Младиот битолски адвокат Горан Дамевски, планинар и еден од најголемите ентузијасти за обнова на планинарскиот дом „Копанки“, е годинешниот среќник кој го најде парето во мазникот што го вртеа членовите од Планинарско-спортскиот клуб „Пелистер“ од Битола. Околу педесетина планинари денес во помошните простории на Копанки вртеа сукан мазник со паричка за среќа во пресрет на православниот празник Василица. Ова е традиција која битолските планинари ја практикуваат околу 80 години, мазникот со паре наместо по градските кафеани да го свртат на планина.

Советничката група на СДСМ како врв лицемерие го оценува барањето на ВМРО-ДПМНЕ за вонредна седница на Советот на Општина Битола, затоа што велат, во нидна прилика тоа не го побарале за време на владеењето на оваа партија во изминатите години. 

Група битолски планинари ветерани, некои во деветтата деценија од животот, пеш се качуваа до Копанки зашто не работеше жичницата, а горе свртија мазник со паричка на 1.500 метри надморска височина.

Водоснабдувањето во Битола и околните населби се нормализира , потврдуваа од ЈКП „Водобод“-Битола. 
Четирите големи дефекти на цевки со поширок профил се отсранети до раните утрински часови од екипите на „Водовод“ кои со најтешок проблем се соочија при отстранување на дефектот кај населбата Кланица што траеше до пет часот изутрината.

Екипите на ЈКП "Водовод" интензивно работат на санирање на настанатите дефекти на водоводната мрежа, јавија од претпријатието на својот фејсбук профил. Тие објавија и снимен материјал од санацијата на дефектот кај населбата Каланица во близина на Железното мовче каде се гледа дека се работи за сериозна интервенција. На снимката може да се види дека се интервенира со багери, ископан е асфалтот за да се стигне до испуканите цевки, а насобраната вода се исфрла во реката Драгор.

Вечрава се јавија четири поголеми дефекти на водоводната мрежа во Битола. Дефектите се во делот под населбата Кланица, кај Железниот мост на Булеварот „Први Мај“, на „Партизанска“ кај поранешната касарна, Буковски Ливади и Долно Оризари. 

Советничката група на ВМРО-ДПМНЕ и коалиционите партнери поднесоа иницијатива за свикување на вонредна седница на Советот на Општина Битола  за утре со почеток во 9 часот.

„Со следниот дневен ред: барање до Владата на РМ да прогласи вонредна состојба на територијата на општина Битола. Итни мерки за справување со временските неприлики на територијата на Општина Битола, и тоа барање за активирање на Дирекцијата за заштита и спасување  за справување со временските неприлики, со активирање на дополнителна механизација, барање за вклучување на волонтерската служба на Црвен крст со цел обезбедување на потребните намирници и лекови на граѓаните од отсечените делови од градот“, рече советничката Елена Трајчевска од ВМРО-ДПМНЕ.  

На седницата бараат донесување одлука за координирана акција на сите јавни претпријатија, сообраќајната инспекција и СВР Битола во целосно чистење на паркинзите, коловозите, пешачките патеки и обезбедување пристап до сите институции.

 Како причини за оправданоста за ваквата вонредна седница ги наведуваат експремно ниските температури, големите врнежи снег, зголемениот број повреди, а како што изјави Трајчевска, деновиве снежното невреме ја однесе и правата жртва во сообраќајна несреќа во Битолско.     

Од снегот исчистени се сите главни патишта, 70 проценти од споредните улици, приодите до сите градски населби, пазарите, дел од тротоарите, патеките низ парковите, приодите до институциите, соопштија директорите на јавните претпријатија од Битола кои со здружени сили учествуваат во расчистувањето на градот од снежните врнежи.

На полноќ од  снег се чистеа паркингот на плоштадот Гоце Делчев и главната битолска улица Широк Сокак. По повеќето критики од страна на битолчани дека местата за зонско паркирање не се исчистени, вечерва околу полноќ, во периодот кога немаше возила, багер го чистеше паркингот пред Центарот за култура.