Димитар Ефтимов ЛИАКУ

На 20 јануари во 1921 година во Скопје е роден Димитар Ефтимов ЛИАКУ, припадник на македонското националноослободително и комунистичко движење во Вардарскиот дел на Македонија и учесник во Антифашистичката војна 1941-1944 г., лекар-хирург.

Студирал медицина во Софија, а бил партизански лекар во 15. Македонски корпус на Сремскиот фронт.

Медицински факултет завршил во 1949 г. во Белград. Хирургија специјализирал (со прекини) во Скопје и ја завршил во 1954 г.

Во 1952 г. бил испратен како специјализант на работа во Битола, каде што останал до пензионирањето во јануари 1987 г. Бил началник на Хируршкото одделение, примариус и виш здравствен советник во Битола.

Добитник е на повеќе награди и признинанија на СРМ и СФРЈ и носител е на "Повелбата д-р Трифун Пановски" - највисоко признание на Македонското лекарско друштво.

Вангел ЧУКАЛЕВСКИ

на 20 јануари во 1910 г. во Битола е роден Вангел ЧУКАЛЕВСКИ, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија, воен пилот.

Во предвоениот период бил пилот, со чин капетан во бившата Југословенска војска. Во време на бугарската окупација на Битола го помагал антиокупаторското движење, бил организатор и член на градскиот НОО, а во почетокот на 1944 г. се приклучил на партизанските единици.

Во 1944 г. станал член на КПМ и командант на Четвртата оперативна зона на НОВ и ПОМ. Бил командант на Првата македонска НОУБ од денот на нејзиното формирање 8 јуни 1944 г., па се до 25 септември 1944 г.

Унапреден во чин мајор на НОВ и ПОМ на 1 јули 1944 г. и станал прв помошник на началникот на Главниот штаб на НОВ и ПОМ од 25 септември 1944 г. Бил избран за делегат на Второто заседание на АВНОЈ и учесник на Првото заседание на АСНОМ. Бил одликуван од Врховниот штаб на НОВ и ПОЈ со Орден партизанска yвезда во октомври 1944 г. и на 1 декември 1944 г. бил унапреден во чин потполковник на Народноослободителната војска на Југославија (НОВЈ).

По целосното ослободување на земјата од фашистичките окупатори ги стекнал највисоките офицерски чинови на Југословенската народна армија (ЈНА) и во нејзини рамки вршел разни одговорни должности. Починал во Белград, Србија, на 8 јануари 1983 г.

Бено Исак РУСО

На 20 јануари во 1920 г., во Битола е роден Бено Исак РУСО, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија, генерал-мајор на ЈНА.

Завршил основно училиште, бил механичарски калфа. Служел воен рок во 1941 г. и бил заробен од германските сили и спроведен во логор. Избегал од логорот, се вратил во Македонија и се вклучил во НОАВМ. Во 1941 г. станал член на КПЈ, а во 1942 г. борец во ПО „Јане Сандански“ и во ПО „Даме Груев“.

Во 1943 г. бил во баталјонот „Мирче Ацев“. Бил политички комесар на чета, на баталјон, на бригада и на 41. дивизија. Како политком на 15. (македонски) корпус учествувал во борбите на Сремскиот фронт.

По војната завршил Виша политичка школа „Ѓуро Ѓаковиќ“ и Виша воена академија. Во 1960 г. бил унапреден во чин генерал-мајор.

Во пензија бил од 1970 г. Одликуван бил со: Партизанска споменица 1941, Орден југословенско знаме со лента, Орден заслуги за народ од прв ред и др.

Починал во Скопје на 18 јуни 2006 година.

                                                                                               подготвил: д-р Александар Литовски, историчар

На 8 годишна возраст Филип Чокузовски сокаше по светиот крст во битолското село Трн. Ни студот не го исплаши малиот Филип да учествува во обредот што се одржа во базенот во црквата Св. Никола во Трн. По крстот скокаа три момчиња, а среќа да го најди имаше Благојче Гулевски. Во Трн денес живеат помалку од стотина жители.

Од деветнаесетмината пријавени за фаќање на светиот крст во Општина Новаци оваа година најсреќен беше Ице Марковски од селото Новаци кој за прв пат го фати светиот крст .

Традиционално со фрлање на светиот крст во осветените води во сите православни храмови во општина Новаци се одбележа големиот христијански празник Богојавление-Водици .
Главната церемонија се одржа во црквата „Св. Атанасиј Велики“ во селото Новаци каде на светата богослужба присуствуваа голем број на верници.
Градоначалникот Љубе Кузманоски на  Марковски му додели парична награда .

Општината обезбеди парични награди и за сите  други верници кои го фатија светиот крст во сите четиринаесет населени места каде се негува традицијата на одбележување на Водици.
Градоначалникот Кузманоски уште присуствуваше на светиот чин на фрлање на крстот во с. Добромири и во с.Рибарци .

Градоначалникот Кузманоски на сите оние кои беа најсреќни и го фатија светиот крст им  посака здравје , среќа и бериќет.

Пратеникот од ВМРО-ДПМНЕ, Влатко Ѓорчев денешниот христијански празник Водици го прослави во Битола, присуствувајќи на традиционалното фрлање на светот крст во храмот „Свети Димитрија“.

„Денешниот празник Водици во Битола кажаува дека македонскиот народ е силно приврзан кон своите традициите, дека силно ги почитува и дека е поврзан за верата. Нека е за многу години, Бог се јави, нека донесе, мир,берикет и среќа до сите наши домови“, порача Ѓорчев.

Денешниот голем христијански празник Богојавление –Водици со себе ја носи симболиката на повторното раѓање, новите почетоци и ја испраќа пораката на заедништво, меѓусебно почитување и помагање, порача пратеникот и генерален секретар на СДСМ, Александар Кирацовски кој денес присуствуваше на богослужбата во црквата Свети Димитрија во својот роден град Битола и на традиционалното фралање на крстот.

И девојка денес скокаше по светиот крст во базенот кај црквата Свети Димитрија во Битола. Со години ова беше само машка традиција, а Ана покажа дека и девојките можат да учествуваат рамноправно во церемонијата. Таа беше единствената девојка меѓу триесетемина машки кои скокнаа во базенот..

Могилчанецот Стефан Сакурмовски го фати светиот крст што во водите на река Шемница го фрли отецот Славе Петровски по повод големиот христијански празник Водици.

„Ова за мене е голема радост, светиот крст значи здравје, љубов и голем бериќет“, рече Сакурмовски.

Тој по крстот скокаше заедно со дваесетина други мажи во реката која беше замрзната, па за да се направи обичајот, претходно го имаа искршено мразот во делот каде што се фрли крстот. 

„Традиционално тука крстот се фрла во водите на река Шемница без разлика колку и да е студено. Јас 24 години го фрлам крстот, отсекогаш во реката, не паметам да сум го фрлил во базен. Овој голем христијански празник им о честитам на сите верници и сакам да му посакам на среќникот кој го фати крстот здравје, среќа, бериќет. За многу години да е, нека ни е честита славата“, рече попот Славе Петровски.

На церемонијата присуствуваа над двесте могилчани и верници од други места, како и градоначалничката Јасмина Гулевска. Од Општината соопштија дека во 15 населени места каде што се фрлаше крстот на територијата на што ја зафајќа општина Могила, со одука на Совет и програмата за култура, за Водици доделкуваат ваучер со 5000 денари и по една икона за сите оние што ќе имаат среќа да го фатат крстот.

Могила празникот Водици го одбележа право со лицитација на икони во црквата „Св. Архангел Михаил“, каде поголема група верници имаа можност да лицитираат и купат икони. Потоа, верниците со литија и пеејќи стари водичарски песни се упатија кон реката Шемница каде се одржа традиционалното фрлање на светиот крст.

22 годишниотЈове Стојчевски од Битола успеа да го фати светиот крст што владиката Петар на големиот христијански празник Водици го фрли во базенот во храмот Св. Димитрија во Битола. Момчето по петти пат скокаше по крстот и годинава имаше среќа да го фати.

,,Пет пати сум скокал по крстот, годинава за првпат успеав да го фатам. Се надевам дека годината ќе ми биде мнигу среќна", рече Стојчевски. 

Уте сабота, 19 јануари, во Ски центарот „Нижеполе“ се организира денска журка со Ди Џеј Чико, па од таму ги повикуваат на заедничка дружба сите љубители на скијањето, како и други рекреативци.

Од Ски центарот информираат дека двата ски лифта се во функција, снег има во изобилство, ски патеките се во одлична состојба, а секој ден се поголем е бројот на посетители.

 Исто така, голем е интересот и за ноќното скијање, а на скијачите и рекреативците  на располагање им е и бачилото, каде имаат можност да се одморат со топол чај и кафе.

На 18 јануари 1914 година во село Канино, битолско, роден е  Никола ТОДОРОВСКИ-Коле Канински, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија.