Во зимски услови,лизгавите тротоари и коловозни ленти се најчестите фактори кои влијаат на безбедноста на пешаците ,па во овој период од годината ,има чести случаи на повредени лица -пешаци и лица учесници во сообраќајни незгоди, велат од СВР, па ги почитуваат следните совети :

-РОДИТЕЛИТЕ И УЧЕНИЦИТЕ НА ПОЧЕТОКОТ НА ВТОРОТО ПОЛУГОДИЕ ОД УЧЕБНАТА 2018/2019 ГОДИНА, ПОВЕЌЕ ДА ВНИМАВААТ И БЕЗБЕДНО ДА СЕ ДВИЖАТ ПО НАЈБЕЗБЕДНИОТ ПАТ ОД ДОМОТ ДО УЧИЛИШТАТА И НАЗАД ВО ОВИЕ ЗИМСКИ УСЛОВИ .

Грчките државјани, посебно оние од северот или Егејска Македонија, како локум го купуваат македонскиот грав, вели земјоделецот Фикри Ќулафи, еден од најголемите производители на грав во битолските села Велушина и Острец. Тој годишно продава околу 2000 килограми македонски грав за Грција. Тоа е над 30 проценти од количините грав што на годишно ниво заминуваат за Грција од пограничните села Велушина, Граешница, Острец и Кишава, а се проценуваат на шест тони. Со оглед на тоа дека овие села се оддалечени само на неколку километри од границата, грчките државјани гравот им го купуваат на земјоделците буквално од пред куќа.

 -Доаѓааат Грци од дома ми го креваат. Тие што купиле еднаш повторно се враќаат. Им давам по еден килограм за проба, а потоа секогаш се враќаат по повеќе. Го бендисуваат гравот. Едно семејство купува по 50, 60 килограми годишно. Повеќе од половина од производството заминува за Грција зашто ако не се соседите, слаба е потрошувачка во Битола- вели Ќулафи.

 Од другата страна на границата успева друга сорта на грав, двојно поголем од нашиот. Но, очигледно не повкусен, велат земјоделците зашто купувачите од Грција барааат килограм повеќе македонски грав. Домашните одгледувачи се соочуваат со дилема како може од грчката страна на границата да успеава сортата покрупен грав, а од македонска страна таа да не дава резултати. Така, Ќулафи зел сто килограми семе од крупниот грав, надевајќи се дека од него ќе извади два тона род, но ништо не никнало.

   Најстарото семе во Битолско

 -Семето што ние го користиме е старо неколку века, можеби и затоа гравот е толку вкусен. Од првиот род грав моите предци имале обичај да зачуваат неколку вреќи семе и пак да го засадат. Така можеби три века наназад. Го имаме сигурно најстарото семе во Битолско- вели Ќулафи.

  Но, тајната на квалитетениот грав не лежи само во семето, туку и во обработката на оваа земјоделска култура. Гравот се смета за еден од најмакотрпните за одгледување зашто расте меѓу пченка и е многу тежок за берба и чистење. За разлика од повеќето одгледувачи, кои за побрзо гравот да излезе мешунките ги газат со трактор, семејството Ќулафи, како пред еден век го чисти рачно. Домаќините на крај велат дека зачинот за квалитетениот род е всушност чистата вода со која изобилува овој планински крај и се користи за наводнување на нивите. Токму еколошкото производство го прави гравот еден од најбараните македонски производи во Грција.

Сообраќајната полиција во текот на вчершниот ден при извршени контроли на 247 возачи и возила  во Битола запрела возачи без возачка дозвола, нерегистрирани возила вклучени во сообраќај и ред други прекршоци.

  - При контролата, кај 1 возач откриено е присуство на алкохол и истиoт е  исклучен од сообраќај. При контролата откриено е дека 4 возaчи управувале нерегистрирано возило  , а исто така 7 возачи  управувале возило без да поседуваат возачката дозвола ,а на двајца други возачи одземени им се возачките дозволи.

Два дена со ред висока загаденост на воздухот во Битола со ПМ 10 честички измериле мерните станици во центарот и периферијата на градот. Највисоки вредности биле регистрирани во текот на вчерашниот ден кога во централното градско подрачје загаденоста била повеќе од пет пати над дозволените среднодневни количини.

Од први февруари Клиничка болница од Битола ќе има посебен режим за влез во установата. 

1.Пациентите кој имаат потреба од амбулантски лекарски преглед задолжително прво ќе треба да се обратат на пунктот за информации пред влезот на Болницата од каде ќе бидат упатени до амбулантите.

2.Електричните врати ќе бидат отворени само од 15 до 17 часот за време на посета.

3.Секој кој има потреба од секојдневно посетување на тежок болен ќе влегува со издадена пропусница.

4.Се задолжуваат студентите од ВМШ исклучиво да го користат влезот кој е наменет за нив.

5.Сите вработени ќе влегуваат со посебно издадена пропусница. Сето ова се спроведува за подобар ред и работа во болницата затоа ги молиме сите посетители за разбирање, соопштуваат од Клиничката болница од Битола.

Од Нова година до денес во Битола се регистрирани 11 случаи на заболени од грип, додека минатата година во истиот период имало 16 заболени . Според информациите од Центарот за јавно здравје во Битола заболените се на возраст од 15 до 64 години.

Директорката на Центарот за јавно здравје  примариус доктор Елизабета Крстева за апла.мк вели дека годинава има пет случаи помалку на заболени од грип од лани, додека пак во соседните општини Могила, Новаци, Ресен и Демир Хисар нема ниту еден регистриран заболен од грип.

-Се очекува со стартот на второто полугодие од учебната година и бројот на заболени од грип да се зголеми, такашто на крајот на јануари и почетокот на февруари да го достигне врвот, како што вообичаено се случувало и во  минатите години, вели примариус д-р Крстева.

Утринските температури во целата држава се под нулата. Најстудено беше во Битола каде во седум часот се измерени -18 степени. Веќе две недели  Битола  е со екстремно ниски температури  кои се движат од минус 21 до минус 16 степени.

Утринава е значително облачно и студено, а на планините е потопло. Во Полог има појава на магла. За денеска, Управата за хидрометеоролошки работи најавува претежно облачно време со магла по котлините. Во југозападните делови ќе има слаб локален дожд, а во Пелагонија ќе има услови за замрзнат дожд. Ќе дува слаб јужен ветер. Максималната температура ќе се движи во интервал од -2 до 10 степени.

Во Скопје ќе биде претежно облачно со слаб јужен ветер и температура до три степени.
Утре ќе биде променливо облачно со повеќе сончеви периоди, а во следните денови ќе преовладува облачно време со слаби локални врнежи од дожд, а на планините врнежите ќе бидат од снег. По одделни котлини ќе има појава на магла.

Според развојниот буџет на Општина Битола, објавен на општинската интернет страница,  годинава се планира реконструкција на улицата „Илинденска“ во Битола. Во 2019 од буџетот за оваа намена се предвидени 18 милиони денари, а за 2020 година над 9,5 милиони денари..

Денеска во Битола беше промовирана пробациската канцеларија што предвидува новиот Закон за пробација. Станува збор за алтернативни мерки, односно ресоцијализација на затворениците преку општокорисна рабта, условен отпуст со надзор и куќен затвор со електронска алка за следење на осудените лица.