието на градоначалничката ќе го искористиме во следниот период да се лоцираат повеќе средства кои ќе се инвестираат во Општина Битола и мислам дека доаѓаат добри моменти за граѓаните на Битола. Периодот кој следи интензивно ќе разговараме кои проекти можеме да ги понудиме. Дел од буџетот за оваа година е затворен, се надевам дека со ребалансот ќе одделиме некои средства. Понатаму, сите проекти кои се подготвени ќе ги пријавиме на конкурсите за прекугранична соработка зашто до крајот на годината ќе има таков повик за соработка со Грција, а и преку средства од буџетот за регионален развој на Министерството ќе алоцираме средства наредната година, “, рече министерот за локална самоуправа Горан Милевски запрашан што може од таа позиција да направи за родниот град.

Несекојдневна изложба на абориџинската култура од Австралија поставена е во Фоајето на Центарот за култура во склоп на „Илинденски денови“. Абориџините се народ кои ги населувале пустинските предели во западна Австралија илјадници години , биле ловци и сточари, а познати се и по тоа што како средство за лов го користеле бумерангот. Преку изложбата е прикажан животот на еден од најстарите народи во светот и нивната култура, конфликтот со модерниот свет и преживувањето.