Судската, извршната и законоданвата власт треба да се корегираат во своето однесување, да не носат закони на брзина, кои по кратко време треба да се менуваат, амандманската расправа станува многу покомплицирана, обезбедување на мнозинство итн, сето зборува за еден проблем во Македонија, кој и понатаму ќе биде оценуван од страна на Европската комисија со негативни поени, рече Маргарита Цаца Николовска, поранешен судија во Судот за човекови права во Стразбур при денешната обука на студентите од Прваниот факултет во Битола.

Таа порача дека законите треба да бидат јасни, конкретни, ефективни базирани врз националната и меѓународната легислатива. За земјава, рече, дека по број на жители е меѓу државите кои имаат голем број предмети пред Европскиот суд за човекови права. Има премети од секој вид повреди, за слобода на изразување, вероиповед, проблематични притвори, торутура...Има многу кои се отфрлени, но проблемот е во тоа што се повторуваат повреди за кои веќе Европскиот суд утврдил дека постојат .

„Проблемот е во тоа што оние предмети кои се прифатени каде што е утврдена повреда на одредени човекови права не е мала. Тоа се премети кои во најголем дел се однесуваат на процедурални проблеми, што од една страна покажува дека нешто фали во системот каде што се обезбедува заштита на човековите права, дека правата предвидени во законите и во уставот не се доволни, туку треба ефективно тие права да се остравуваат и да се заштитуваат“, рече Николовска.

Обуката за човекови права е наменета за студентите од Прваниот факултет во Битола во рамки на проект поддржан од Франкофонската универизтетска агенција. Студентите од овој факултет минатиот месец постигнаа видни успеси на натпревар во Вршац каде се симулираа процеси пред Судот за човекови права. Го освоија четвртото место, но ја добија и наградата за најдобар писмен поднесок на апликантот.

„Битолскиот универзитет веќе е две години член на Универзитетската франкофонска асоцијација која за Централна и Источна Европа има седиште во Букурешт. Учествуваме во многу активности. И во текот на другите денови ќе следат и други експерти во овој домен. Завршуваме со предвањето на Себастијан Ботхо Бонатер бивш аташе за соработка во Француската амбасада, а во моментов е експерт за се што значи европски прашата и интегрирање при премиерот на Албанија“, рече Калиопа Стилиновиќ Кривашија, француски конзул во Битола.

Студентите имаа и 30 подготвителни часа за изучување на францускиот јазик.

„Ова е посолен пробив кон меѓународните води, студените се изложени на обуки кои во стандардниот курикулум ги нема, а се многу апликативни“, рече ректорот на Униваерзитетот Сашо Корувновски.

Ж.З.

Со оглед на бројот на пратеници што ЛДП го има во македонскиот Парламент, ние можеме само да иницираме постапки за промени на изборниот модел, изјави денеска во Битола претседателот на ЛДП и министер за локална самоуправа, Горан Милевски. Тој  посочи дека во партијата  анализираат за промени и во начинот на учество во процесот на гласање и гласање на македонските иселеници во дијаспората.

Здружението на пенизонери од Битола, на сите пензионери и граѓани на Битола им го честита 4 Ноември-Денот на ослободувањето на градот

Отворен е Центар за дојка во Клиничката болница во Битола каде денес во употреба беше пуштен најсовремен мамограф за скининг на карцином на дојка. Во Центарот може да се направи и магнетна резонанса и ехо дијагхностика кај пацинетите на само од Битола, туку од Југозападниот регион, со што тие добиваат прецизна дијагностика.

Во Градскиот парк, во организација на велосипедскиот клуб „15 ти Мај“ викендов  се одржа традиционалната велосипедска трка. Натпреварувањето беше во неколку категории, а најбрзите беа наградени. Медалите и плакетите на учесниците во трката им ги врачи заменик градоначалничката на Битола, Емилија Костурски.

 А.Б

Викенд програмата по повод 4 Ноември заврши со градското кугларско првенство, во организација на Кугларскиот клуб „Пелистер 1982“, на кое присуствуваше и градоначалничката Петровска и вети дека Битола наскоро ќе има многу подобрени услови за развој на овој спорт. 

А.Б

Сојузот на спортови од Битола и годинава на Денот на ослободувањето на градот беше организатор на традиционалната ноќна атлетска трка, на која учество зедоа околу 1000 натпреварувачи. На најбрзите им беа доделени медали и плакети, а дел од нив ги додели и градоначалничката на Општина Битола, Наташа Петровска.

„Ме радува тоа што сум присутна на оваа најстара спортска манифестација, која веќе 60 години се одржува во Битола. Спортскиот дух мора да се јакне, а особено е важно што на оваа трка учествуваат ученици, средношколци, студенти и рекреативци од сите возрасти“, рече Петровска.

Ново излеаната биста на борецот од НОБ Јонче Мурџевски е поставена на постаментот во Градскиот парк во Битола и тоа во очи на прославата на 4 Ноември -Денот на ослободувањето на Битола. За поставување на новата биста се ангажираа  АМД "Ѓорѓи Наумов"-Битола  во соработка со Сојузот на борци од Битола. Спомен бистата на борецот Јонче Мурџевски е сместена во Градскиот парк, спроти Спортската сала.

А.Б