Во депонија се претворени некогашните простории на Дирекциите на Министерството за финансии и на Управата за имотно-правни работи во Битола. Просториите кои се во распаѓање се наоѓаат во центарот на градот кај Дрвен Пазар. Освен лошата слика, од внатре се шири и лоша миризба. Украдена е целата дограма, уништени се покривите и подот, а ѓубриште е расфрлено на сите страни. Службите одамна се иселија, а местото прерасна во збиралиште на бездомници, зависници на дрога и нужник на случајни минувачи. Ваква е состојбата подолго време, па дури и некогашното службено возило е обраснато со коров.

Аждерот замина, а аждеримзот преживеа, вака режисерот Владимир Милчин преку една реченица ја претстави темата на новата премиера „Аждер“ што на 20 ноември ќе се игра на сцената на Народниот театар во Битола.

Во сабота на Широк Сокак во Битола ќе се отвори книжарница на „Литература.мк“. Отворањето е закажано за 12 часот. Стартот на новиот продажен простор ќе биде одбележан со концерт на познатата битолска група „Фолтин“, коктел-забава, како и многубројни изненадувања за најмладите.
На денот на отворањето во книжарницата ќе има специјален попуст од 30 отсто на сите изданија на „Арс Ламина – публикации“.

Во простор од 20 m2, со модерен, артистички уреден ентериер, книжарницата „Литература.мк“ ќе ги донесе светските книжарски трендови и во Битола. Со ова, градот на конзулите конечно ќе добие книжарница по светски терк. Во неа ќе биде застапена литература за целото семејство. На полиците на книжарницата ќе може да се најдат познати домашни и светски наслови, од најголемите издавачки куќи кај нас. Ќе биде понуден голем избор од белетристиката, стручната литература, книжевност за деца и едукативни материјали.

Како веќе препознатливо место за страсните љубители на книгата, вљубеници во пишаниот збор и талкачи низ бескрајниот литературен простор, „Литература.мк“ ќе понуди богата програма, разни случувања и содржини наменети за сите возрасти и за сите вкусови: литературни дружења, гостувања на домашни и на странски автори, креативни средби и едукативни работилници за најмалите читатели.

Почнувајќи од 17 ноември продажниот простор на „Литература.мк“ сместен на Широк Сокак 40, во Битола ќе работи од 9 до 21 часот, од понеделник до сабота.

Спогодбено раскинување на петгодишните договори за бесплатниот школски превоз со Општината и средни  училишта во градот бара превозникот „Боби Турс“ од Битола. Од оваа фирма за апла.мк велат дека  денеска преку архива лично до Техничкото училиште во Битола, Економското и Земјоделското училиште како и гимназијата „Таки Даскало“ и до Општина Битола доставиле барања во кои стои дека бараат предвремено и спогодбено  раскинување на договорите кои имаат важност до 2020 година за бесплатниот школски превоз.

-На четири средни училишта во градот и до општината денеска преку архива им ги доставивме барања, во нив бараме спогодбено и пред време да ги раскиниме договорите за школскиот превоз, од причина што сметаме дека тоа не доведува до нерентабилно работење. Очекуваме дека училиштата и Општина Битола ќе одговорат  позитивно на нашето барање, велат од „Боби Турс“за апла.мк  и додаваат дека  доколку спогодбено не се раскинат договорите тогаш тие се решени да го почекаат рокот кој го диктира договорот, а тоа е три месеци однапред да ги известат барателите на услуги дека се откажуваа од договорот.

Јавното претпријатие „Комуналец“ го презема одржувањето на уличното осветлување на териториите на поранешните општини Кукуречани, Цапари и Бистрица, вака одлучи Советот на Општина Битола на вчерашната седница на Совет.

Претседателот на Советот  Валентин Груевски изрази надеж дека во следниот период „Комуналец“’ ќе го преземе одржувањето на уличното осветлување и на подрачјето на општина Битола, со што како што рече, парите на граѓаните ќе остануваат во јавното претпријатие.

Бескрајно поучна и емотивна е вистинската приказна за учениците од II 4 одделение од основното училиште „Климент Охридски“ во Битола, каде учат и две деца кои боледуваат од дијабетес тип 1. Второоделенците заедно со нивната одделенска наставничка Весна Аврамовска Димитровска, споделија со јавноста за сите предизвици со кои секојдневно се соочуваат во борбата со болеста на нивните другарчиња.

Со лаптоп компјутери денес се подновија сите советници во Општина Битола. Набавени се 31 компјутер со цел Советот да биде елетронски, а работата на советниците побрза и поефикасна. И изминатите состави, советниците во неколку наврати добиваа лаптоп компјутери како средство за работа.

За да им бидат надоместени парите на учениците кои во изминатиот период патувале на сопствен трошок до училиште, ќе треба да бидат заведени во извештаите на директорите дека присуствувале на настава и да ги зачувале фискалните сметеки. Вака денес одлучи Советот на Општина Битола за учениците кои патуваат од места каде нема линиски превоз или се од други општини.

Благодарение на поволните временски услови, продолжува санацијата на патот  од Битола кон село Бистрица, а деновиве  „Македонија пат“ како изведувач, работи на инфраструктурни зафати во должина од 4 километри. Активностите  започнаа во април со асфалтирање на патот од излезот на Битола кон селото Бистрица, а долколку дозволат времеснките услови, асфалтирањето ќе продолжи до село Драгош. Исто така, од страна на екипите на „Македонија пат“ се санираат и неколку улици во селото Бистрица.