Четири дена нема одговор од Министерството за образование на обвинувањата на директорот Димитар Пипилевски од ОУ „Крсте Мисирков“ од Бистрица дека ќе се реновираат само подрачните училишта на албански јазик што се под ова централно училиште.

Онаа народната „Лежи, лебу, да те јадам“ наголемо, надолго и нашироко се практикува во битолскиот Совет.

Активно се работи на уредување на една од зградите во О.У. „Гоце Делчев“ во Битола. Градоначалничката на Општина Битола, м-р Наташа Петровска, на терен ги регистрираше новите промени во училиштето и текот на реновирањето.

Директорката на училиштето Билјана Стојковска ја запозна градоначалничката со тековниот проект, во кој, со средства од УСАИД, во зградата се врши замена на внатрешната столарија, односно 8 врати во тоалетите, 11 врати во училниците, како и надворешната влезна врата.

Екипите на КЈП „Нискоградба“со расположливата механизација ги исчистија сите локални патишта во Општина Битола од  снегот. Патот кон браната Стрежево е прооден од саботата во попладневните часови информира директорот на ова јавно претпријатие Методи Сиљановски. Според него исчистени се улиците низ градот кои се предвидени за чистење со Програмата за зимско одржување на улици и патишта во Општина Битола.

Центарот за култура-Битола во своето 3Д-Кино од вечер до 3 февруари ќе ја промовира македонската кинематографија.

За филмофилите од овој град ќе бидат емитувани 11 нови и постари филмови од истакнати македонски режисери, а ревијата ќе почне со филмот „Кобра“ на режисерот Игор Иванов.

-На филмското платно ќе бидат и проекциите на филмовите „Соба со пијано“, „Три дена во септември“, „Панкот не е мртов“, „Копање“, „Скопје ремикс“, „Исцелител“, „Година на мајмунот“, „Џган“, „Ослободувањето на Скопје“ и филмот „Бикини мун“, но со тоа нема да заврши филмската ревија, бидејќи во текот на следниот месец на редовниот репертоар во нашето кино ќе бидат и филмот за тинејџери „Ема“, филмот за деца „Ловци и вештерки“, истакна Маја Андоновска-Илијевски, директор на НУ Центар за култура-Битола.

Во битолското 3Д-Кино во текот на февруари ќе биде емитуван и филмот „Ругање со Христос“ на режисерот Јани Бојаџи, односно по неговото враќање од Австралија.

-НУ Центар за култура-Битола во 2019 година ќе ја промовира и европската кинематографија, со зголемување на бројот на европски филмови на редовниот репертоар. Во таа насока е потпишаниот меморандум за соработка со Канцеларијата на МЕДИА на Агенцијата за филм на Република Македонија, како и соработката со Кинотека на Македонија која ќе биде интензивирана и со што ќе имаме поголем број филмски ревии во Битола, потврди Андоновска-Илијевски.

На редовниот репертоар во 3Д Кино Битола во февруари ќе бидат филмовите: трилерот Cold Pursuit, научно-фантастичнот филм Alita, анимираниот филм „Како да го дресирате вашиот змеј“, „Лего Филм 2“ и други.

Денес не очекува променливо облачно време. Утринската температура во Битола достигне -8 Целзиусови степени.

За претпладнето се прогнозирани подолги сончеви периоди и магла по одделни котлини, а во попладневните часови во западните делови ќе има врнежи од дожд, а на планините од снег.

Облачно време со повремени врнежи од дожд, а на планините во снег ќе преовладува во текот на оваа недела. Од четврток поради заладување врнежите на повисоките и на некои пониски места ќе преминуваат во снег, а во одделни котлини ќе има услови за магла.

За денеска синоптичарите најавуваат променливо време со подолги сончеви периоди претпладне, а веќе од попладне се очекуваат врнежи од дожд во западните делови и снег на планините. Повремено врнежите ќе бидат пообилни. Во текот на ноќта, врнежите ќе се прошират и во останатите делови, но ќе имаат послаб карактер. Ќе дува умерен ветер од југоисточен правец. Максималната температура ќе биде во интервал од 4 до 10 степени.

И оваа зима повеќе од 42 државни и општински установи во градот користат лесно масло за ложење и мазут, а за тоа од државната и општинската каса на годишно ниво се трошат над 2,1 милион евра. Вакво истражување презентираше Комисијата за енергетика на ВМРО-ДПМНЕ од Битола на трибината за аерозагадување. Во табелата на институции кои се греат со фосилни горива се Општината, Основниот и Апелациониот суд, Домот за доенчиња, Библиотеката, Центарот за култура, десет основни училишта, седум средни училишта, седум детски градинки, Студентскиот дом и други институции.

Грчкиот комунист Пантелис Пуљопулос, кој пишувал статии за македонското прашање, напишал и граматика за медонскиот јазик, која за жал не сочувана.

Здружението на пензионери од Битола им соопштува на своите членови – корисници на старосна, семејна и воена пензија дека започнува упис на млечни производи:

1.Кравји кашкавал штека (околу 3.0 кг.) за 310 денар/кг.

2.Кравји кашкавал вакум (парче околу 300 г.) за 320 денари/кг.

3.Мешан кашкавал штека (околу 3.0 кг.) за 330 денари/кг

4.Мешан кашкавал вакум (парче околу 300 г.) за 340 денари/кг

5.Кравјо бело сирење вакум (парче околу 300 гр.) за 220 ден.

6.Мешано бело сирење вакум ( парче околу 300 гр.) за 250 ден.

7.Биено сирење вакум (парче околу 300 гр.) за 320 ден/кг.

Минимална нарачка по производ е 2.5 кг.

Плаќањето е на 2 рати до 1500 денари

Над 1500 денари е на 3 рати

При уписот задолжителен е талон од пензија НЕ ПОСТАР ОД 3 МЕСЕЦИ и лична карта.

Млечните производи се од VEMILK, DOO IMV

Подигањето на производите ќе биде во горниот пазар на паркингот (комбе на VEMILK) по претходно известување на телефон.